1 Samuel 12:18 - MUKANDA USANDU WA ZAMBI 1975

¹⁸ Chocho Samuel yatambika kuli Yehova mba Yehova yatuma kukulunguza ni vula tangwa lioliene, mba atu eswe evwilile woma wunji Yehova ni Samuel.

Mukanda Wa Zambi 1970

¹⁸ Chenacho Samuel alembele Tangwa lioliene Mwene Zambi yatuma kukulunguza ni vula. Mba atu eswe yeevwila Mwene Zambi ni Samuel woma

1 Samuel 12:18 Iomraidhean Croise

1 Yitanga Ya Mianangana 18:42

Chocho Ahabe yaya akalie akanwe alioze Eliya yakanduka ha songo lia Karmela, yahetamina hashi, yasa mutwe hakachi ka makungunwa.

Ezra 10:9

Mba malunga eswe a Yunda ni Mbenjamine yakungulukila ku Yerusaleme ha matangwa atatu, te ha kakweji wamuchilivwa ni tangwa makumi aali a kakweji. Atu eswe yatwama mu lwaza kulutwe lia zuwo lia Zambi nikuchikima mumu ha chikuma chino ni ha vula munji nawa.

Jobe 37:13

Chipwe ha kulongesa, hanji ha kuwahisa mavu jenyi, hanji ha utu wa zango lume; iye kakuchilingisa.

Miaso (Masamu) 99:6

Mose ni Arone hakachi ka asasendote jenyi, ni Samuel hakachi ka waze atambikile ha jina lienyi. Atambikile kuli Yehova iye waakumbulwile.

Kutuhuka 14:31

A-Izalele amwene chitanga cha tachi alingile Yehova kuli A-Engitu. E atu yavwila woma Yehova. Yafuliela muli Yehova ni muli Mose kavumbi kenyi.

Yoshua 10:12

Mba Yoshua yamba kuli Yehova tangwa lize Yehova yakunjika A-Amore kuli A-Izalele, yamba kumeso ja A-Izalele ngwenyi, Ena, tangwa, mana lume ha Ngibeone. Ni yena, kakweji, mana ha chikulo cha Ajalone.

Yoshua 4:14

Tangwa lize Yehova wanangamishine Yoshua kumeso ja A-Izalele eswe. Amuvwilile woma chizechene ngwe avwilile woma Mose matangwa eswe a mwono wenyi.