1 Samuel 12:21 - MUKANDA USANDU WA ZAMBI 1975

²¹ Kanda nupiasukila ha kukaula yuma yamokomoko yize kuyichi kuhasa kunukwasa hanji kunupulula mumu kuyapwa yamokomoko.

Mukanda Wa Zambi 1970

²¹ Kanda nukaula mahamba amokomoko; kaahashile kunukwasa hanji kunulamwina, mumu kaali amokomoko.

1 Samuel 12:21 Iomraidhean Croise

1 MIANANGANA 17:15

Yalituna yiyulo yenyi, ni usendo wenyi uze akolesele ni tulamba two, ni Shindakenyo yenyi yize waashindakenyene. Akawile yuma yamokomoko mba alumukine atu amokomoko. Embulwile mavungu aze aajingilikile waze te Yehova waambile ngwenyi, Kanda nukaembulula.

Izaya 41:29

Eswe hanapu chongo chamokomoko, yilinga yo yamokomoko, tuponya two a kuzuzulula eswe fuji yamokomoko.

Izaya 45:20

Kungulukenu nwize; kundamenu hamuwika, enu kunwafwile hakachi ka akwa mavungu. Waze akumbatambata tuponya twa mitondo, nikulemba kuli umwe zambi kahashile kulamwina, o keshi yinyingi.

Izaya 46:7

Kakumuzundula ha yipaya yo nikumumbata; kakumumika homa henyi, mba hahene makamana, kahashile kukatukako. Chipwe umwe mateta kuli iye kechi kakumbulula, hanji kumulamwina ku lamba lienyi.

Jeremia 10:15

Kafwikile nichimwe, chitanga chimwe cha kwonga. Ha mwaka wa kastigu kumakanonga.

Jeremia 10:8

O yelo, kanda yihepuke; longeso lia tuponya ngwami mutondo.

Jeremia 14:22

Umwe hakachi ka mazambi aze a mahuza a mavungu mahasa kuneha vula? Te malilu ene mahasa kunokesa vula? Hi yena ko te, Yehova Zambi yetu? Tunatalatala kuli yena, mumu yena kuwakulinga yino yuma yeswe.

Jeremia 16:19

Yehova, yena tachi jami ni mbonge yami, chiswamo chami ha tangwa lia lamba, kuli yena mavungu makungulukila, chize ku masongo a hashi nikwamba ngwo, Tulamba twetu kahingile nichimwe shina mahuza wika, yuma yamokomoko kuyafumbwile nichimwe.

Jeremia 2:13

Mumu atu jami halinga yuma yipi yiali. Hanangwehuka, yami lie fuji lia meya a mwono, mba hanalitotela mashima ene, mashima a miaji, kahashile kupwa ni meya.

Jeremia 2:5

Yehova kanambe ngwenyi, Chipi chika akakenu awanyine muli yami mba hangukatuka nikuya kusuku, nikukaula yuma yamokomoko nikwalumuka amokomoko?

Yona 2:8

Waze akutala ku yuma yamokomoko ya mahuza kakwehuka vumbi lio ene.

Yona 2:9

Alioze yami mungukulambula ni liji lia kusakwila; Mungufweta chize hinalakenya ni shingo. Ulamwino unakatuka kuli Yehova.

Habakuke 2:18

Hamba kuchi mahasa kukwasa muze tangi yenyi hamweseka, se aye kaponya wa kuzuzulula; longeshi wa mahuza? Mumu chilangaji kanafuliela chuma cha kutanga iye mwene, muze malinga tumama twa mahamba.

Yilinga 14:15

Malunga, kuchi te nunalingi yino yuma? Yetu tuli atu chimuwika ngwe yenu, tunanwambulwila sango lipema, ngwetu, Chanutamba kwehuka yuma yino ya kuseka, nukatewulukile kuli Zambi ya mwono, yoze watangile lilu ni hashi ni kalunga-lwiji, ni yuma yize yeswe yilimo:

1 Korintu 8:4

Kashika ha kutwala ku kulia cha yuma yize hanayitambula yitapo ku mahamba, tunanyingika hamba hi chimwe ko hano hashi, ni Zambi mukwo wakuhi niumwe, shina umuwika.

Shimbi 11:16

Nukanyame, kuchina mbunge jenu mujinwonga, mba munuhambuluka ni kuvumbika tuzambi tweka, ni kutuwayila.

Shimbi 30:17

Alioze kachi mbunge jenu mujitewuluka, kunuchi kwivwa, alioze manukoka, munuwayila tuzambi tweka ni kutuvumbika,

Shimbi 32:21

Hangwihia ngwivwe ukwa ni chuma kuchalumbunukine ngwe umwe zambi. Hangwihia ni tuponya two. Kashika ni yami mungwehia evwe ukwa wa waze kapwile atu. Mungwehia ni vungu lia uhepuke.