1 Samuel 13:11 - MUKANDA USANDU WA ZAMBI 1975

¹¹ Samuel yamba ngwenyi, Chika walinga? Saulu yakumbulula ngwenyi, Mumu namona atu nikungukatuka, ni yena kuwejile ha matangwa wasele, ni A-Filistea anakungulukila ku Mikimashi.

Mukanda Wa Zambi 1970

¹¹ alioze Samuel yamuhula ngwenyi: “Chika chino walinga?” Saulu ngwenyi: “Atu te kaanangumwangashana, muze yena kuwahetele ko ha tangwa lize washikile, ni Afilistia anakunguluka ku Mikmashe.

1 Samuel 13:11 Iomraidhean Croise

Ubutukilo 3:13

Mba Yehova Zambi yamba kuli pwo ngwenyi, Achi hiwalinga chika? Pwo yakumbulula ngwenyi, Mwe kapela wangwonganga mba nalianga.

Ubutukilo 4:10

Yehova yamba ngwenyi, Yika walinga? Liji lia manyinga a mwanakwenu linatete hashi kuli yami.

2 Samuel 3:24

Joabe yaya kuli mwanangana ngwenyi, Chika nwalinga? Abenere wezanga kuli yenu, kuchi te hinwamwecha, mba haya?

1 MIANANGANA 5:25

Aye yanjila yamana kumeso ja mwata wenyi. Elisha yamba kuli iye ngwenyi, Ngehaze, kulihi unakatuka? Aye yakumbulula ngwenyi, Ami kavumbi kenu chayile nikumwe.

Izaya 10:28

Haheta ku Aiate; hahiana ndusu mu Migrone; hatulikila yikwata yenyi ku Mikimashi.

Yoshua 7:19

Henaho Yoshua yamba kuli Akane ngwenyi, Mwanami lemesa Yehova Zambi ya Izalele, ukashikise kuli iye. Ngwambulwile chize walinga. Kanda unguswekelacho.

1 Samuel 13:12

Kashika namba ngwami, Haliapwila A-Filistea mangulundumukina ku Ngilingali ni yami kanda ngulembela vumbi lia Yehova. Kashika yingulikapwola, yingulambula mulambu wa kulumba.

1 Samuel 13:16

Saulu ni mwanenyi Jonatas ni atu aze apwile no yatwama ku Ngeba ya Mbenjamine, alioze A-Filistea o mu chilombo cho ku Mikimashi.

1 Samuel 13:2

Mba Saulu walisakwilile tununu atatu a malunga A-Izalele. Tununu aali atwamine hamwe ni Saulu ku Mikimashi ni ku mulundu wa Mbetele, ni kanunu umuwika atwamine hamwe ni Jonatas mu Ngibia ya Mbenjamine. Atu akwo eswe waatumine mutu mweswe ku mbalaka yenyi.

1 Samuel 13:23

Maswalale ja A-Filistea yatuhuka, yaya ku chipoka cha Mikimashi.

1 Samuel 13:5

A-Filistea akungulukile mukwasa jita ni A-Izalele. Apwile ni makumi atatu a tununu a matemba-a-jita, ni tununu asambano a akwa tuvwalu, ni atu ha kwaalula ngwe masekeseke a ku ngenge ya kalunga-lwiji. Yakanduka, yasa chilombo cho ku Mikimashi, ku sali lia Mbete-Avene ku Chivumbuko.

1 Samuel 14:5

Mulundu umwe wanangama ku Norte kutalangana ni Mikimashi ni ukwo ku Sule kutalangana ni Ngeba.