1 Samuel 10:26 - MUKANDA USANDU WA ZAMBI 1975

²⁶ Saulu nawa yaya ku zuwo lienyi ku Ngibia. Kwayile hamwe nenyi tujita aze Zambi haasunga ku mbunge jo.

Mukanda Wa Zambi 1970

²⁶ Saulu nawa yahiluka ku mahienyi ku Gibea. Amwe malunga akwa hamu, waze Zambi afumbile, yaaya hamwe nenyi.

1 Samuel 10:26 Iomraidhean Croise

2 Samuel 21:6

atwehe shimbiali a ana jenyi a malunga mba mutwasukika kumeso ja Yehova mu Ngibia ya Saulu yoze amutongwele kuli Yehova. Mwanangana ngwenyi, Mungunwaho.

Ezra 1:5

Henaho akwa lutwe mu minyachi ya atato a Yunda ni Mbenjamine yakatuka, ni asasendote, ni A-Levi, waze eswe Zambi hasangumuna mbunge jo akaye akatunge zuwo lia Yehova lili mu Yerusaleme.

Miaso (Masamu) 110:3

Atu je malihana mulambu ni upale wo ene ha tangwa lia ngolo je, mu upeme wa usandu, ngwe mume wa ukweze we wa ku kuvumbuka cha tangwa.

Izaya 10:29

Hapalika mu jila ya hakachi ka milundu, chipombelo ku Ngeba. Rama kanachikima, Ngibia ya Saulu hachina.

Yilinga 13:48

Shimbu akwa mavungu evwile chino, awahililile, achichimiekene liji lia Mwene: ni waze eswe Zambi waafunjikile ku mwono wa mutolo afulielele.

Yilinga 7:10

Wamupulwile ku luyinda wenyi mweswe, wamuhele vumbi ni mana kumeso ja Falau, mwanangana wa Engitu: iye wamusele nguvulu helu lia Engitu ni helu lia zuwo lienyi lieswe.

Yoshua 18:28

ni Zela, ni Elefe, ni Yepushe, (acho ngwami, Yerusaleme) ni Ngibia, ni Kiriate-Yerimi. Kumi lia membo ni membo awana ni, tuyihunda two. Chino che chihinga cha munyachi wa Mbenjamine nikulita ni majimo jo.

Akwa Kuyula 20:14

A-Mbenjamine akatukile ku membo a Ngibia akaye hamuwika mukwasa jita ni A-Izalele.

1 Samuel 11:4

Mikeji yaheta ku Ngibia ya Saulu; yambulula maliji wano eswe mu matwi ja atu mba atu eswe yakololoka ni kulila.

1 Samuel 13:2

Mba Saulu walisakwilile tununu atatu a malunga A-Izalele. Tununu aali atwamine hamwe ni Saulu ku Mikimashi ni ku mulundu wa Mbetele, ni kanunu umuwika atwamine hamwe ni Jonatas mu Ngibia ya Mbenjamine. Atu akwo eswe waatumine mutu mweswe ku mbalaka yenyi.

1 Samuel 15:34

Samuel yaya ku Rama, mba Saulu yakanduka ku zuwo lienyi mu Ngibia ya Saulu.