1 Samuel 13:6 - MUKANDA USANDU WA ZAMBI 1975

⁶ Muze malunga A-Izalele amwene ngwo, Twasakaminya (mumu atu alifwichile) mba aswamine mu yivwenge, ni mu usaki, ni mu yimawe, ni mu pembo, ni mu mena.

Mukanda Wa Zambi 1970

⁶ Yaabutuka jita ya tachi ni Aisraele ni kwamwesa lamba linji. Kashika amwe yaswama mu yivwenge, akwo mu mena, hanji mukachi ka mawe, hanji mu mbongo, hanji mu mashima a meya.

1 Samuel 13:6 Iomraidhean Croise

2 Samuel 24:14

David yamba kuli Ngate ngwenyi, Nguli wa kupalakenya. Hapwa tuholoke mu kwoko lia Yehova, mumu keke yenyi yinene. Kanda nguholoka mu kwoko lia atu.

Izaya 42:22

Alioze wano kapwa munyachi wa kweya ni kwapupa. Eswe kanakwachika mu mena, kanaahengeka mu mazuwo a ususu. Hanakwachika kuli akwo ni yoze maapulula wakuhi; hapwa ngwe a kupita, ni yoze mamba ngwenyi, Hilwisenu, wakuhi.

Jeremia 41:9

Wina wa meya muze Ishemali yanyasa mijimba yeswe ya malunga aze hashiha, wapwile wina unene uze te mwanangana Asa walingile ha kulikwasa mu jita ni Mbasha mwanangana wa Izalele. Ishemali mwana Netania yauzalisa ni waze hashiha.

Ezekiel 33:27

Amba chino kuli ayo ngwe, Mwene Yehova kanambe ngwenyi, Ni mwono wami, pundu, waze anatwama mu yihela ya kwenyeka makafwa ni katana, mba yoze uli mu yambu mungukamuhana kuli tushitu akamulie; ni waze ali mu yihunda ya kukolesa ni mu yivwenge makafwa ni chilungo.

Filipu 1:23

Yino yeswe yiali yinangushinjika, se usona nguli nawo wa kukatuka, ngukaye kuli Kristu; mumu chize chipema chikolo chahiana.

Hebreu 11:38

(akwa hashi kaatelele), achamanganyine mu puya ni ha milundu, ni mu yivwenge, ni mu mena a hashi.

Yoshua 8:20

Muze akwa Ayi atalile kunyima, kumanyi mwishi wa chihunda unafwinji ndo mwilu. Mba kapwile ni tachi ja kuchina hanji kuku hanji kuku, mumu waze achinyine ku puya yahilukila nawa hali akwa kwahanga.

Akwa Kuyula 10:9

A-Amone azaukile Yordau akase jita ni A-Yunda nawa ni A-Mbenjamine ni A-Eframe. Kashika A-Izalele apinjile chikolo.

Akwa Kuyula 20:41

Henaho A-Izalele yalumuka, mba A-Mbenjamine yevwa mwongo mumu yamona lamba hiliaakundama.

Akwa Kuyula 6:2

A-Mindiane akumbile A Izalele mba A-Izalele alilingilile mena a kuswamina mu milundu, hi yivwenge, ni mbonge, mumu ha tachi ja A-Mindiane.

1 Samuel 13:15

Samuel yakatuka ku Ngilingali yaya ku Ngibia ya Mbenjamine. Saulu yalula malunga aze apwile no, ngwe kulakaji asambano.

1 Samuel 14:11

Chocho eswe ni aali asotokele kuli maswalale ja A-Filistea. Mba A-Filistea yamba ngwo, Talenu, A-Hepreu kanatuhuka mu mena jo kuze aswamine.

1 Samuel 14:22

Chipwe malunga eswe A-Izalele waze haswama mu chifuchi cha Eframe ku milundu, muze hevwa ngwo, A-Filistea hachina, chipwe o nawa aahangile chikolo mu jita.

1 Samuel 23:19

Hohene A-Zife yaya kuli Saulu mu Ngibia ngwo, David kanaswame hakachi ketu mu mbonge ja mu usaki ha mulundu wa Hachila ku Sule ya Njeshimone.

1 Samuel 24:3

Mu jila yaheta ku malimba a mapanga kuze kuli chivwenge mba Saulu yanjilamo kutwama hashi. David ni malunga jenyi te kanatwama mwe muchima lia chivwenge.

1 Samuel 31:7

Malunga A-Izalele atwamine mu sali lia chikulo ni waze a mu sali lia Yordau muze hamona malunga A-Izalele hachina, ni Saulu ni anenyi hanafu, o yahichika yihunda yo, yachina. Mba A-Filistea yeza, yatwamamo.

1 Samuel 7:7

Muze A-Filistea evwile ngwo, A-Izalele hakungulukila ku Mizepa, miata ja A-Filistea yakanduka kulimika no. Mba muze A-Izalele achivwile yavwila woma A-Filistea.