1 Samuel 13:14 - MUKANDA USANDU WA ZAMBI 1975

¹⁴ Alioze haliapwila wanangana we kuuchi kulinduluka. Yehova halifupila mutu umwe malita ni mbunge yenyi. Yehova hamutongola akayule atu jenyi, mumu yena kwalingile chize Yehova wakwambile.

Mukanda Wa Zambi 1970

¹⁴ Alioze wanangana we kuuchi kulinduluka. Yena kuwalingile ko chize akwambile Mwene Zambi. Kashika malifupila mutu yoze anazange akayule atu jenyi.”

1 Samuel 13:14 Iomraidhean Croise

2 Samuel 5:2

Kunyima muze Saulu wapwile mwanangana wetu hindu yenu nwasongwelele A-Izalele ha kutuhuka ni ha kunjila, mba Yehova wanwambile ngwenyi, Yena muopwa kafunga ka atu jami A-Izalele. Yena muopwa mwanangana wa Izalele.

2 Samuel 6:21

David yamba kuli Mikale ngwenyi, Chapwanga kumeso ja Yehova, yoze wangutongwele helu lia tatenu ni helu lia munyachi wenyi weswe akangupwise mwanangana wa Izalele, e atu ja Yehova. Mba munguwahilila kumeso ja Yehova.

1 MIANANGANA 20:5

Hiluka nawa ukambe kuli Hezekia mukwa kuyula atu jami ngwe, Yehova kanambe, mwe Zambi ya kalamba ke David ngwenyi, Hinevwa kulemba che, hinamona masoji je, mungukuwuka. Ha tangwa liamuchitatu kumuoya ku zuwo iia Yehova.

1 Sango Ja Mianangana 10:13

Chocho yafwa Saulu ha mukunda wa Utanguko wenyi wavulumwine ni kulimika ni Yehova, mumu kafungile liji lia Yehova. Chikwo nawa wahulile chiyulo kuli mukwa mahamba;

Miaso (Masamu) 78:70

Watongwele nawa David kavumbi kenyi, wamuchijile hakachi ka malimba a mapanga.

Yishima 27:24

mumu upite kuwapwile wa mutolo; chipwe chipangula te kuchakulinduluka ku yisemuko yeswe nyi?

Izaya 39:5

Izaia yamba kuli Hezekia ngwenyi, Ivwa liji lia Yehova-wa-Tujita nyi.

Yilinga 13:22

Muze te hamuchiza, wasolwele David kuli ayo kupwa mwanangana wo; kuli iye nawa washindakenyene, ngwenyi, Hingunawane David mwana Yese, lunga wa kulita ni mbunge yami, iye kumakalinga upale wami weswe.

Yilinga 7:46

Iye wawanyine vumbi kumeso ja Zambi, wechile akawane mbalaka hali Zambi ya Yakomba.

Hebreu 2:10

Mumu yoze, hali iye yuma yeswe kuyili, ni kuli iye yuma yeswe yakatuka, ha kuneha ana anji ku uhenya, chatamba kaputu ka ulamwino wo akamupwise mungunu ha kumona lamba.

1 Samuel 15:23

Mumu kukolema kuchapwa ngwe mulonga wa umbanda, ni upama kuwapwa ngwe uhenge ni kukombelela. Ena hiunalitunu liji lia Yehova; kashika aye hanalitunu yena. Kuchi kupwa mwanangana.

1 Samuel 15:26

Samuel yamba kuli Saulu ngwenyi, Chichi kuya ni yena se hiunalitunu liji lia Yehova, ni Yehova hanalitunu yena. Kuchi kupwa mwanangana wa Izalele.

1 Samuel 15:28

Samuel yamba ngwenyi, Yehova hasonya wanangana wa Izalele kuli yena musono, hauhana kuli umwe mukwenu mupema kuhiana yena.

1 Samuel 16:1

Yehova yamba kuli Samuel ngwenyi, Ndo mwiji muka mukalishimwoka hali Saulu, se hinalitunaye, kechi kupwa mwanangana wa Izalele? Zalisa mbinga ye ni maji, yako, mungukutuma kuli Yese wa ku Mbeteleme, mumu hinalisela mwanangana hakachi ka anenyi a malunga.

1 Samuel 16:12

Yatuma yamusaka. Iye te muchila chikolo, meso jenyi apema, kanawaha chikolo kumutala. Yehova yamba ngwenyi, Mwenawo, katuka umuwayise.

1 Samuel 2:30

Kashika Yehova Zambi ya Izalele kanambe ngwenyi, Chamwenemwene nambile ngwami, Munyachi we ni munyachi wa tatenu kumakenda kumeso jami ndo ku miaka ya mutolo. Alioze haliapwila Yehova kanambe ngwenyi, Chikapwe kusuku ni yami, mumu waze mangulemesa ni yami mungwalemesa, alioze waze mangulelesa kumakasauka.

1 Samuel 24:20

Chikwo nawa ngunanyingika ena kumuopwa mwanangana mba wanangana wa Izalele muukola mu kwoko lie.

1 Samuel 25:30

Mba muze Yehova halinga kuli yenu nikulita ni yipema yeswe hanambe hali yenu, hanupwisa mwanangana wa Izalele

1 Samuel 9:16

Hamene, ha ola yino, mungukutuma umwe lunga wa ku chifuchi cha Mbenjamine, ukamuwayise akapwe kasongo ka atu jami A-Izalele. Iye makalamwina atu jami ku moko ja A-Filistea, mumu hinatala atu jami se muteto wo hiwanguheta.