1 Samuel 12:19 - MUKANDA USANDU WA ZAMBI 1975

¹⁹ Atu eswe yamba kuli Samuel ngwo, Nutulembele etu ngamba jenu kuli Yehova Zambi yenu, kanda tufwa, mumu ha kwita mwanangana hitwaweza chuma chino chipi ku milonga yetu yeswe.

Mukanda Wa Zambi 1970

¹⁹ Atu eswe yaambila Samuel ngwo: “Mwata tulembelenu kuli Mwene Zambi, Zambi yenu, kanda tufwa kama Hitwanyingika ngwetu, hitwaliwezela yibi yikwo muze hitweta mwanangana.”

1 Samuel 12:19 Iomraidhean Croise

Ubutukilo 20:7

Haliapwila kashika hilwisa pwo lia yono lunga, mumu iye profeta, kumakakulembela ukatwame ni mwono. Nyi kwamuhilwishile, nyingika pundu kumuofwa, ni yena ni atu je eswe.

Jobe 37:13

Chipwe ha kulongesa, hanji ha kuwahisa mavu jenyi, hanji ha utu wa zango lume; iye kakuchilingisa.

Jobe 42:8

Kashika andenu kuji a ngombe shimbiali ni kuji a panga shimbiali nuye kuli kavumbi kami Jo. Munulambula hali yenwene mulambu wa kulumba mba kavumbi kami Jo manulembela mumu mungupanjika ku kulemba chenyi, chichi kunulinga nikulita ni uhepuke wenu mumu kunwahanjikile kanawa ha kutwala kuli yami ngwe kavumbi kami Jo walingile.

Kutuhuka 10:17

Haliapwila kashika, mwane, nukonekene kama mutonga wami, chichi kuhilukilamo, Liumbenu kuli Yehova Zambi yenu akanguchize kufwa chino.

Kutuhuka 32:30

Mba ha kucha, Mose yamba kuli atu ngwenyi, Hinwavulumuna mulonga unene, haliapwila mungukanduka kuli Yehova, hanji munguhasa kufuka shili yenu.

Kutuhuka 9:28

Hikwahwa, liumbenu kuli Yehova. Kukulunguza cha ngolo ni chiwe chipatuke. Mungunwecha nuye. Kunuchi kashimbula nawa, ka.

Izaya 26:16

Mu lamba lio akufupile yena Yehova, alembelelele ni tachi muze te yena unaafumbu.

Jeremia 15:1

Mba Yehova yamba kuli yami ngwenyi, Chipwe kachi Mose ni Samuel mamana kumeso jami, hindu mbunge yami kuyichi kuya kuli wano atu. Uakatwise kumeso jami akaye!

Jeremia 27:18

Nyi o aprofeta ni liji lia Yehova kali nalio alembe kuli Yehova-wa-Tujita hanga yikwachilo yize yasala mu zuwo lia Yehova, ni mu zuwo lia mwanangana wa Yunda, ni mu Yerusaleme kanda yiya ku Babilonia.

Jeremia 37:3

Mwanangana Zedekia yatuma Jukale mwana Shelemia, ni sasendote Zefania mwana Maseia kuli profeta Jeremia ngwenyi, Utulembele kuli Yehova Zambi yetu.

Jeremia 42:2

yamba kuli profeta Jeremia ngwo, Kuliumba chetu chikahete kumeso jenu nukatulembele kuli Yehova Zambi yenu, hali yetu eswe twasala, mumu twasala akehe wika hakachi ka anji ngwe meso jenu anatumono.

Malaki 1:9

Esekenu kwita vumbi lia Zambi hanga alinge ni vumbi kuli yetu! Yehova-wa-Tujita kanambe ngwenyi, Nyi mutu mambata mu kwoko lienyi mulambu ngwe yino, te mapwa ni vumbi kuli umwe?

Kwalula 21:7

Atu yaheta kuli Mose, yamba ngwo, Hitwavulumuna, mumu twahanjikanga nikulimika ni Yehova ni kulimika ni yena. Ulembe kuli Yehova, atuchize e tupela. Mose yalembela e atu.

Yilinga 8:24

Semone wakumbulwile ngwenyi, Ngulembelenu kuli Mwene, hanga nichimwe cha yuma yino hiwamba kuchichi keza hali yami.

Tiangu (Jake) 5:15

Kulemba cha Ufulielo kumuchilamwina mukwa kuyiza, ni Mwene kumamuhindwisa; nyi kachi hanavulumuna milonga, mamukonekenayo.

1 Yoano 5:16

Kachi umwe mamona ndumbwenyi kanavulumuna mulonga, hi wa kufwa ko, kachi akete, iye makamwaha mwono hali waze keshi kuvulumuna mulonga wa kufwa. Kuuli mulonga wa kufwa; chambile nukalembele uno.

1 Samuel 12:13

Kashika talenu mwe mwanangana hinwatongola, hinweta. Yehova hanusela mwanangana kunuyula.

1 Samuel 12:17

Musono ngwami tangwa lia kucha tiliku, nyi? Mungutambika kuli Yehova atume kukulunguza ni vula nukanyingike nukamone ungulungulu wenu unene hinwavulumuna kumeso ja Yehova ha kwita mwanangana.

1 Samuel 12:20

Samuel yamba kuli atu ngwenyi, Kanda nwivwa woma. Chamwenemwene hinwalinga chipi chino cheswe, hindu ha kukaula Yehova, kanda nupiasuka. Lingilenu Yehova ni mbunge jenu jeswe.

1 Samuel 12:23

Chikwo nawa, ha kutwala kuli yami chikapwe kusuku ni yami kuvulumuna Yehova ha kulitwamina kunulembela. Mungunufumba mu jila yipema yize yinalulama.

1 Samuel 7:5

Samuel yamba ngwenyi, Kungululenu A-Izalele eswe ku Mizepa mba mungunulembela kuli Yehova.

1 Samuel 7:8

A-Izalele yamba kuli Samuel ngwo, Kanda ulitwamina kutuhakwila kuli Yehova Zambi yetu akatulamwine kuli A-Filistea.

1 Samuel 8:6

Alioze chuma chino Chapihilile Samuel ha kwamba ngwo, Twehenu mwanangana akatuyule. Samuel yalemba kuli Yehova.