1 Samuel 11:6 - MUKANDA USANDU WA ZAMBI 1975

⁶ Ha kwivwa maliji aze Spiritu ya Zambi yahulumukina ni tachi hali Saulu. Yatenuka chikolo.

Mukanda Wa Zambi 1970

⁶ Muze Saulu hevwa maliji wano, Mwiku wa Zambi yiumuhulumukina ni tachi, neye yatenuka chikolo.

1 Samuel 11:6 Iomraidhean Croise

Kutuhuka 32:19

Mba cheswe iye akundamine ku chilombo yamona mwe mwana-ngombe ni kuhangana cha atu. Utenu wa Mose yiusasaminya, yambila e mawe ku moko jenyi, yaashiha hashi mushi lia mulundu.

Kwalula 12:3

Mwe lunga Mose wapwile mukwa kushimbika chikolo. Ha kushimbika iye wahianyine atu eswe apwile hashi.

Marku 3:5

Muze te hakengesa hali ayo ni utenu, nikwivwa chinyengo ha kukala cha mbunge jo, yamba kuli mutu ngwenyi, Olola kwoko lie. Iye waliolwele; ni kwoko lienyi liahindukile lingunu ngwe likwo.

Efesu 4:26

Tenukenu; kanda nuvulumuna; tangwa kanda Ukanjila ha utenu wenu;

Akwa Kuyula 11:29

Henaho Spiritu ya Yehova yahulumukina hali Jefeta. Yapalika ndusu mu Ngiliate ni Manase; yaya ku Mizepa ya Ngiliate; mba chize ku Mizepa ya Ngiliate yaya kuli A-Amone.

Akwa Kuyula 13:25

Spiritu ya Yehova waputukile kumusunga mu Mahane-Ndane hakachi ka Zora ni Esheteole.

Akwa Kuyula 14:6

Spiritu ya Yehova yahulumukina hali Samasone ni tachi, yapapulula mwe ndumba hakachi ngwe akupapulula mwana-pembe, ni moko jenyi amokomoko. Alioze kalwezele kuli tato ni naye chize halinga.

Akwa Kuyula 15:14

Muze te haheta ku Lehi, A-Filistea yeza mukumupatwiza nikulikwiza. Spiritu ya Yehova yahulumukina hali iye ni tachi, chocho mihipu ya ku moko jenyi yiyalumuká ngwe wanda wa linyu uze hiwawema mu kahia, yize yakumukasa yiyisangunuka ku moko jenyi.

Akwa Kuyula 3:10

Spiritu ya Yehova wejile hali iye mba wayulile A-Izalele. Yaya ku jita, mba Yehova yakunjika Kushane-Rishataime mwanangana wa Mesopotamia mu moko jenyi. Kwoko lienyi liakumbile Kushane-Rishataime.

Akwa Kuyula 6:34

Alioze Spiritu ya Yehova yahulumukina hali Ngideone; iye yahumuna chitavwi mba yasanyika A-Abieza akamukaule.

1 Samuel 10:10

Muze ahetele ku mulundu kumanyi atakanyine ni chendo cha aprofeta, mba Spiritu ya Zambi yahulumukina hali iye ni tachi, iye waprofetezele hakachi ko.

1 Samuel 10:6

Spiritu ya Yehova mahulumukina hali yena ni tachi, mba ni yena muprofeteza hamwe no, mualumuka upwe mutu weka.

1 Samuel 16:13

Samuel yanda mbinga ya maji yamuwayisa hakachi ka ayayo. Mba Spiritu ya Yehova yeza ni tachi hali David chize ku tangwa lize. Samuel yakatuka yaya ku Rama.

1 Samuel 16:14

Spiritu ya Yehova te hakatuka kuli Saulu; Spiritu umwe mupi wa kuli Yehova yamupinjisa.