1 Samuel 13:3 - MUKANDA USANDU WA ZAMBI 1975

³ Jonatas yapupa maswalale ja A-Filistea waze apwile mu Ngeba, mba A-Filistea yachivwa. Kashika Saulu yembisa yitavwi ndusu chifuchi cheswe ngwenyi, A-Hepreu eswe apanjike.

Mukanda Wa Zambi 1970

³ Jonatane yashiha mwata wa tujita wa Afilistia ku limbo lia Geba. Afilistia eswe yaachivwa. Mba Saulu yatuma tunganda ni kutambika Ahebreu eswe ku jita ni kwimbisa yitavwi mu chifuchi cheswe.

1 Samuel 13:3 Iomraidhean Croise

2 Samuel 2:28

Chocho Joabe yemba chitavwi, mba malunga eswe yalitwamina. Kahangile A-Izalele nawa chipwe kwasa no jita nawa.

2 Samuel 20:1

Kwapwileko umwe lunga wamokomoko, jina lienyi Shipa, mwana Mbi kiri Ka-Mbenjamine. Iye yahumuna chitavwi ngwenyi, Etu kutushi chihanda muli David, chipwe chihinga kutushi nacho muli mwana Yese. Kashika enu malunga a Izalele yénu ku mazuwo jenu.

2 Samuel 23:14

David wapwile mu chivwenge, ni maswalale ja A-Filistea achili te mu Mbeteleme ha matangwa aze.

Izaya 10:29

Hapalika mu jila ya hakachi ka milundu, chipombelo ku Ngeba. Rama kanachikima, Ngibia ya Saulu hachina.

Zakaria 14:10

Chifuchi cheswe muchikalumuka chana chize ku Ngeba ndo ku Rimone sali lia Yerusaleme ku Sule. Alioze Yerusaleme muyikanangama ha chihela chayo chize ku chikolo cha Mbenjamine ndo kuze kwapwile chikolo chikulu, ndo ku chikolo cha mbango, ni chize ku kaposhi ka Hananele ndo ku ukamino wa vinyu wa mwanangana.

Yoshua 18:24

ni Chefari-Amoni, ni Ofini, ni Ngeba. Kumi lia membo ni membo aali ni tuyihunda two.

Yoshua 21:17

Ya ku munyachi wa A-Mbenjamine ahanyine Ngibeone ni ulilo wako, ni Ngeba ni ulilo wako,

Akwa Kuyula 3:27

Muze haheta yemba chitavwi mu chifuchi cha Eframe ku milundu, mba A-Izalele akatukile ku chifuchi cha milundu hamwe nenyi, iye te kanaatetekela.

Akwa Kuyula 6:34

Alioze Spiritu ya Yehova yahulumukina hali Ngideone; iye yahumuna chitavwi mba yasanyika A-Abieza akamukaule.

1 Samuel 10:5

Kulutwe muwiza ku mulundu wa Zambi, kuze kwatwama maswalale ja A-Filistea. Mba ha kuheta ku chihunda mutakana ni chendo cha aprofeta kanakatuka ku nangamo ni chisaji cha kusa, ni kamukupiela, ni lundembo, ni kalialia, kaneza nikuprofeteza.

1 Samuel 13:16

Saulu ni mwanenyi Jonatas ni atu aze apwile no yatwama ku Ngeba ya Mbenjamine, alioze A-Filistea o mu chilombo cho ku Mikimashi.