1 Samuel 14:44 - MUKANDA USANDU WA ZAMBI 1975

⁴⁴ Saulu yamba ngwenyi, Jonatas, Zambi achilinge ni chikwo nawa. Kufwa muofwa.

Mukanda Wa Zambi 1970

⁴⁴ Saulu yamba ngwenyi: “Jonatane, Zambi angushihe nyi yena kuuchi kufwa. Kufwa, kumuufwa.”

1 Samuel 14:44 Iomraidhean Croise

Ubutukilo 38:24

Mba kulutwe lia tukweji atatu, yambulwila Yunda ngwo, Tembwa-mwané Tama halipwisa chikoi, chikwo nawa, hapwa ni ufumba wa ku ukoi wenyi. Yunda ngwenyi, Mutuhwisenu, numwoche.

2 Samuel 12:31

Yachizamo atu aze apwilemo nikwasela ku selalo, ni ku yikungo ya kulima nayo, ni ku njimbu ja utale, nikwalingisa ku utengelo wa tijolo. Chocho walingile ku yihunda yeswe ya A-Amone. Mba David ni atu eswe yahiluka ku Yerusaleme.

2 Samuel 12:5

Utenu wa David yiukasumukina yoze lunga. Yamba kuli Natane ngwenyi, Ni mwono wa Yehova, yono lunga halinga chuma chino katela kufwa.

2 Samuel 19:13

Ambenu kuli Amasa nawa ngwenu, Ngwami, uli wa yifwaha yami ni musunya wami. Zambi alinge chocho kuli yami nikuwezaho nawa kachi chakusele kapitau wa tujita matangwa eswe kusalakana Joabe.

2 Samuel 3:9

Zambi chocho alinge kuli yami Abenere nikuwezaho nawa, nyi chalingilile David chize Yehova hanalishingi nenyi,

Yishima 25:16

Hiwawana wuchi nyi? Liako nikulita, kuchina mukuta naye mba hikuusaza.

Akwa Kuyula 11:35

Ha kumumona iye wapulile mazalo jenyi ngwenyi, Lwangu mwanami! Hiwangukoka mu mavu. Mumu ha mukunda wa yena hinapwa ni lamba linene. Mumu hinahanjika ni Yehova mba Chahashile kulishingulula ku chilakenyo chami.

Rute 1:17

Kweswako mufwila yena, ni yami mungufwila ukangufunde kuze kwene. Yehova akangulambe nyi natayiza chipwe kufwa kutuhandununa yena ni yami.

1 Samuel 14:39

Mumu ni mwono wa Yehova chilamwina cha Izalele, chipwe muupwa muli mwanami Jonatas kumafwa. Alioze hakachi ka atu eswe kukwapwile lunga umuwika yoze makumbulula.

1 Samuel 25:22

Ha chimenemene nyi hinamuhichika chipwe lunga umuwika wa kuli atu jenyi eswe, Zambi chocho angulinge nikuwezaho nawa.

1 Samuel 3:17

Eli ngwenyi, Chuma chize Yehova hakulweza, chika? Ngunaliumbu, kanda unguswekelacho. Nyi munguswekela chimwe cha yize yeswe Yehova hakulweza—Zambi akakulingecho nikuwezaho nawa.