1 Samuel 14:7 - MUKANDA USANDU WA ZAMBI 1975

⁷ Mukwa kumumbachila yitwa yenyi yamba ngwenyi, Linga cheswacho chili mu mbunge ye. Kunguli hamwe ni yena. Mbunge yami chimuwika yapwa ni ya yena.

Mukanda Wa Zambi 1970

⁷ Mwe mukweze yakumbulula ngwenyi: “Linga cheswacho unazange, nguli hamwe ni yena.”

1 Samuel 14:7 Iomraidhean Croise

2 Samuel 15:15

Tuvumbi twa mwanangana yamba kuli mwanangana ngwo, Etu tuvumbi twenu mutulinga cheswacho mwene wetu mwanangana matongola.

2 Samuel 7:3

Natane yamba kuli mwanangana ngwenyi, Yénu nulinge yeswe yili mu mbunge yenu, mumu Yehova hwali hamuwika ni yenu.

Miaso (Masamu) 46:7

Yehova-wa-Tujita kwali hamwe ni yetu; Zambi ya Yakomba iye uchinyino wetu.(Litulike.)

Zakaria 8:23

Yehova-wa-Tujita kanambe ngwenyi, Ha matangwa aze kumi lia malunga a ku mavungu ja malimi eswe makakwata ku hina lia mutu umuwika Ka-Yunda nikwamba ngwo, Tutayize kuya ni yena mumu hitwevwa lufuma ngwo, Zambi hwali hamwe ni yenu.

Akwa Kuyula 9:54

Iye yatambika fujifuji kuli mukweze wenyi wakumumbachila yitwa yenyi ngwenyi, Tomona katana ke ungushihe, kuchina mamba ngwo, Amushihile kuli pwo. Chocho mukweze wenyi yamutuwa ndusu; yafwa.

1 Samuel 10:7

Mba muze yilayi muyipwa kuli yena hilinga chize unamono kulinga mumu Zambi kwali hamwe ni yena.

1 Samuel 14:6

Jonatas yamba kuli kambaji kenyi yoze wambachile yitwa yenyi ngwenyi, Tuye ku chilombo cha wano yilima. Hanji Yehova matukwasa mumu hi chikalu ko kuli Yehova kulamwina atu chipwe ni anji chipwe ni akehe.

1 Samuel 14:8

Jonatas yamba ngwenyi, Mutuya kuli wano malunga mu sali tukasoloke kuli ayo.