1 Samuel 13:13 - MUKANDA USANDU WA ZAMBI 1975

¹³ Samuel yamba kuli Saulu ngwenyi, Hiwalinga uhepuke. Kwalingile nikulita ni shimbi ya Yehova Zambi ye yize akwambile. Nyi chocho walinga kachi Yehova wakolesele wanangana we kuli A-Izalele ku miaka ya mutolo.

Mukanda Wa Zambi 1970

¹³ Samuel yamwamba ngwenyi: “Walinga ni uhepuke. Kuwafungile ko Shimbi yize akuhele Mwene Zambi, Zambi ye. Nyi wononokene, kachi yena ni akwa jiko lie munuyula Aisraele matangwa eswe.

1 Samuel 13:13 Iomraidhean Croise

Ubutukilo 31:28

Kwangutayijile kuhana mbeju kuli anami a malunga ni a mapwo. Henaho kwalingile ni mana.

2 Samuel 24:10

Alioze muze hanalula atu mbunge ya David yiyimuhisa. David yamba kuli Yehova ngwenyi, Hinavulumuna chikolo ha kulinga chuma chino, alioze haliapwila ngunalembe, Yehova, Chiza uhenge wa yami kavumbi ke, mumu nalinga ni uhepuke wunji.

1 Yitanga Ya Mianangana 18:18

Aye yakumbulula ngwenyi, Hi yami ko nakupinjisa A-Izalele alioze yena ni munyachi wa tatenu se hinwehuka shimbi ja Yehova, hinwakaula Ambale.

1 Yitanga Ya Mianangana 21:20

Ahabe yamba kuli Eliya ngwenyi, Ena mukwa kole, hiwanguwana nyi? Aye yakumbulula ngwenyi, E, hinakuwana mumu hiwalilanjisa kulinga chipi kumeso ja Yehova.

1 Sango Ja Mianangana 10:13

Chocho yafwa Saulu ha mukunda wa Utanguko wenyi wavulumwine ni kulimika ni Yehova, mumu kafungile liji lia Yehova. Chikwo nawa wahulile chiyulo kuli mukwa mahamba;

2 Sango Ja Mianangana 16:9

Mumu meso ja Yehova kakuzomboka ndusu hashi heswe akalisolole mukwa tachi kukwasa yoze uli ni mbunge yingunu kuli iye. Ha chuma chino hiwalinga ni uhepuke, mumu chize ku musono muopwa ni jita.

2 Sango Ja Mianangana 19:2

Mba mukwa kumona, Jehu mwana Hanani, yamupatwiza, yamba kuli mwanangana Yehosofate ngwenyi, Te Chakutamba kukwasa yingulungulu ni kuzanga waze akuvwila kole Yehova? Ha chikuma chino ufwatulo wa Yehova hiweza hali yena.

Jobe 34:18

Iya mamba kuli mwanangana ngwenyi, Uli wamokomoko? Iya mamba kuli alemu ngwenyi, Nuli yingulungulu?

Yishima 12:8

Makachichimieka lunga nikulita ni mana jenyi; alioze makalelesa mukwa mbunge ya kupiya.

Yishima 19:3

Uhepuke wa mutu kuwakuhengesa ndako jenyi; mbunge yenyi kuyakulifwita ha kulimika ni Yehova.

Izaya 39:5

Izaia yamba kuli Hezekia ngwenyi, Ivwa liji lia Yehova-wa-Tujita nyi.

Jeremia 18:10

nyi muulinga chipi kumeso jami kuwapanjikile ku liji liami, mba mungwalumuka ku chipema chize namba kuulinga.

1 Samuel 1:22

Alioze Hana kayile mumu yamba kuli mukwo-lunga ngwenyi, Ndo hinasumuna mwana mba mungumutwala akasoloke kumeso ja Yehova akatwameko miaka yeswe.

1 Samuel 13:12

Kashika namba ngwami, Haliapwila A-Filistea mangulundumukina ku Ngilingali ni yami kanda ngulembela vumbi lia Yehova. Kashika yingulikapwola, yingulambula mulambu wa kulumba.

1 Samuel 15:11

Hinalikonyeka ha kupwisa Saulu mwanangana, mumu hanalitwamina kungukaula. Kalingile chize namutumine. Samuel yatenuka. Yateta kuli Yehova Ufuku weswe.

1 Samuel 15:22

Samuel yamba ngwenyi, Te Yehova kakuwahilila ni milambu ya kulumba ni yitapo, nyi kakuwahilila ni waze mamwononokena? Kwononoka kuchahiana kulambula yitapo. Kupanjika kuchahiana kuhana maji a kuji a mapanga.

1 Samuel 15:28

Samuel yamba ngwenyi, Yehova hasonya wanangana wa Izalele kuli yena musono, hauhana kuli umwe mukwenu mupema kuhiana yena.

1 Samuel 16:1

Yehova yamba kuli Samuel ngwenyi, Ndo mwiji muka mukalishimwoka hali Saulu, se hinalitunaye, kechi kupwa mwanangana wa Izalele? Zalisa mbinga ye ni maji, yako, mungukutuma kuli Yese wa ku Mbeteleme, mumu hinalisela mwanangana hakachi ka anenyi a malunga.

1 Samuel 26:21

Saulu yamba ngwenyi, Hinavulumuna mwanami David. Hiluka mumu chichi kukulinga nawa chipi, mumu mwono wami wapwanga ulemu kumeso je musono. Hinalinga uhepuke. Hinapiasuka chikolo kuhiana.