1 Samuel 13:19 - MUKANDA USANDU WA ZAMBI 1975

¹⁹ Kukwapwile niumwe fuli mu chifuchi cheswe cha Izalele, mumu A-Filistea hamba ngwo, Kuchina malifulila tutana ni makunga.

Mukanda Wa Zambi 1970

¹⁹ Mu chifuchi cheswe cha Israele te kumushi fuli niumwe, mumu Afilistia haanambe ngwo: “Ahebreu kanda alifulila kama mikwale ni makunga.” (

1 Samuel 13:19 Iomraidhean Croise

1 MIANANGANA 24:14

Yambata atu eswe a mu Yerusaleme, ni alemu eswe, ni akwa tachi ni hamu eswe, kumi lia tununu a funge, ni yilangaji ni fuli. Niumwe wasalile shina yiswale wika a mu chifuchi.

Izaya 54:16

Hinatanga fuli yoze wakuheha makala, akafule chikungo ha chikuma chacho. Hinatanga nawa chenyeke akanongese.

Jeremia 24:1

Muze te Nabukanezore mwanangana wa Babilonia hachiza ku Yerusaleme ni kwatwala ku unjize Jekonia mwana Jehoakime mwanangana wa Yunda hamwe ni alemu ja A-Yunda, ni yilangaji, ni fuli, haatwala ku Babilonia mba Yehova yanguweza usolwelo uno: mitonga yiali ya makuyu hanayitumbika kulutwe lia tembele ya Yehova.

Jeremia 29:2

Chino chapwile muze mwanangana Jekonia, ni naye mwanangana, ni aunuku, ni alemu ja mu Yunda ni Yerusaleme, ni yilangaji, ni fuli, eswe hakatuka ku Yerusaleme.

Akwa Kuyula 5:8

Muze asakwile mazambi aha, mba kwapwile jita mwe mu yikolo. Chipwe hakachi ka makumi awana a tununu twa atu mu Izalele, te mawana hanji lukepwe hanji kunga, nyi?

1 Samuel 13:20

Alioze A-Izalele eswe apalumukine kuli A-Filistea akahele mutu mweswe chikungo chenyi cha sharua, hanji temo, hanji njimbu, hanji kwengo,