1 Samuel 10:27 - MUKANDA USANDU WA ZAMBI 1975

²⁷ Alioze amwe atu amokomoko yamba ngwo, Yono kuchi mahasa kutulamwina? Yamulelesa, kamunehenene mulambu, alioze iye kachisele mbunge.

Mukanda Wa Zambi 1970

²⁷ Alioze amwe atu amokomoko yaamba ngwo: “Yono ngwe kuchi mahasa kutulamwina?” Yaamulelesa, yaamumina milambu.

1 Samuel 10:27 Iomraidhean Croise

2 Samuel 20:1

Kwapwileko umwe lunga wamokomoko, jina lienyi Shipa, mwana Mbi kiri Ka-Mbenjamine. Iye yahumuna chitavwi ngwenyi, Etu kutushi chihanda muli David, chipwe chihinga kutushi nacho muli mwana Yese. Kashika enu malunga a Izalele yénu ku mazuwo jenu.

2 Samuel 8:2

Yalamba A-Moape. Yaapombesa hashi nikwafunjikila mufunda. Yafunjika mifunda yiali ya kushiha, ni mufunda wa muwundu wa kufunga ni mwono. A-Moape yalumuka ngamba kuli David. Yamunehena milambu.

1 Yitanga Ya Mianangana 10:25

Mba mutu mweswe yaneha mulambu wenyi; yikwachilo ya prata ni oru, ni mahina, ni mazalo a utale, ni tumbuto twa lupembo mupema, ni tuvwalu, ni mula—ya kwasela mwaka ha mwaka.

1 Yitanga Ya Mianangana 4:21

Solomone wayulile yifuchi yeswe chize ku mwe Lwiji ndo ku chifuchi cha A-Filistea ni ndo ku njiza ya Engitu. Yaneha milambu nikulingila Solomone matangwa eswe a mwono wenyi.

1 Yitanga Ya Mianangana 5:1

Hirame mwanangana wa Teru yatuma tunganda twenyi kuli Solomone; se hevwa chize hanamuwayisa ni maji akapwe mwanangana kusalakana tato. Mumu Hirame te sepa lia David matangwa eswe.

2 Sango Ja Mianangana 13:7

Kwakungulukile kuli iye amwe malunga amokomoko, nikulitakamisa kulimika ni Rehoboame mwana Solomone shimbu Rehoboame wapwile mukweze wa mbunge yovu, kahashile kulimika no.

2 Sango Ja Mianangana 17:5

Kashika Yehova wakolesele wanangana mu kwoko lienyi. A-Yunda eswe anehene milambu kuli Yehosofate; wapwile ni upite ni ulemu wa kulumbama.

Miaso (Masamu) 38:13

Alioze yami, ngwe nguli kafwa-matwi, chevwile. Nguli ngwe kamama yoze keshi kupakula kanwa lienyi.

Miaso (Masamu) 72:10

Mianangana a Tashi ni a ku matungu kumakamulambula. Mianangana a ku Shipa ni a ku Sepa makahana yawana.

Longeshi 7:21

Chikwo nawa, kanda upanjika maliji eswe aze akwamba kuchina muwivwa ngamba ye kanakutuku,

Izaya 36:21

Alioze atu aholele kúlú. Kakumbulwile liji nilimwe. Mumu mwanangana hahana shimbi ngwenyi, Kanda numukumbulula.

Mateu 2:11

No anjilile mu zuwo, amwene mwe mwana hamwe ni naye Maria; afulamanyine nikumuwayila, no nikupakula upite wo, amulambwile yawana ya oru ni libano ni mira.

Yilinga 7:35

Yono Mose, alitunyineye, ngwo, Iya wakupwishile mukwa kuyula, sopi? Zambi wamutumine ngwe mukwa kuyula ni mukwa kukula ni kwoko lia mungelo yoze wasolokele kuli iye mu chiputa.

Shimbi 13:13

Malunga amwe amokomoko hatuhuka mukachi kenu, hakondolola akwa limbo lio ngwo, Tatuyenu, tuvumbike tuzambi tweka, kunwatunyingikine,

1 Samuel 11:12

Mba atu yamba kuli Samuel ngwo, Aya, waze ambile ngwo, Saulu kechi kutuyula yetu? Uanehe tukaashihe.

1 Samuel 11:13

Alioze Saulu yamba ngwenyi, Kechi kushiha niumwe musono, mumu musono Yehova hapulula A-Izalele.

1 Samuel 16:20

Yese yanda chimbulu, yamutwika mbolo, ni tuku ya vinyu, ni mwana-pembe, yayituma mu kwoko lia mwanenyi David, kuli Saulu.

1 Samuel 2:12

Ana ja Eli o apwile atu amokomoko. Kanyingikine Yehova.

1 Samuel 25:17

Kashika nyingika chuma chino unyonge chize mulinga, mumu kananyongo kulinga chuma chikalu kuli mwata wetu ni kuli akwa zuwo lienyi eswe se niumwe mahasa kuhanjika nenyi mumu ha kupiya chenyi.