1 Samuel 14:6 - MUKANDA USANDU WA ZAMBI 1975

⁶ Jonatas yamba kuli kambaji kenyi yoze wambachile yitwa yenyi ngwenyi, Tuye ku chilombo cha wano yilima. Hanji Yehova matukwasa mumu hi chikalu ko kuli Yehova kulamwina atu chipwe ni anji chipwe ni akehe.

Mukanda Wa Zambi 1970

⁶ Jonatane yambila lunga yoze te unambata yitwa yenyi ngwenyi: “Tuchiye ku musumba wa yilima wano Afilistia. Hanji Mwene Zambi matukwasa, mumu hi chikalu ko kuli Zambi kulamwina atu, chibwe ni anji chibwe ni akepe.”

1 Samuel 14:6 Iomraidhean Croise

2 Samuel 1:20

Kanda nuchambulula mu Ngata, kanda nuchifumanyishina mu matapalo a Asekalone, kuchina mapwo A-Filistea mawahilila, kuchina mapwo ja yilima malikwiza.

2 Samuel 16:12

Hanji Yehova matala ku chipi chino anangulingi, hanji Yehova mangukundulula chipema mumu ha matuka jenyi kuli yami musono.

1 MIANANGANA 19:4

Hanji muchipwa Yehova Zambi ye mevwa maliji eswe a Rabeshaka yoze watumiwanga kuli mwata wenyi mwanangana wa Asuria kuchoka Zambi ya mwono, hanji iye makanjisa maliji eswe Yehova Zambi ye hevwa. Kashika uchilembele kama waze asala.

2 Sango Ja Mianangana 14:10

Asa yatuhuka kutakana nenyi, mba yalulika jita mu chana cha Zefata ku Maresa.

2 Sango Ja Mianangana 14:11

Asa yalemba kuli Yehova Zambi yenyi ngwenyi, Yehova, kukushi chikwashi shina yena hakachi ka mukwa ndundo ni yoze keshi tachi. Tukwase kama, Yehova Zambi yetu, mumu hali yena tunajikijila ni mu jina lie hitwatuhuka kulimika ni mbunga yino. Yehova, uli Zambi yetu, kanda utayiza atu kukukumba.

Miaso (Masamu) 135:6

Yehova hanalingi cheswacho chamuwahila, ni mwilu, ni hashi, ni mu tulunga-lwiji, ni muma mweswe mwajotoka.

Jeremia 9:23

Yehova kanambe ngwenyi, Mukwa mana kanda alisamba ni mana jenyi; mukwa ndundo kanda alisamba ni ndundo jenyi; pichi kanda alisamba ni upite wenyi.

Jeremia 9:25

Yehova kanambe ngwenyi, Matangwa kaneza muze munguhana kastigu kuli waze hanaupwisa ngalami hindu kapwa yilima—

Jeremia 9:26

A-Engitu, ni A-Yunda, ni A-Endome, ni ana ja Amone, ni A-Moape, ni waze eswe atwama mu puya akupatula mbango ja kambu jo, mumu mavungu wano eswe yilima, ni akwa munyachi wa Izalele eswe kapwa yilima mu mbunge.

Amose 5:15

Vwilenu lwaji yuma yipi; zangenu yuma yipema kolesenu upatwilo wa ululi mu chota. Hanji Yehova Zambi-ya-Tujita mavwila vumbi masalila ja José.

Zefania 2:3

Enu eswe akwa kulikehesa mu chifuchi akwa kulinga shimbi jenyi; fupenu Yehova, fupenu ululi, fupenu kulikehesa cha mbunge. Hanji manusweka ha tangwa lia ufwatulo wa Yehova.

Zakaria 4:6

Aye yamba kuli yami ngwenyi, Lie liji lino lia Yehova kuli Zorobabele ngwenyi, Yehova-wa-Tujita kanambe ngwenyi, Hi ku ndundo ko hanji ku ngolo alioze kuli Spiritu yami.

Kwalula 10:32

Muchikapwa, nyi yenu munuya hamwe ni yetu, ngwami, yuma yipema Yehova makatulinga yetu, yiyene kumutukanulinga yenu.

Kwalula 31:4

Ukatume ku jita kanunu wa ku munyachi, kanunu wa ku munyachi, ndusu ku minyachi yeswe ya A-Izalele.

Mateu 19:26

Yesu nikutala meso kuli ayo, wambile ngwenyi, Kuli atu kuchishi kuhasa; alioze kuli Zambi yuma yeswe muyihasa kupwa.

A-ROMA 8:31

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

Shimbi 32:30

Kuchi umuwika mahuma kanunu hanji aali mazombwesa kumi lia tununu, kachi Liwe lio kaalanjishile kachi Yehova kaambilile?

Filipu 3:3

Mumu yetu tuli akwa ungalami, yetu twakulingila Zambi muli Spiritu, twakulisamba muli Kristu Yesu, kutushi kufuliela musunya.

Yoshua 14:12

Kashika ngwehenu chifuchi chino cha milundu Yehova wambile tangwa lize, mumu wevwile ha tangwa lize ngwo, A-Anake atwamako mu yihunda yinene ya kukolesa. Hanji Yehova mapwa ni yami ngukaahume ngwe Yehova hanambe.

Akwa Kuyula 15:18

Pwila yinji evwile, kashika yateta kuli Yehova, ngwenyi, Ulamwino uno unene unahana ku kwoko lia yami kanganda ke, mba haliapwila ngufwe ni pwila, wano yilima akangukwate nyi?

1 Samuel 14:5

Mulundu umwe wanangama ku Norte kutalangana ni Mikimashi ni ukwo ku Sule kutalangana ni Ngeba.

1 Samuel 14:7

Mukwa kumumbachila yitwa yenyi yamba ngwenyi, Linga cheswacho chili mu mbunge ye. Kunguli hamwe ni yena. Mbunge yami chimuwika yapwa ni ya yena.

1 Samuel 17:26

David yamba kuli malunga aze amujingilikile ngwenyi, Yika malinga kuli lunga yoze mashiha yono Ka-Filistea nikuchiza luchoko yono kuli A-Izalele? Mumu yono chilima cha Ka-Filistea kuchi apwa akahase kutomba chizavu cha tujita twa Zambi ya mwono.

1 Samuel 17:36

Yami kavumbi kenu nashihile ndumba ni ursu, eswe aali, mba yono chilima cha Ka-Filistea mapwa ngwe umwe hakachi ko se hatomba chizavu cha tujita twa Zambi ya mwono.

1 Samuel 17:46

Tangwa lino Yehova makukunjika mu moko jami mba mungukushiha, mungukutapa mutwe. Musono munguhana mijimba ya A-Filistea kuli tujila a mu tetela ni kuli tushitu a mu yambu, hanga akwa hashi eswe akanyingike ngwo, Kwali umwe Zambi mu Izalele.

1 Samuel 17:47

Chikwo nawa hanga wano eswe anakunguluka kuno akanyingike ngwo, Yehova keshi kutemwina ni katana hanji ni kunga. Mumu jita ya mbala ya Yehova neye makuhana mu kwoko lietu.

1 Samuel 31:4

Henaho Saulu yamba kuli mukwa kumumbachila yitwa ngwenyi, Tomona katana ke ungutuwe nenyi kuchina wano yilima meza manguwana mba mangutuwa ni manguyunga. Alioze mukwa kumumbachila yitwa katayile mumu woma wunji evwile. Kashika Saulu yanda katana kenyi mwene; yalikonaho.