1 Samuel 10:7 - MUKANDA USANDU WA ZAMBI 1975

⁷ Mba muze yilayi muyipwa kuli yena hilinga chize unamono kulinga mumu Zambi kwali hamwe ni yena.

Mukanda Wa Zambi 1970

⁷ Mba muze yilayi yino muyimoneka, hilinga ngwe chize chinalite, mumu Zambi kali hamwe ni yena.

1 Samuel 10:7 Iomraidhean Croise

Ubutukilo 21:20

Zambi wapwile hamwe ni mwana, mba watatukile. Watwamine mu puya, wapwile ngashi.

2 Samuel 7:3

Natane yamba kuli mwanangana ngwenyi, Yénu nulinge yeswe yili mu mbunge yenu, mumu Yehova hwali hamuwika ni yenu.

Jobe 31:25

nyi hinawahilila mumu upite wami woka, hanji mumu kwoko liami hiliazuka yuma yinji,

Kutuhuka 4:8

Mba, kachi o kechi kukufuliela chipwe kupanjika ku liji lia chilayi chitangu, kumakafuliela liji lia chilayi cha kusula.

Longeshi 9:10

Cheswacho moko je mawana kulinga, hilinga ni ngolo je jeswe, mu Shiole kuze unayi kukushi milimo, hanji manyonga, hanji chinyingi, hanji mana.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Mateu 1:23

Talenu, *virgem kumakapwa ni ufumba, makasema mwana-lunga, no kumakamuluka jina ngwo, Emanuele; lienalio Unalumbunuka ngwo, Zambi hamwe ni yetu.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Luka 2:12

Chino che chilayi kuli yenu; kumunukawana mwe mwana-kemba wa kuvunga mu mahina, kanapombo mu chililo.

Yoano 6:14

Kashika muze atu amwene chilayi chize alingile Yesu, ambile ngwo, Yono chamwenemwene mwe profeta yoze meza hano hashi.

Shimbi 20:1

Muze munutuhuka mukwasa jita ni akwa kole jenu, ha kumona tuvwalu, ni matemba, ni atu amwe ananuhiana ha kwoka, kanda nwavwila woma; mumu Yehova Zambi yenu kwali hamwe ni yenu, iye wanuchijile mu chifuchi cha Engitu.

Hebreu 13:5

Ndako jenu jikapwe kujishi kufwila cha mbongo; pwenu akwa kuyuka ni yuma yize nuli nayo; mumu iye mwene hanambe ngwenyi, Chichi kukuhichika nichimwe, chipwe chichi kakwehuka nichimwe.

Yoshua 1:5

Niumwe mahasa kulimika ni yena matangwa eswe a mwono we. Chizechene ngwe napwile ni Mose chocho mungupwa ni yena. Chichi kukuhichika hanji kukwehuka.

Yoshua 1:9

Te chakutumine nyi? Takama; hamuka; kanda wivwa woma hanji mwongo, mumu Yehova Zambi ye hwali hamwe ni yena kweswako muoya.

Akwa Kuyula 6:12

Mungelo wa Yehova yasoloka, yamba kuli iye ngwenyi, Yehova kwali hamwe ni yena, Uli lunga wa tachi ni hamu.

Akwa Kuyula 9:33

Ha chimenemene, ha kuvumbuka tangwa, nulimeneke nukalundumukine ha chihunda. Muze iye ni malunga aze ali no matuhuka kuli yenu munwalinga cheswacho munuhasa.

1 Samuel 2:34

Mba chino muchipwa chilayi kuli yena, chino muchipwa kuli ana je aali a malunga, hali Hofni ni Finehase ngwami, Tangwa limuwika makafwa eswe ni aali.

1 Samuel 20:13

Alioze nyi tata mazanga kukulinga chipi Yehova achilinge kuli yami Jonatas nikuwezaho nawa nyi chakulwezelecho nikukushika ukaye ni sambukila. Yehova akapwe ni yena chizechene ngwe hapwa ni tata.

1 Samuel 3:19

Samuel yatatuka, mba Yehova wapwile hamwe nenyi. Katayijile maliji jenyi kuholoka hashi, niamwe.