1 Samuel 14:20 - MUKANDA USANDU WA ZAMBI 1975

²⁰ Saulu ni atu eswe apwile hamwe nenyi akungulukile, yaya ku jita. Kumanyi katana ka mutu mweswe walambile sepa lienyi. Kwapwile kulivundangenya chinji.

Mukanda Wa Zambi 1970

²⁰ Hohene Saulu ni tujita twenyi yaaya ku jita. Kuma mukachi ka Afilistia kulivundangenya chinji chilimo. Atu kaanalishihi ene ni ene.

1 Samuel 14:20 Iomraidhean Croise

1 Yitanga Ya Mianangana 20:21

Mwanangana wa Izalele yatuhuka, yalamba tuvwalu ni matemba-a-jita, yashiha A-Seria anji chikolo.

2 Sango Ja Mianangana 20:23

Mumu A-Amone ni A-Moape yalimika ni akwa mulundu wa Sere kwashiha ni kwanongesa liakulu. Mba muze hamanuna A-Sere, mweswe wakwashile kunongesa mukwo.

Izaya 19:2

Munguvundula A-Engitu akalimike ni A-Engitu, kumakasa jita, mutu mweswe ni usoko wenyi ni mutu mweswe ni mwenyembo wenyi. Chihunda muchikalimika ni chihunda, akwa wanangana umwe malimika ni akwa wanangana ukwo.

Ezekiel 38:21

Mungukasanyika katana kulimika nenyi mweswe mu milundu yami. Mwene Yehova kanambe ngwenyi, Katana ka mutu mweswe makalimika ni mukwo.

Akwa Kuyula 7:22

Muze o yemba kulakaji atatu a yitavwi Yehova yatalikisa katana ka mutu mweswe kulimika ni mukwo nikulimika ni tujita eswe. Chocho tujita eswe achinyine ndo ku Mbete-Shita kwakuya ku Zelela, ndo ku njiza ya Abelemehola ku Tabata.

1 Samuel 14:16

Tulayi a Saulu mu Ngibia ya Mbenjamine yatala, kumanyi mbunga yeswe yamwanganyine kweka ni kweka.

1 Samuel 9:16

Hamene, ha ola yino, mungukutuma umwe lunga wa ku chifuchi cha Mbenjamine, ukamuwayise akapwe kasongo ka atu jami A-Izalele. Iye makalamwina atu jami ku moko ja A-Filistea, mumu hinatala atu jami se muteto wo hiwanguheta.