1 Samuel 12:23 - MUKANDA USANDU WA ZAMBI 1975

²³ Chikwo nawa, ha kutwala kuli yami chikapwe kusuku ni yami kuvulumuna Yehova ha kulitwamina kunulembela. Mungunufumba mu jila yipema yize yinalulama.

Mukanda Wa Zambi 1970

²³ Chikwo nawa, chichi kulitwamina nichimwe kunulembela Zambi. Nyi nalitwamina kulemba munguvulumuna. Mungunulongesa yuma yibema ya ululi.

1 Samuel 12:23 Iomraidhean Croise

1 Yitanga Ya Mianangana 8:36

hipanjika yena mwilu ukakonekene mulonga wa tuvumbi twe ni wa atu je A-Izalele, muze mukaalongesa jila yipema yize chaatamba kwendelamo; utume vula ha chifuchi che chize hiwahana chikapwe chihinga cha atu je.

2 Sango Ja Mianangana 6:27

hipanjika yena mwilu ukakonekene mutonga wa tuvumbi twe, ni wa atu je A-Izalele, muze mukaalongesa jila yipema yize chaatamba kwendelamo; utume vula ha chifuchi che chize hiwahana chikapwe chihinga cha atu je.

Miaso (Masamu) 122:6

Lembelenu sambukila ya Yerusaleme. Waze anakuzange akawahe.

Miaso (Masamu) 34:11

Enu ana tweyenu nungwivwe, mba mungunulongesa woma wa Yehova.

Miaso (Masamu) 34:12

Mutu iya yoze wakuzanga mwono ni matangwa anji hanga amone yipema?

Kutuhuka 32:30

Mba ha kucha, Mose yamba kuli atu ngwenyi, Hinwavulumuna mulonga unene, haliapwila mungukanduka kuli Yehova, hanji munguhasa kufuka shili yenu.

Yishima 4:11

Hinakulongesa ndako ja mana; hinakusongwela mu majila a ululi.

Longeshi 12:10

Chilumbununyi wafupile maliji apema; wasonekene ni ululi maliji amwenemwene.

Izaya 30:21

Muze munukondoloka hanji ku chindume, hanji ku chimeso, matwi jenu nawa mevwa liji kunyima yenu lia kwamba ngwo, Ye jila, yino; endelemo.

Jeremia 15:1

Mba Yehova yamba kuli yami ngwenyi, Chipwe kachi Mose ni Samuel mamana kumeso jami, hindu mbunge yami kuyichi kuya kuli wano atu. Uakatwise kumeso jami akaye!

Jeremia 27:18

Nyi o aprofeta ni liji lia Yehova kali nalio alembe kuli Yehova-wa-Tujita hanga yikwachilo yize yasala mu zuwo lia Yehova, ni mu zuwo lia mwanangana wa Yunda, ni mu Yerusaleme kanda yiya ku Babilonia.

Jeremia 42:4

Profeta Jeremia yamba kuli ayo ngwenyi, Hinanwivwa; mungulemba kuli Yehova Zambi yenu nikulita ni kwita chenu mba cheswacho Yehova makumbulula mungunwambulwilacho. Chichi kunuswekela nichimwe.

Jeremia 6:16

Yehova kanambe ngwenyi, Manenu ku sesa lia matapalo nutale, nukahule majila a ku shakulu, kukuli jila yipema nwendemo, nukawane uhwimino ha mbunge jenu. Alioze o ambile ngwo, Kutuchi kwendamo.

Yilinga 12:5

Kashika afungile Petulu mu zuwo lia ususu; alioze akwa chikungulwila amulembelele kuli Zambi ni mbunge yeswe.

Yilinga 20:20

ngwe chalitwaminyine kunwambulwila chize cheswe chakunufumbula, nikunulongesa hakachi ka mbunga ya atu, ni ku zuwo ni zuwo nawa,

A-ROMA 1:9

Mumu Zambi iye chela chami, yoze nakumulingila ni spiritu yami mu sango lipema lia Mwanenyi, ngwe nakunuvulwoka mu yilemba yami nikulitwamina nichimwe;

1 Korintu 9:16

Mumu kachi mungwambujola sango lipema, kachi chishi nacho nichimwe cha kulisamba nacho; mumu hanase chiteli hali yami; mumu lamba kuli yami, kachi chishi kwambujola sango lipema.

Kolosu 1:28

Iye twakumwambujola, nikukanyamisa mutu ni mutu, nikulongesa mutu mweswe ni mana eswe, hanga tukatumbikile mutu ni mutu mungunu muli Kristu.

Kolosu 1:9

Ha chikuma chino, ni yetu nawa, chize ku tangwa lize twachivwile, kutushi kulitwamina kunulembela ni kunwichila, hanga nukazale tò ni yinyingi yeswe ya upale wenyi ni mana eswe ni malinjekela ja uspiritu;

1 Tesalonika 3:10

ufuku ni mwalwa, ni kuliumba chikolo, hanga tukamone meso jenu, hanga tukapwise chingunu chize chinahono ku Ufulielo wenu?

2 Timoteu 1:3

Kakusakwila kuli Zambi, yoze nakumulingila chize kuli akaka, ni mbunge yipema, ngwe nakukuvulwoka ha kuliumba chami, ufuku ni mwalwa, nikulitwamina nichimwe.

1 Samuel 12:19

Atu eswe yamba kuli Samuel ngwo, Nutulembele etu ngamba jenu kuli Yehova Zambi yenu, kanda tufwa, mumu ha kwita mwanangana hitwaweza chuma chino chipi ku milonga yetu yeswe.

1 Samuel 8:6

Alioze chuma chino Chapihilile Samuel ha kwamba ngwo, Twehenu mwanangana akatuyule. Samuel yalemba kuli Yehova.