1 Samuel 14:18 - MUKANDA USANDU WA ZAMBI 1975

¹⁸ Saulu yamba kuli Ahija ngwenyi, Neha mushete wa Zambi. Mumu mushete wa Zambi ha matangwa aze wapwile hamwe ni A-Izalele.

Mukanda Wa Zambi 1970

¹⁸ Saulu yambila hako Ahija ngwenyi: “Neha chikuto chihi cha uhako.” (Mumu ha matangwa waze Ahija te wakuchizala ni kutetekela kulutwe lia Aisraele.)

1 Samuel 14:18 Iomraidhean Croise

2 Samuel 11:11

Uriya yamba kuli David ngwenyi, We mushete, ni A-Izalele, ni A-Yunda, eswe mu yisakila anapombo. Ni mwene wami Joabe ni atu eswe a mwene wami hanase yilombo yo mu yambu, mba yami te munguya ku zuwo liami mukulia ni kunwa ni kupomba ni pwo liami nyi? Ni mwono wenu, ni mwono wa mbunge yenu, chichi kuchilinga.

Kwalula 27:21

Amane kumeso ja sasendote Eleazare, iye mamuhulila ku upatwilo wa Urimi kumeso ja Yehova; ku liji lienyi o akapwe nikutuhwoka, ni ku liji lienyi akapwe nikunjilanjila, neye ni A-Izalele eswe hamwe nenyi, che chikungulwila cheswe.

Akwa Kuyula 20:18

A-Izalele yakatuka, yaya ku Mbetele akahule Zambi ngwo, Munyachi uka wa yetu muulianga ku jita ni A-Mbenjamine? Yehova yamba ngwenyi, A-Yunda mahanga.

Akwa Kuyula 20:23

A-Izalele yakanduka, yalila kumeso ja Yehova ndo ngoloshi. Yahula Yehova ngwo, Tuye cheka nawa ku jita ni akwetu A-Mbenjamine nyi? Yehova yakumbulula ngwenyi, Yénu, nulimike no.

1 Samuel 14:17

Saulu yamba kuli atu aze apwile no ngwenyi, Alulenu haliapwila nunyingike waze hakatuka hakachi ketu. Muze haalula kumanyi Jonatas ni mukwa kumumbachila yitwa yenyi keshiko.

1 Samuel 14:36

Saulu yamba ngwenyi, Tukaulenu A-Filistea ha ufuku tukaapupe ndo ku kucha cha tangwa, kanda tuahichika chipwe mutu umuwika. O yamba ngwo, Lingenu cheswacho chanupemena. Sasendote yamba ngwenyi, Tukundamenu kuli Zambi.

1 Samuel 23:9

David yanyingika ngwenyi, Saulu chipi kananguhalila mba yamba kuli sasendote Abiatare ngwenyi, Neha efode kuno.

1 Samuel 5:2

Muze hatambula mushete wa Zambi autwalile ku zuwo lia Ndagone autumbikile hakamwihi ni Ndagone.

1 Samuel 7:1

A-Kiriate-Yerimi yeza yanda mushete wa Yehova yautwala ku zuwo lia Abinadambe ha mulundu. Yasela ku usandu mwanenyi Eleazare kufunga mushete wa Yehova.