1 Samuel 13:7 - MUKANDA USANDU WA ZAMBI 1975

⁷ Amwe A-Izalele te hazauka Yordau ku chifuchi cha Ngate ni Ngiliate, alioze Saulu iye hindu kanatwama ku Ngilingali mba atu eswe amukawile nikuchikima.

Mukanda Wa Zambi 1970

⁷ Akwo yaazauka Yordau nikuchinyina mu yifuchi ya Gade ni Gileade. Saulu te kali ku Gilgale; atu eswe waze abwile hamwe nenyi yaachikima ni woma.

1 Samuel 13:7 Iomraidhean Croise

Alevi 26:17

Mungulimika ni yenu, mba manukumba kuli akwa kole jenu. Waze akunuvwila kole manuyula; munuchina chipwe niumwe kanuhangile.

Shimbi 20:8

E yilolo ahanjike ni atu nawa ngwo, Lunga muka unevu woma, mbunge yenyi yinalezumuka? Ahiluke ku zuwo lienyi, kuchina mbunge ja akwo mujilela ngwe mbunge yenyi.

Shimbi 28:25

Yehova makanulambisa kuli akwa kole jenu, munukatuhukila jila yimuwika kulimika no, alioze kumunukachina kumeso jo ku majila shimbiali, kumunukamwangana hakachi ka mawanangana eswe a hashi.

Shimbi 3:12

Chifuchi chino twazukile chikapwe nichetu ha mwaka uze, katuke ku Aroere kwatwama ni chikulo cha Amone, ni chipinji cha hakachi cha chifuchi cha milundu cha Ngiliate, ni membo jacho nahanyine kuli A-Rupene, ni kuli A-Ngate.

Yoshua 13:11

Ni Ngiliate ni chifuchi cheswe cha A-Ngeshure ni A-Makata, ni mulundu weswe wa Hermone, ni Mbashane mweswe ndo ku Saleka.

Yoshua 13:8

A-Rupene ni A-Ngate hamuwika ni chihanda chikwo cha munyachi wa A-Manase o atambwile chihinga cho, chize Mose waahele, mu sali lia Yordau ku Chivumbuko, che chize Mose kavumbi ka Yehova waahele.

Akwa Kuyula 7:3

Kashika ambulula mu matwi ja atu ngwe, Mweswe kanachikima ni woma ahiluke ku zuwo lienyi. Ngideone yaeseka, mba makumi aali a tununu ni tununu aali ahilukile. Kwasalile kumi lia tununu.

1 Samuel 13:8

Yashimbula matangwa shimbiali nikulita ni shimbu lize Samuel hamusela, alioze Samuel kahetele ku Ngilingali, ni atu akatukile kuli Saulu nikumwangana.

1 Samuel 17:11

Muze Saulu ni A-Izalele eswe evwile maliji aze a Ka-Filistea alishimwokene; evwile woma wunji.

1 Samuel 31:7

Malunga A-Izalele atwamine mu sali lia chikulo ni waze a mu sali lia Yordau muze hamona malunga A-Izalele hachina, ni Saulu ni anenyi hanafu, o yahichika yihunda yo, yachina. Mba A-Filistea yeza, yatwamamo.