1 Samuel 15:13 - MUKANDA USANDU WA ZAMBI 1975

¹³ Samuel yaheta kuli Saulu, mba Saulu yamba kuli iye ngwenyi, Yehova anuwahise! Hinalinga shimbi ja Yehova.

Mukanda Wa Zambi 1970

¹³ Samuel yaheta kuli Saulu, mba Saulu yamwamba ngwenyi: “Mwene Zambi anuwahise! Hinafunga Shimbi jenyi.”

1 Samuel 15:13 Iomraidhean Croise

Ubutukilo 14:19

Yawahisa Apalama ngwenyi, Zambi Chitunda, Mwenya malilu ni hashi akawahise Apalama,

Ubutukilo 3:12

Lunga yamba ngwenyi, Pwo wanguhele akapwe hamwe ni yami, iye wangwahanga wa ku mutondo mba nalianga.

2 Samuel 2:5

David yatuma tunganda kuli malunga a Njabeshe-Ngiliate ngwenyi, Nukawahe kuli Yehova mumu nwasolwele utu wa zango kuli mwene wenu Saulu ha kumufunda.

Yishima 27:2

Mutu weka akakuchichimieke hi kanwa lia yena mwene ko. Chikapwe cha mutu weka hi mivumbo ya yena mwene ko.

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Yishima 30:13

Kuchili chisemuko—Cho kulizata kumeso! Meso jo a kuhetula Chichize!

Yishima 31:31

Hana kuli iye mihuko ya moko jenyi; yitanga yenyi mwene yikamuhalise mu yikolo ya limbo.

Luka 17:10

Chizechene yenu nawa, muze hinwalinga yuma yize yeswe ananwambe, nukambe ngwenu, Tuli ndungo amokomoko; hitwalinga wika chize yapwa milimo yetu.

Luka 18:11

Ka-Fwariseu wamanyine nikulemba kuli iye mwene ngwenyi, Zambi, ngunakusakwila yami chapwile ngwe atu akwo, akwa mbenga, yihenge, yitanji, hanji chipwe ngwe yono mukwa kufwetesa lijimu.

Akwa Kuyula 17:2

Iye yamba kuli naye ngwenyi, Mbongo jize ja prata kumi lia kulakaji ni kulakaji umuwika akwiyile mba walishingile mwe mu matwi jami, tala, kuli yami jili. Yami najitambwile. Naye yamba ngwenyi, Yehova akuwahise mwanami.

Rute 3:10

Lunga yamba ngwenyi, Mwanami, Yehova akuwahise; utu we wa kusula wahiana uze utangu se kwakawile akweze, apwe yiswale apwe pichi.

1 Samuel 13:10

Wachimana kulambula mulambu wa kulumba, Samuel yaheta, mba Saulu yaya mukumupatwiza, amumeneke.

1 Samuel 15:11

Hinalikonyeka ha kupwisa Saulu mwanangana, mumu hanalitwamina kungukaula. Kalingile chize namutumine. Samuel yatenuka. Yateta kuli Yehova Ufuku weswe.

1 Samuel 15:20

Saulu yamba kuli Samuel ngwenyi, Alioze hinononoka ku liji lia Yehova. Hinenda mu jita yize Yehova wangutumine. Hinaneha Agage mwanangana wa A-Amaleke, nikunongesa liakulu A-Amaleke.

1 Samuel 15:9

Saulu ni e atu kashihile Agage ni yimuna apema hakachi ka mapanga, ni ngombe, ni yimbembe a maji, ni ana-mapanga, ni yuma yeswe yipema; kasolo kwanongesa. Alioze api eswe, amokomoko o aanongesene liakulu.

1 Samuel 23:21

Saulu yamba ngwenyi, Akanuwahise kuli Yehova mumu hinwanguvwila keke.

1 Samuel 25:14

Alioze umwe mukweze yambulwila Abigale pwo lia Nabale ngwenyi, David katumanga mu puya tunganda akameneke mwata wetu alioze iye yaachoka.