1 Samuel 10:5 - MUKANDA USANDU WA ZAMBI 1975

⁵ Kulutwe muwiza ku mulundu wa Zambi, kuze kwatwama maswalale ja A-Filistea. Mba ha kuheta ku chihunda mutakana ni chendo cha aprofeta kanakatuka ku nangamo ni chisaji cha kusa, ni kamukupiela, ni lundembo, ni kalialia, kaneza nikuprofeteza.

Mukanda Wa Zambi 1970

⁵ Mba muuya ku mulundu wa Zambi mu limbo lia Gibea. Kwenako kuli musumba wa tujita twa Afilistia. Ku chikolo cha limbo muutakana ni mbunga ya akwa munanyi ja Zambi waze anapalumuka ha mulundu, homa ha kuwayila, nikwimba tulialia ni ngoma, ni ndembo, nikuhanjika munanyi.

1 Samuel 10:5 Iomraidhean Croise

1 Yitanga Ya Mianangana 18:29

Muze tangwa haputuka kusendala aprofetezele ndo kwakuya ku ola ya mulambu wa ngoloshi hindu chipwe liji, chipwe kumbululo, chipwe mukwa kwivwa; nichimwe.

1 MIANANGANA 2:15

Ha kumumona ana ja aprofeta waze atwama ku Yeriku hatalanganyi nenyi yamba ngwo, Spiritu ya Eliya hatula hali Elisha. Mba yeza kumupatwiza, yahetamina hashi kumeso jenyi.

1 MIANANGANA 2:3

Mba ana ja aprofeta waze atwamine ku Mbetele yeza kuli Elisha ngwo, Unanyingika ngwe Yehova matambula mwata we ku mutwe we musono nyi? Aye ngwenyi, E, ngunachinyingika; holenu.

1 MIANANGANA 2:5

Mba ana ja aprofeta aze atwamine ku Yeriku yakundama kuli Elisha ngwo, Unanyingika ngwe Yehova matambula mwata we ku mutwe we musono nyi? Aye yakumbulula ngwenyi, E, ngunachinyingika; holenu.

1 MIANANGANA 2:7

Mba makumi atano a malunga a kuli ana ja aprofeta yaya, yamana hatalanganyi no alioze kusuku. O aali amanyine ku Yordau.

1 MIANANGANA 3:15

Alioze haliapwila ngunehenenu umwe njimba. Mba shimbu njimba machimba chisaji kwoko lia Yehova yiliza hali iye.

1 MIANANGANA 4:38

Elisha yeza nawa ku Ngilingali alioze kwapwile kapunga mu chifuchi. Ana ja aprofeta atwamine kumeso jenyi. Aye yamba kuli kavumbi kenyi ngwenyi, Alika lundeho utelekele ana ja aprofeta kulia.

1 MIANANGANA 6:1

Ana ja aprofeta yamba kuli Elisha ngwo, Chihela chino twatwama kumeso jenu chatukehela naye.

1 Sango Ja Mianangana 11:16

David, wapwile mu chivwenge, ni maswalale ja A-Filistea achili te mu Mbeteleme ha matangwa aze.

1 Sango Ja Mianangana 13:8

David ni A-Izalele eswe awahililile kumeso ja Zambi ni tachi jo jeswe ni miaso, ni tulialia, ni yisaji ya kusa, ni tumikupiela, ni sembalu, ni yitavwi.

1 Sango Ja Mianangana 16:42

Hamwe no Hemane ni Yedutune apwile ni yitavwi ni sembalu ha kwimba, ni yisaji ha miaso ya Zambi, ni ana ja Yedutune akamane ku chikolo.

1 Sango Ja Mianangana 16:5

Asafwe mukwa lutwe, yahata kuli iye Zekaria, ni Jehiele, ni Shemiramote, ni Jehiele, ni Matitia, ni Eliape, ni Benaia, ni Obede-Endome, ni Jehiele waze memba yisaji ya kusa ni tulialia; Asafwe memba sembalu,

Miaso (Masamu) 49:4

Munguhetamisa twitwi liami ku chishima; mungulumbununa chijimbikilo chami ha kalialia.

Miaso (Masamu) 92:3

ha chisaji cha kumi lia kusa, ni ha kalialia, ni Higaione ha chisaji cha kusa.

1 Korintu 14:1

Kaulenu zango; hindu fupenu chikolo ha yawana ya uspiritu, alioze Shinaho nukaprofeteze.

1 Samuel 10:10

Muze ahetele ku mulundu kumanyi atakanyine ni chendo cha aprofeta, mba Spiritu ya Zambi yahulumukina hali iye ni tachi, iye waprofetezele hakachi ko.

1 Samuel 10:4

Makumeneka. Makwaha mbolo jiali. Mujitambula ku moko jo.

1 Samuel 13:2

Mba Saulu walisakwilile tununu atatu a malunga A-Izalele. Tununu aali atwamine hamwe ni Saulu ku Mikimashi ni ku mulundu wa Mbetele, ni kanunu umuwika atwamine hamwe ni Jonatas mu Ngibia ya Mbenjamine. Atu akwo eswe waatumine mutu mweswe ku mbalaka yenyi.

1 Samuel 13:3

Jonatas yapupa maswalale ja A-Filistea waze apwile mu Ngeba, mba A-Filistea yachivwa. Kashika Saulu yembisa yitavwi ndusu chifuchi cheswe ngwenyi, A-Hepreu eswe apanjike.

1 Samuel 19:20

Saulu yatuma tunganda kukwata David. O muze hamona mbunga ya aprofeta kanaprofeteza ni Samuel kanamana mukwa lutwe hakachi ko, Spiritu ya Zambi yahulumukina hali tunganda twa Saulu no nawa aprofetezele.

1 Samuel 9:12

Yaakumbulula ngwo, Kwali, kulutwe. Tambukenu, mumu heza musono ku chihunda, mumu atu chitapo ali nacho musono ha nangamo.