1 Samuel 10:8 - MUKANDA USANDU WA ZAMBI 1975

⁸ Ungutetekele ndo ku Ngilingali mba mungukuwanako ngukalambule milambu ya kulumba, nikutapa yitapo ya milambu ya sambukila. Ungutwaminyine matangwa shimbiali ndo mungwiza kuli yena ngukakulweze chize mulinga.

Mukanda Wa Zambi 1970

⁸ Ungutetekela ndoo ku limbo lia Gilgale. Mungukakuwana ko. Mba mungukalambula milambu ya kwocha ni ya kulivwa ni Zambi. Ungutwaminyine ko matangwa shimbiali ndoo mungukeza, hanga ngukakulweze chize muukalinga.”

1 Samuel 10:8 Iomraidhean Croise

2 Samuel 19:16

Shimei mwana Ngera Ka-Mbenjamine wa ku Mbahurime yatambuka hamwe ni malunga A-Yunda nikwiza kupatwiza mwanangana David.

Alevi 3:9

Akatambule mulambu wa kahia kuli Yehova wa ku chitapo cha mulambu wa sambukila, ngwami, maji jaho, ni muchila wa maji wa muwundu, akauchize kwe ku mitanda, ni maji a kufuka yingambiangambia, ni maji eswe a ku yingambiangambia,

Yoshua 4:19

Atu atuhukile mu Yordau ha tangwa liamuchikumi lia kakweji mutangu. Yasa chilombo cho mu Ngilingali ha njiza ya Yeriku ku Chivumbuko.

1 Samuel 13:4

A-Hepreu eswe evwile ngwo, Saulu hapupa maswalale ja A-Filistea, ni A-Izalele hanalumuka api kuli A-Filistea. Atu eswe akungulukilile kukaula Saulu ku Ngilingali.

1 Samuel 15:33

Samuel yamba ngwenyi, Chizechene ngwe katana ke hapwisa mapwo keshi ana, chocho nawa noko mapwa hakachi ka mapwo keshi ana. Samuel yateta Agage tuyipinji kumeso ja Yehova mu Ngilingali.