1 Samuel 12:9 - MUKANDA USANDU WA ZAMBI 1975

⁹ Alioze yavulama Yehova Zambi yo kashika iye yaalanjisa kuli Sisera kapitau ka tujita twa Hazore, ni kuli A-Filistea, ni kuli mwanangana wa Moape, ashile no jita.

Mukanda Wa Zambi 1970

⁹ Alioze tushakulu twenu yaavulama Mwene Zambi yo. Kashika Zambi yatayiza Afilistia ni mwanangana wa Moabe ni Sisera, mwata wa tujita wa limbo lia Hazore, kwasa no jita ni kwakumba.

1 Samuel 12:9 Iomraidhean Croise

2 Samuel 7:11

chize ku miaka yize naselele akwa kuyula helu lia atu jami A-Izalele. Mungukuhwimisa kuli akwa kole je eswe. Chikwo nawa Yehova kanambe kuli yena ngwenyi, Yami Yehova mungukakupwisa munyachi.

Miaso (Masamu) 106:21

Avulamine Zambi Chilamwina cho yoze walingile yuma yinene mu Engitu,

Izaya 63:10

Alioze o yakolema, yavwisa chinyengo Spiritu yenyi musandu; kashika iye yalumuka mukwa kole yo, iye mwene yasa no jita.

Jeremia 2:32

Te mwana-pwo mavulama yuma yenyi ya uhenya? Hanji ndungi mavulama mazalo jenyi? Hindu atu jami hananguvulama kwalula matangwa anji kuhiana.

Shimbi 32:18

Kunwasele mbunge Liwe yoze wanusemene. Nwavulamine Zambi chisemi chenu.

Shimbi 32:30

Kuchi umuwika mahuma kanunu hanji aali mazombwesa kumi lia tununu, kachi Liwe lio kaalanjishile kachi Yehova kaambilile?

Akwa Kuyula 10:7

Kashika utenu wa Yehova wakasumukine hali A-Izalele. Yaakunjika ku moko ja A-Filistea ni ku moko ja A-Amone.

Akwa Kuyula 13:1

A-Izalele alingile chipi cheka nawa kumeso ja Yehova, kashika Yehova waakunjikile mu moko ja A-Filistea makumi awana a miaka.

Akwa Kuyula 2:14

Kashika utenu wa Yehova wakasumukine hali A-Izalele; waakunjikile kuli akwa kupupa, akaapupe. Yaalanjisa ku tachi ja akwa kole jo ha kwajingilika, chocho kahashile kulimika nawa ni akwa kole jo.

Akwa Kuyula 3:12

Cheka nawa A-Izalele alingile chipi kumeso ja Yehova mba Yehova yahana tachi kuli Eglone mwanangana wa Moape wa kulimika ni A-Izalele mumu halinga chipi kumeso ja Yehova.

Akwa Kuyula 3:31

Kulutwe kwapwile Shamgare mwana wa Anate. Washihile kulakaji asambano a A-Filistea ni musongolwela wa kwendesa nawo ngombe. Iye nawa wapulwile A-Izalele.

Akwa Kuyula 4:2

Kashika Yehova yaalanjisa ku kwoko Ha Jabini, mwanangana wa Kanana, yoze wayulile mu Hazore. Mwe kapitau wa tujita twenyi iye Sisera, Watwamine mu Harosete-Hagoimi.

1 Samuel 12:15

Alioze nyi kunwapanjikile ku liji lia Yehova, hanji munukolema shimbi ja Yehova, kwoko lia Yehova kumulikalimika ni yenu chizechene ngwe lialimikine ni akakenu.