1 Samuel 10:6 - MUKANDA USANDU WA ZAMBI 1975

⁶ Spiritu ya Yehova mahulumukina hali yena ni tachi, mba ni yena muprofeteza hamwe no, mualumuka upwe mutu weka.

Mukanda Wa Zambi 1970

⁶ Susumuku Mwiku wa Mwene Zambi muukuhulumukina, mba ni yena muuhanjika munanyi hamwe no, muwalumuka mutu mwaha.

1 Samuel 10:6 Iomraidhean Croise

Kwalula 11:17

Munguhulumuka nguhanjikeko ni yena. Munguchiza kuli Spiritu yoze uli hali yena, mungunwisa hali ayo, mba kumakambata chiteli cha atu hamwe ni yena hanga kuchi kachimbata yena mwene ukawe.

Kwalula 11:25

Yehova yahulumuka mu lelwa, yahanjika nenyi, yachiza kuli Spiritu wapwile hali iye, yamusa hali e makumi shimbiali a makulwana. Mba muze te mwe Spiritu hapwila hali ayo, o yaprofeteza, hindu kalingile chocho nawa.

Kwalula 11:26

Mwasalile mu chilombo malunga aali, jina lia mukwo Eldade ni jina lia mukwo Medade. Mwe Spiritu yapwila hali ayo, o te apwile a kuli waze asonewene, alioze kayile ku mbalaka. O yaprofeteza mu chilombo.

Kwalula 11:29

Mose yamba kuli iye ngwenyi, Unaavwila ukwa mumu hali yami nyi? Ngunazange kachi atu eswe a Yehova kapwa aprofeta, hanga Yehova ase hali ayo Spiritu yenyi.

Mateu 7:22

Anji kumakamba kuli yami ha tangwa lize ngwo, Mwene, Mwene, kutwaprofetezele ni jina lie, nyi? Ni jina lie kutwatuhwishile andemoniu, nyi? Ni jina lie kutwalingile yipupu yinji, nyi?

Akwa Kuyula 14:6

Spiritu ya Yehova yahulumukina hali Samasone ni tachi, yapapulula mwe ndumba hakachi ngwe akupapulula mwana-pembe, ni moko jenyi amokomoko. Alioze kalwezele kuli tato ni naye chize halinga.

Akwa Kuyula 15:14

Muze te haheta ku Lehi, A-Filistea yeza mukumupatwiza nikulikwiza. Spiritu ya Yehova yahulumukina hali iye ni tachi, chocho mihipu ya ku moko jenyi yiyalumuká ngwe wanda wa linyu uze hiwawema mu kahia, yize yakumukasa yiyisangunuka ku moko jenyi.

Akwa Kuyula 3:10

Spiritu ya Yehova wejile hali iye mba wayulile A-Izalele. Yaya ku jita, mba Yehova yakunjika Kushane-Rishataime mwanangana wa Mesopotamia mu moko jenyi. Kwoko lienyi liakumbile Kushane-Rishataime.

1 Samuel 10:10

Muze ahetele ku mulundu kumanyi atakanyine ni chendo cha aprofeta, mba Spiritu ya Zambi yahulumukina hali iye ni tachi, iye waprofetezele hakachi ko.

1 Samuel 10:9

Mba muze alumukine akatuke kuli Samuel, Zambi wamuhele mbunge yeka ni yilayi yize yeswe yamonekene tangwa lioliene.

1 Samuel 11:6

Ha kwivwa maliji aze Spiritu ya Zambi yahulumukina ni tachi hali Saulu. Yatenuka chikolo.

1 Samuel 16:13

Samuel yanda mbinga ya maji yamuwayisa hakachi ka ayayo. Mba Spiritu ya Yehova yeza ni tachi hali David chize ku tangwa lize. Samuel yakatuka yaya ku Rama.

1 Samuel 19:20

Saulu yatuma tunganda kukwata David. O muze hamona mbunga ya aprofeta kanaprofeteza ni Samuel kanamana mukwa lutwe hakachi ko, Spiritu ya Zambi yahulumukina hali tunganda twa Saulu no nawa aprofetezele.