1 Samuel 12:22 - MUKANDA USANDU WA ZAMBI 1975

²² Mumu Yehova iye kechi kwehuka atu jenyi mumu ha ulemu wa jina lienyi linene, mumu chawahila Yehova kunupwisa nukapwe atu jenyi mwene.

Mukanda Wa Zambi 1970

²² Mwene Zambi kechi kanwehuka yenu atu jenyi, mumu ha jina lienyi linene. Hananutongola ni kunupwisa atu jenyi mwene.

1 Samuel 12:22 Iomraidhean Croise

1 Yitanga Ya Mianangana 6:13

Kumungukatwama hakachi ka A-Izalele. Chichi kwehuka atu jami A-Izalele.

1 Yitanga Ya Mianangana 8:57

Yehova Zambi yetu akapwe hamwe ni yetu chizechene ngwe wapwile ni tulamba twetu. Kanda atuhichika, kanda atwehuka.

1 MIANANGANA 14:27

Yehova kazangile te kujimuna jina lia Izalele hashi. Kashika yaapulula ni kwoko lia Jeroboame mwana Njoashe.

1 MIANANGANA 21:14

Mungumbila masalila ja chihinga chami nikwakunjika mu moko ja akwa kole jo. Kuli akwa kole jo eswe, kumakapwa ngwe mu yala ya tela; ngwe upite wa kupupa,

1 Sango Ja Mianangana 28:9

Ni yena, mwanami Solomone, nyingika Zambi ya tatenu ukamulingile ni mbunge yingunu ni manyonga a kulitumbikila. Mumu Yehova kakupolongoza mbunge jeswe ni kakunyingika kutaka cha manyonga eswe. Nyi mumufupa mumuwana, alioze nyi mumwehuka kumakumbila ndo ku miaka.

2 Sango Ja Mianangana 15:2

mba yaya kupatwiza Asa. Yamba kuli iye ngwenyi, Ngwivwenu, Asa ni A-Yunda ni A-Mbenjamine eswe; Yehova mapwa hamwe ni yenu nyi yenu munupwa hamwe nenyi. Nyi munumufupa munumuwana, alioze nyi munumwehuka iye manwehuka.

Nehemia 9:17

Kazangile kwononoka; kasolo kwiwuluka yikomokeso yize walingile hakachi ko. Akwachile pami ni ha kukukatukila atongwele umwe kasongo akahiluke ku undungo wo. Alioze yena uli Zambi mukwa kukonekena, mukwa vumbi, wa tò ni keke, kushi kutenuka washi, mukwa kulumbamisa utu wa zango, kashika kwaehukile.

Miaso (Masamu) 106:8

Hindu waalamwinyine mumu ha jina lienyi, hanga akafumanyise ngolo jenyi ja ndundo.

Miaso (Masamu) 94:14

Mumu Yehova kechi kumbila atu jenyi. Kechi kwehuka chihinga chenyi.

Kutuhuka 32:12

Kuchi te A-Engitu mamba ngwo, Waachijile hanga aalinge chipi, mukwashiha ha milundu, mukwaonwona lume hashi? Utewulule utenu we usasu. Ulikonyeke, kanda ulinga chuma chino chipi kuli atu je.

Izaya 37:35

Mumu yami kumungukafunga chihunda chino nguchilamwine ha mukunda wa yami mwene, ni wa kavumbi kami David.

Izaya 41:17

Muze yiswale ni akwa kuhona mafupa meya, kaawanyine, ni malimi jo kanomu ni pwila, yami Yehova mungwakumbulula, yami Zambi ya Izalele chichi kaehuka.

Izaya 42:16

Mungusongwela tupuputa kuze kanyingikineko. Mu majila kanyingikine mungwatalikisa. Milima yize yili kumeso jo mungupwisa pangu, mungusalamisa kuze kwapwa kwa yikulinga-yikulinga. Yino yuma mungulinga, chichi kwaehuka.

Izaya 43:25

Yami, Yami Nguli mwe mukwa kujimuna Utanguko wenu ha mukunda wa yami mwene; chichi kewuluka nawa milonga yenu.

Izaya 43:7

waze eswe naalukile jina liami, waze naatangile ha uhenya wami, ni kwawumba ni kwalinga.

Izaya 48:11

Ha mukunda wa yami ngunachilingi, ha mukunda wa yami mwene, mumu kuchi mungutayiza jina liami likajiluke? Uhenya wami chichi kauhana kuli mukwo.

Izaya 49:15

Pwo mahasa kuvulama mwana akwamwisa? Kechi kuvwila keke mwana wa mu jimo lienyi? Hanji o mavulama, hindu ami chichi kavulama yena.

Izaya 63:8

Mumu wambile ngwenyi, Pundu o atu jami, ana a malunga waze kechi kangwonga. Chocho walipwishile Chilamwina cho.

Jeremia 14:21

Kanda utumbila, mumu ha ulemu wa jina lie; kanda ulelesa ngunja ye yinene. Iwuluka, kanda utangula usendo we ni yetu.

Jeremia 14:7

Chipwe uhenge wetu kuwakutushindakenya, hindu Yehova, linga mumu ha ulemu wa jina lie; mumu kukokoloka chetu chapwa chinji; hitwakuvulumuna.

Jeremia 14:9

Kuchi te unapu ngwe umwe kanakakashana, ngwe umwe mukwa ndundo yoze kahashile kulamwina? Hindu, Yehova, uli hakachi ketu, ni yetu hatuluka jina lie. Kanda utwehuka.

Lungungu 5:20

Kuchi te wakutuvulama ku miaka yeswe? Kuchi te hiwatwehuka shimbu lipwa haha?

Ezekiel 20:14

Alioze yingulinga ha kulemesa jina liami hanga kulichi kajiluka kumeso ja mavungu kumeso jo te naatuhwishile.

Ezekiel 20:9

Alioze nalingile ha kulemesa jina liami hanga kulichi kuhiluka kumeso ja mavungu kuze atwamine, kumeso jo te nalisolwele ha kwachiza mu chifuchi cha Engitu.

Malaki 1:2

Yehova kanambe ngwenyi, Kunakuzanga. Alioze yenu nunambe ngwenu, Wafuzanga kuchi? Yehova kanambe ngwenyi, Esau kapwile yayo ya Yakomba nyi? Hindu kunazanga Yakomba

Mateu 11:26

Ewa, Tata, mumu chocho chakupemenene.

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

A-ROMA 11:1

Ngunambe ngwami, Zambi hanambila atu jenyi, nyi? Ka, pundu! Mumu yami nawa nguli Ka-Izalele wa ku munyachi wa Apalahama, wa ku vungu lia Mbenjamine.

A-ROMA 11:29

Mumu yawana ya vumbi ni kutambika cha Zambi keshi kulikonyekayo.

1 Korintu 4:7

Kulipwila chino, iya wakuhelecho? Chika uli nacho chize kwachitambwile? Alioze kachi wachitambwile kuchi te unalisambe ngwe kwachitambwile?

Efesu 1:12

hanga tukapwe ku uhaliso wa uhenya wenyi, yetu, twaliangile kutalatala kuli Kristu.

Efesu 1:6

ku uhaliso wa uhenya wa vumbi lienyi, mu lienalio hanatuvumbisa muli yoze anamuzange chikolo.

Shimbi 14:2

Kunwapwa atu asandu kuli Yehova Zambi yenu, Yehova yanutongola nukapwe atu a mbala a iye, a hakachi ka mavungu eswe ali hashi.

Shimbi 31:17

Mba utenu wami muukaakasumukina ha tangwa lize, mungukaehuka, mungukaaswekela meso jami, makaamanuna. Yipi yinji ni lamba linji mulikaawana, chocho o mahamba ha tangwa lize ngwo, Kuma, yipi yino yeswe yinatuwana mumu te Zambi yetu keshi hakachi ketu nyi?

Shimbi 31:6

Takamenu, hamukenu, kanda nwivwa woma, kanda nususamiana mumu hali ayo, mumu Yehova Zambi yenu iye kanayi hamwe ni yenu; kechi kanuhichika, chipwe kunwehuka, ka.

Shimbi 31:8

Yehova, iye kanayi kumeso je, kumakapwa hamwe ni yena; kechi kakuhichika, chipwe kukwehuka, ka; kanda wivwa woma, chipwe mwongo, ka.

Shimbi 7:6

Mumu yenu kunwapwa atu asandu kuli Yehova Zambi yenu. Yehova Zambi yenu hananutongola nukapwe atu a mbala a iye mwene, nuhiane mavungu eswe ali hashi heswe.

Shimbi 9:5

Hi ha ululi wenu ko, ka, hanji ha kululama cha mbunge jenu, nunahetemo, ni kuzuka chifuchi cho; alioze mumu ha ungulungulu wa mavungu ano, Yehova Zambi yenu anaahumu kumeso jenu, hanga akakolese liji lize alishingililelio Yehova kuli tulamba twenu, te kuli Apalahama, ni kuli Izake, ni kuli Yakomba.

Filipu 1:6

Ngunalikolela ha chuma chino, ngwami, Yoze waputukile chitanga chipema muli yenu, kumachimanununa ndo ku tangwa lia Yesu Kristu.

Hebreu 13:5

Ndako jenu jikapwe kujishi kufwila cha mbongo; pwenu akwa kuyuka ni yuma yize nuli nayo; mumu iye mwene hanambe ngwenyi, Chichi kukuhichika nichimwe, chipwe chichi kakwehuka nichimwe.

Yoshua 7:9

Mumu A-Kanana ni akwa chifuchi eswe machivwa mba matuseleka nikujimuna jina lietu hashi. Mba yena, kuchi mulinga mumu ha jina lie linene?

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa: