1 Samuel 14:13 - MUKANDA USANDU WA ZAMBI 1975

¹³ Jonatas yanyinako ha moko ni molu ni mukwa kumumbachila yitwa kanamukaula. Jonatas yaashiha ni mukwa kumumbachila yitwa yaya ni kwamanununa kunyima yenyi.

Mukanda Wa Zambi 1970

¹³ Jonatane yanyina ha mulundu ni kukalala, mukweze te kanakaula Muze haheta ko, Jonatane yabutuka kwasa jita ni Afilistia, yaalamba hashi, mba mukweze yaashiha.

1 Samuel 14:13 Iomraidhean Croise

Miaso (Masamu) 18:29

Ku tachi je nakupalika ndusu mu mbunga ya tujita. Ku tachi ja Zambi yami nakutumbuka chipanga.

A-ROMA 8:31

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

Shimbi 28:7

Akwa kole jenu akunukatukila, Yehova makaalamba kumeso jenu. O makatuhukila jila yimuwika kulimika ni yenu, alioze kumakachina kumeso jenu ku majila shimbiali.

Shimbi 32:30

Kuchi umuwika mahuma kanunu hanji aali mazombwesa kumi lia tununu, kachi Liwe lio kaalanjishile kachi Yehova kaambilile?

Hebreu 11:34

ajimine tachi ja kahia, apulukile ku lutwilo wa katana, ku ulelu alikolezele, ayile ni kutakama mu jita, achinyishine yizavu ya yilambala.

Yoshua 23:10

Umuwika hakachi kenu kakuhuma kanunu se Yehova Zambi yenu kakunwashila jita ngwe halakenya ni yenu.

Akwa Kuyula 9:54

Iye yatambika fujifuji kuli mukweze wenyi wakumumbachila yitwa yenyi ngwenyi, Tomona katana ke ungushihe, kuchina mamba ngwo, Amushihile kuli pwo. Chocho mukweze wenyi yamutuwa ndusu; yafwa.

1 Samuel 14:12

Maswalale yamba kuli Jonatas ni mukwa kumumbachila yitwa yenyi ngwo, Tweyenu kuno kuli yetu tunulweze chimwe. Jonatas yamba kuli mukwa kumumbachila yitwa ngwenyi, Kaula kunyima yami mumu Yehova hanaakunjika mu moko ja A-Izalele.

1 Samuel 14:14

Aze atangu ashihile Jonatas ni mukwa kumumbachila yitwa yenyi apwile ngwe makumi aali a malunga, homa hamwe ngwe wande wa kweseka makumi atano a metro.