1 Samuel 12:3 - MUKANDA USANDU WA ZAMBI 1975

³ Yami uno. Shindakenyenu ha kutwala kuli yami kumeso ja Yehova ni kumeso ja yono hanawayisa. Ngombe jaya natambula? Hanji chimbulu? ya mbongo, iya? Napinjisa iya? Kuli iya natambula chindo ngujike nacho meso jami? Ambenu nguchihilwise.

Mukanda Wa Zambi 1970

³ Yami uno. Nyi nalinga chimwe Chuma chibi, ngusumenu haliabwila ku meso ja Mwene Zambi ni ku meso ja mwanangana yoze iye hawayisa ni maji. Ngombe jaya natambwile kama? Hanji chimbulu chaya? Iya yoze neya mbongo? Iya nabinjisa kama? Kuli iya natambula kama ubite wa mbenga? Ambenu, ngunuhilwishile wo.”

1 Samuel 12:3 Iomraidhean Croise

2 Samuel 22:22

Mumu hingunafungu majila ja Yehova, chehukile Zambi yami ni ungulungulu.

Nehemia 5:11

Hilwisenu kuli ayo musono uno mande jo, ni minda yo ya uva, ni ya olevwe, ni mazuwo jo. Hilwisenu nawa chihanda chimuwika cha kulakaji cha mbongo, ni mbuto, ni vinyu, ni maji yize nwakutambula kuli ayo.

Miaso (Masamu) 15:5

Yoze keshi kuhana mbongo jenyi ha mbwezo; keshi kutambula mbongo ja kuhisa yoze keshi mulonga. Yoze wakulinga yino yuma keshi kukokoloka nilimwe tangwa. Mikatame ya David.

Kutuhuka 20:17

Kanda ukavwila chipululu zuwo lia mwenyembo we. Kanda ukavwila chipululu pwo lia mwenyembo we, chipwe ngamba yenyi wa lunga, chipwe ngamba yenyi wa pwo, chipwe ngombe yenyi, chipwe chimbulu chenyi, chipwe chuma chimwe cha mwenyembo we.

Kutuhuka 22:4

Kachi mawana chuma cha wiji ku kwoko lienyi chichili ni mwono, chipwe ngombe, chipwe chimbulu, chipwe panga, iye akafwete kaali.

Kutuhuka 23:8

Kanda ukatambula chijiko, mumu chijiko kuchakupupuchisa waze akwete meso. Kuchakuhengesa maliji a mukwa ululi.

Yishima 15:27

Mukwa chipululu kakupinjisa zuwo lienyi mwene; alioze yoze keshi kuzanga yawana matwama ni mwono.

Alevi 6:4

mba nyi havulumuna, hahia, kumakahilwisa chuma chize hahupa, hanji chuma hatambula ku upinjiso, hanji kapopo amukunjikile, hanji chuma chatokele iye hachiwana,

Alevi 6:5

hanji chuma cheswacho halishingilacho ni mahuza, akachihilwise cheswe nikuweza helu nawa chihanda chamuchitano cha ndando. Akachihane kuli mwenyacho ha tangwa lia kuhia chenyi.

Kwalula 16:15

Mose yatenuka chikolo, yamba kuli Yehova ngwenyi, Kanda ulemesa mulambu wo. Chatambwile kuli ayo chipwe chimbulu umuwika, chipwe kulinga chipi kuli umwe wa ayo, chamulingile chipi.

Mateu 22:21

Ngwo, Cha Sesare. Hohene yamba kuli ayo ngwenyi, Hanenu kevwe kuli Sesare yuma ya Sesare; ni kuli Zambi yuma ya Zambi.

Luka 19:8

Alioze Zakeu wamanyine, wambile kuli Mwene ngwenyi, Mwene, chihanda cha hakachi cha yikumba yami ngunahane kuli yiswale; nyi kachi natambwile chimwe kuli mutu umwe ni chisanyino, kachi ngunahilwisa kuli iye yisuho yiwana.

Yilinga 20:33

Chevwile kuzo ha prata ja niumwe, hanji oru, hanji mahina, ka.

2 Korintu 12:14

Talenu, chino chisuho chamuchitatu ngunalulika kwiza kuli yenu; chichi kanulemena: mumu chishi kufupa niyenu, alioze yenwene ngunafupu: mumu kuchatambile ana kutulikila hali yisemi jo, alioze chatamba yisemi kutulikila hali ana.

Shimbi 16:19

Kanda nuhengesa upatwilo; kanda nupwa ni katonde; chipwe kanda nutambula chindo, mumu chindo kuchapupuchisa meso ja mukwa mana, kuchahengesa chikuma cha mukwa ululi.

1 Tesalonika 2:10

Yenu nuli yela, ni Zambi nawa, ngwe chize twendele hakachi kenu akwa kufuliela, ni kulinanga ni ululi, chitela te kuchishiko.

1 Tesalonika 2:5

Mumu nilimwe tangwa kutwahanjikile ni maliji a kupepieka, chizechene ngwe nunanyingika, chipwe ni ulembekese wa kuzo, ka; Zambi iye chela;

1 Petulu 5:2

ngwami, Fungenu mbunga ya mapanga a Zambi, yize yili hakachi kenu, pwenu tulayi, hi ha kuzangisa ko aiioze mumu nunazange: chipwe hi mukufumbuka ko ku upite wa sonyi, aiioze mumu ha zango.

1 Samuel 10:1

Mba Samuel yanda kasaji ka maji waazujilile ha mutwe wenyi; yamwaha mbeju; yamba ngwenyi, Te Yehova kakuwa yishile ukapwe kasongo ka chihinga chenyi, nyi?

1 Samuel 12:4

O ambile ngwo, Kwatwiyile, chipwe kutupinjisa, chipwe kutambula chimwe kuli umwe mutu.

1 Samuel 12:5

Iye yamba kuli ayo ngwenyi, Yehova chela kuli yenu, ni yono hanawayisa ni maji iye nawa chela musono cha kwamba ngwenu, Kutwawanyine nichimwe mu kwoko lienyi, nyi? O ngwo, Iye chela.

1 Samuel 2:35

Mba mungulisolwela sasendote umwe wa jika, yoze malinga nikulita ni yize yeswe yili mu mbunge yami ni mu manyonga jami. Mungumutungila zuwo likolo. Iye mendela ndo ku miaka yeswe kumeso ja yoze hingunamuwayisa ni maji.

1 Samuel 24:11

Tala tata! tala lupula wa hina lienu mu kwoko liami. Natetanga lupula wa hina lienu, chanushihile kashika munuhasa kunyingika ni kumona ngwenu, Mu moko jenyi kumwatwamine chipi hanji Utanguko. Enu nwakunguhanga nungushihe; ami chanuvulumwine.

1 Samuel 24:6

Yamba kuli malunga jenyi ngwenyi, Yehova angukanjise kulinga chuma chino kuli mwata wami wa kuwayisa ni maji kuli Yehova, ngwolole kwoko liami kulimika nenyi, se Yehova hananuwayisa.

1 Samuel 24:7

Chocho ni maliji wano David wakunwine malunga jenyi. Kaatayijile kulamba Saulu. Mba Saulu yakatuka, yatuhuka mu chivwenge; yaya kwenyi.

1 Samuel 26:11

Yehova angukanjise kusa kwoko liami lia kulimika ni yono Yehova hanamuwayisa ni maji. Alioze anda kunga lino lili ku mutwe wenyi, ni mulondo wa meya tuye.

1 Samuel 26:9

Alioze David yamba kuli Abishai ngwenyi, Kanda umwonwona, mumu iya mahasa kusamba nyi masa kwoko lienyi lia kulimika ni yoze Yehova hanamuwayisa?