1 Samuel 15:11 - MUKANDA USANDU WA ZAMBI 1975

¹¹ Hinalikonyeka ha kupwisa Saulu mwanangana, mumu hanalitwamina kungukaula. Kalingile chize namutumine. Samuel yatenuka. Yateta kuli Yehova Ufuku weswe.

Mukanda Wa Zambi 1970

¹¹ “Ngunevu chinyengo chize napwishile Saulu mwanangana, mumu hangumba nyima ni hakolema Shimbi jami.” Samuel yatenuka, yalila ku meso ja Mwene Zambi ufuku weswe.

1 Samuel 15:11 Iomraidhean Croise

Ubutukilo 6:6

Yehova yalikonyeka chize atangile atu hano hashi. Chamunehenene chinyengo mu mbunge yenyi.

Ubutukilo 6:7

Kashika Yehova yamba ngwenyi, Atu ano natangile mungwanongesa hashi; ni atu, ni tushitu, ni tututu, ni tujila a mu tetela, mumu hichangukonyekesa chize naatangile.

2 Samuel 24:16

Alioze muze mungelo wolwele kwoko lienyi ku Yerusaleme achonwone, Yehova walikonyekene ha chuma chino chikalu. Yamba kuli mungelo yoze te unonwona atu ngwenyi, Kunahu. Kokolola kwoko lie. Mungelo wa Yehova achili te ku chizungwilo cha Arauna wa ku Yepushe.

1 Yitanga Ya Mianangana 11:9

Kashika Yehova yatenuka ni Solomone mumu mbunge yenyi hiyatewuluka kuli Yehova Zambi ya Izalele yoze te hanasoloka kuli iye kaali,

1 Sango Ja Mianangana 10:13

Chocho yafwa Saulu ha mukunda wa Utanguko wenyi wavulumwine ni kulimika ni Yehova, mumu kafungile liji lia Yehova. Chikwo nawa wahulile chiyulo kuli mukwa mahamba;

1 Sango Ja Mianangana 21:15

Zambi yatuma umwe mungelo ku Yerusaleme akayonwone. Mba muze himayonwona, Yehova yatala, yalikonyeka ha chuma chino chikalu, mba yamba kuli mungelo chonwonyi ngwenyi, Kunahu! Kanda uweza nawa kwoko lie. Mungelo wa Yehova te kanamana ku chizungwilo cha Ka-Yepushe Ornane.

Jobe 34:27

mumu ahambulukile ha kumukaula, majila jenyi kaasele mbunge.

Miaso (Masamu) 109:4

O hanalipwisa akwa kole jami mumu ha zango liami, alioze yami nakulemba.

Miaso (Masamu) 110:4

Yehova hanalishingi, kechi kulikonyeka, ngwenyi, Uli sasendote ku miaka ya mutolo, nikulita ni ngango ya Melekizeteke.

Miaso (Masamu) 119:136

Ku meso jami tuzololo twa meya kakusulumiokena mumu atu keshi kufunga shimbi ye. Zade

Miaso (Masamu) 125:5

Alioze waze akupiasuka mu majila ahenga, Yehova kumakaatuhwisa hamuwika ni akwa kulinga uhenge. Sambukila yikapwe hali Izalele.

Miaso (Masamu) 36:3

Maliji a mu kanwa lienyi a uhenge ni kwonga. Hambila mana ni yitanga yipema. Ha muhela wenyi kakutaka uhenge;

Miaso (Masamu) 78:41

Alumukine nawa nikweseka Zambi. Ehile mwe Musandu wa Izalele.

Miaso (Masamu) 78:57

Ahilukile kunyima; alingile ni mafwefwe ngwe akako; apiasukile ngwe uta wa kwonga.

Kutuhuka 32:11

Mose yamba kuli Yehova Zambi yenyi ngwenyi, Yehova, kuchi te utenu we unasasaminya hali atu je, waze waachijile ku chifuchi cha Engitu ni tachi jinji, ni kwoko lia ndundo?

Kutuhuka 32:14

Mba Yehova walikonyekene ha yipi yize ambile ngwenyi, Munguyilinga kuli atu jami.

Jeremia 11:10

Hanahilukila uhenge wa tulamba two, waze katayile kwivwa maliji jami. Hanakaula mazambi akwo akaalingile. Munyachi wa Izalele ni munyachi wa Yunda hanatangula usendo uze nalingile ni tulamba two.

Jeremia 13:17

Alioze nyi kunuchi kwivwa, mbunge yami ku tenga muyililila kulengumuka chenu. Meso jami kumakahia chikolo nikulila masoji, mumu mbunga ya mapanga a Yehova hanakwachika mu ufunge.

Jeremia 34:16

Alioze nwalumukine ni kujilula jina liami ha kutambula nawa mutu mweswe ndungo jenyi ja malunga ni a mapwo waze te nwaatuswile nikulita ni mbunge jo, ni kwazeyesa mu undungo wenu.

Jeremia 9:1

Nyi kachi mutwe wami wapwa meya, ni meso jami fuji lia masoji, hanga ngukalile mwalwa ni ufuku hali waze haashiha a kuli mwana wa pwo atu jami!

Jeremia 9:18

Atambuke aputuke kutulilila mbimbi, hanga mu meso jetu musulumioke masoji, ni yindayizo yetu yikapukumune meya.

Ezekiel 18:24

Alioze muze mukwa ululi mahichika ululi wenyi akalinge uhenge, ni kulinga yuma ya lwaji yize yene chingulungulu akulinga, te makatwama ni mwono? Nichimwe chitanga chenyi cha ululi halinga makamwiwulukilacho. Ha mafwefwe aze hahila, ni mulonga uze havulumuna kumakafwa.

Amose 7:3

Mba Yehova yalikonyeka ha chuma chino. Yehova yamba ngwenyi, Kuchichi kupwa.

Yona 3:10

Zambi yamona yitanga yo, ngwenyi, Kanakatuka ku ndako jo jipi. Mba Zambi yalikonyeka ha che chuma chikalu chize ambile kwalinga. Kachilingile.

Yona 4:2

Yalemba kuli Yehova ngwenyi, Yehova, ngunalembe kuli yena, te chambile chino chene shimbu te nguchili mu chifuchi chami nyi? Kashika naliangile kuchinyina ku Tashi, mumu nanyingikine ngwami, Uli Zambi ya vumbi, wa tò ni keke, makoke kutenuka, mukwa kulumbamisa utu wa zango, kuwakulikonyeka ha chuma chikalu.

Zefania 1:6

waze hanalitwamina kukaula Yehova; kafupile Yehova, chipwe kumuhula.

Mateu 24:13

Alioze mweswe manyongonona ndo ku songo, kumakamulamwina.

Mateu 5:44

alioze yami ngunambe kuli yenu ngwami, Zangenu akwa kole jenu, Wahisenu waze akunushinga, lingenu kanawa kuli waze akunuvwila kole, lembenu hali waze akunusaula ni waze akunuhungumiona;

Luka 6:12

Ha matangwa aze wayile ku mulundu mukulemba; iye wahwishile ufuku weswe nikulemba kuli Zambi.

Hebreu 10:38

Alioze mukwa ululi kumenda ku ufulielo; mba kachi masosolokela kunyima, yami chichi kuwaha nichimwe muli iye.

Yoshua 22:16

Liji lia chikungulwila cheswe cha Yehova ngwo, Mafwefwe wano aka nwalinga kuli Zambi ya Izalele? Se musono hinwatewuluka ha kukaula Yehova, hinwalitungila chilumbilo cha kukolema Yehova.

1 Samuel 12:23

Chikwo nawa, ha kutwala kuli yami chikapwe kusuku ni yami kuvulumuna Yehova ha kulitwamina kunulembela. Mungunufumba mu jila yipema yize yinalulama.

1 Samuel 13:13

Samuel yamba kuli Saulu ngwenyi, Hiwalinga uhepuke. Kwalingile nikulita ni shimbi ya Yehova Zambi ye yize akwambile. Nyi chocho walinga kachi Yehova wakolesele wanangana we kuli A-Izalele ku miaka ya mutolo.

1 Samuel 15:10

Henaho liji lia Yehova lieza kuli Samuel ngwenyi,

1 Samuel 15:3

Kashika yako haliapwila ukalambe Amaleke ukonwone yize yeswe ali nayo. Kanda uavwila keke alioze shiha malunga, ni mapwo, ni twanuke ni akwa kwamwa, ni ngombe, ni mapanga, ni tumelu, ni yimbulu.

1 Samuel 15:35

Samuel kejile nawa kumona Saulu ndo ku tangwa lia kufwa chenyi. Alioze Samuel yalinyenga hali Saulu, ni Yehova yalikonyeka ha kupwisa Saulu mwanangana wa Izalele.

1 Samuel 15:9

Saulu ni e atu kashihile Agage ni yimuna apema hakachi ka mapanga, ni ngombe, ni yimbembe a maji, ni ana-mapanga, ni yuma yeswe yipema; kasolo kwanongesa. Alioze api eswe, amokomoko o aanongesene liakulu.

1 Samuel 16:1

Yehova yamba kuli Samuel ngwenyi, Ndo mwiji muka mukalishimwoka hali Saulu, se hinalitunaye, kechi kupwa mwanangana wa Izalele? Zalisa mbinga ye ni maji, yako, mungukutuma kuli Yese wa ku Mbeteleme, mumu hinalisela mwanangana hakachi ka anenyi a malunga.

1 Samuel 8:6

Alioze chuma chino Chapihilile Samuel ha kwamba ngwo, Twehenu mwanangana akatuyule. Samuel yalemba kuli Yehova.