1 Samuel 11:4 - MUKANDA USANDU WA ZAMBI 1975

⁴ Mikeji yaheta ku Ngibia ya Saulu; yambulula maliji wano eswe mu matwi ja atu mba atu eswe yakololoka ni kulila.

Mukanda Wa Zambi 1970

⁴ Tunganda yaaheta ku Gibea kuze te atwama Saulu, yaambulula maliji wano, mba atu eswe yaabutuka kulila mbimbi.

1 Samuel 11:4 Iomraidhean Croise

Ubutukilo 27:38

Esau yamba kuli tato ngwenyi, Tata, te uwape umuwika uli nawo? Ni yami nawa unguwahise yami tata. Chocho yateta ni liji linene nikulila.

2 Samuel 21:6

atwehe shimbiali a ana jenyi a malunga mba mutwasukika kumeso ja Yehova mu Ngibia ya Saulu yoze amutongwele kuli Yehova. Mwanangana ngwenyi, Mungunwaho.

1 Sango Ja Mianangana 12:3

Mukwa lutwe Aizere, ni Njoashe, ana ja Shema Ka-Ngibia; ni Jeziele, ni Pelete, ana ja Azmave; ni Mberaka, ni Jehu Ka-Anatote;

A-ROMA 12:15

Wahililenu hamwe ni waze akuwahilila; lilenu hamwe ni waze akulila.

1 Korintu 12:26

Chipwe chihanda chimwe muchivwa lamba, yihanda yeswe muyivwa lamba hamuwika nacho; hanji kachi malemesa chihanda chimwe, yihanda yeswe muyiwahilila hamuwika nacho.

Galashia 6:2

Limbachilenu yilemu umwe hali mukwo, ni chocho munumanununa shimbi ya Kristu.

Hebreu 13:3

Iwulukenu funge ngwe nunakashiwa hamwe no; waze kanaalingi chipi, ngwe nuli yenwene nawa mu mujimba.

Akwa Kuyula 2:4

Muze mungelo wa Yehova hamba maliji wano kuli A-Izalele eswe, alilile ni liji linene.

Akwa Kuyula 20:23

A-Izalele yakanduka, yalila kumeso ja Yehova ndo ngoloshi. Yahula Yehova ngwo, Tuye cheka nawa ku jita ni akwetu A-Mbenjamine nyi? Yehova yakumbulula ngwenyi, Yénu, nulimike no.

Akwa Kuyula 20:26

Mba A-Izalele eswe, e tujita eswe, yakanduka ku Mbetele mukulila. Yatwamako kumeso ja Yehova, ni kulia ka ndo ngoloshi. Yalambula milambu ya kulumba, ni milambu ya sambukila kumeso ja Yehova.

Akwa Kuyula 21:2

Mba e atu yeza ku Mbetele, yatwamako nikulila mbimbi ndo ngoloshi kumeso ja Zambi ngwo,

1 Samuel 10:26

Saulu nawa yaya ku zuwo lienyi ku Ngibia. Kwayile hamwe nenyi tujita aze Zambi haasunga ku mbunge jo.

1 Samuel 14:2

Saulu te kanatwama ku songo lia Ngibia mushi lia mutondo wa romana wa mu Migrone. Atu aze ali no ngwe kulakaji asambano.

1 Samuel 15:34

Samuel yaya ku Rama, mba Saulu yakanduka ku zuwo lienyi mu Ngibia ya Saulu.

1 Samuel 30:4

David ni atu aze endele nenyi yakololoka ni kulila ndo kapwile nawa ni tachi ja kulila.