1 Samuel 14:21 - MUKANDA USANDU WA ZAMBI 1975

²¹ Ni A-Hepreu waze apwile hamwe ni A-Filistea kunyima; waze te akatukile ku chifuchi cheswe cha kujingilika nikuya ku chilombo, chipwe o alumukine nikulifutula hamwe ni A-Izalele waze endele ni Saulu ni Jonatas.

Mukanda Wa Zambi 1970

²¹ Amwe Ahebreu waze abwile hamwe ni Afilistia mu musumba wo, yaalumuka ni kulichinga ni Saulu ni Jonatane.

1 Samuel 14:21 Iomraidhean Croise

Akwa Kuyula 7:23

Asanyikine malunga A-Izalele akatuke ku Napatali, ni ku Ashe, ni ku Manase kweswe. O yeza yahanga A-Mindiane.

1 Samuel 29:4

Alioze tupitau twa A-Filistea atenukine nenyi. Tupitau twa A-Filistea yamba kuli iye ngwo, Hilwisa yono lunga, aye kuze wamuselele chihela. Kechi kuya ni yetu ku jita, kuchina hanji mu jita malumuka mukwa kulimika ni yetu. Kuchi yono mawana ni mwata wenyi? Ngwetu, Machilinga ni mitwe ya wano malunga.

1 Samuel 4:9

Enu A-Filistea! Takamenu, pwenu malunga kuchina munupwa ngamba kuli A-Hepreu chizechene ngwe ayo hapwa kuli yenu. Asenu jita ngwe nuli malunga.