1 Samuel 10:22 - MUKANDA USANDU WA ZAMBI 1975

²² Kashika ahulile Yehova nawa ngwo, Yono lunga hindu kwali, nyi? Yehova yakumbulula ngwenyi, Haswama hakachi ka yikwata.

Mukanda Wa Zambi 1970

²² Yaahula Mwene Zambi ngwo: “Kwali, nyi ka?” Mwene Zambi yaakumbulula ngwenyi: “Kali akuze, kanaswame mukachi ka yikashi.”

1 Samuel 10:22 Iomraidhean Croise

Ubutukilo 25:22

Ana alitachikile mu jimo lienyi chocho yamba ngwenyi, Nyi chapwa chamwenemwene, kuchi te napwa Chichize? Mba yaya achihule kuli Yehova.

2 Samuel 2:1

Kulutwe lia yino yuma David yahula Yehova ngwenyi, Ngukanduke ku chimwe chihunda cha Yunda nyi? Yehova yamukumbulula ngwenyi, Kanduka. David yamba ngwenyi, Ku chihunda chika munguya? Iye ngwenyi, Ku Heprone.

2 Samuel 21:1

Kwapwile kapunga ha matangwa a David miaka yitatu mwaka ha mwaka. David wahulile kuli Yehova. Yehova yamba ngwenyi, Chino chuma chapwa mumu hali Saulu ni munyachi wenyi wa kumwanga manyinga, mumu washihile A-Ngibeone.

Kwalula 27:21

Amane kumeso ja sasendote Eleazare, iye mamuhulila ku upatwilo wa Urimi kumeso ja Yehova; ku liji lienyi o akapwe nikutuhwoka, ni ku liji lienyi akapwe nikunjilanjila, neye ni A-Izalele eswe hamwe nenyi, che chikungulwila cheswe.

Luka 14:11

Mumu mweswawo malinangamisa kumakamijlelesa; ni yoze malilelesa kumakamunangamisa.

Akwa Kuyula 1:1

Yoshua hafwa A-Izalele yahula Yehova ngwo, Yoze mahanga kukanduka kuli A-Kanana kwasa no jita hali yetu, iya?

Akwa Kuyula 20:18

A-Izalele yakatuka, yaya ku Mbetele akahule Zambi ngwo, Munyachi uka wa yetu muulianga ku jita ni A-Mbenjamine? Yehova yamba ngwenyi, A-Yunda mahanga.

Akwa Kuyula 20:23

A-Izalele yakanduka, yalila kumeso ja Yehova ndo ngoloshi. Yahula Yehova ngwo, Tuye cheka nawa ku jita ni akwetu A-Mbenjamine nyi? Yehova yakumbulula ngwenyi, Yénu, nulimike no.

Akwa Kuyula 20:28

ni Finehase mwana wa Eleazare, mwana wa Arone wavumbikile kumeso jawo ha matangwa aze). Yahula Yehova ngwo, Tuye cheka nawa mukwasa jita ni akwetu A-Mbenjamine, nyi tulitwamine? Yehova yamba ngwenyi, Yénu, mumu hamene mungwakunjika mu moko jenu.

1 Samuel 10:21

Yakundamisa munyachi wa Mbenjamine nikulita ni majimo jo, mba jimo lia A-Matri liasakukile. Mba Saulu mwana wa Kishi wasakukile, alioze muze amufupile kamuwanyine.

1 Samuel 14:37

Saulu yahula mana kuli Zambi ngwenyi, Ngupalumuke kunyima lia A-Filistea nyi? Muakunjika mu moko ja A-Izalele nyi? Alioze kamukumbulwile tangwa lize.

1 Samuel 15:17

Samuel yamba ngwenyi, Chipwe yena mwene walimwene ngwe uli mukepe, hindu akupwishile mukwa lutwe wa minyachi ya Izalele. Yehova wakuwayishile mwanangana wa A-Izalele.

1 Samuel 22:10

Mba Ahimeleke yahula Yehova hali iye nikumwaha ya kulia ni katana ka Ngoliate Ka-Filistea.

1 Samuel 23:9

David yanyingika ngwenyi, Saulu chipi kananguhalila mba yamba kuli sasendote Abiatare ngwenyi, Neha efode kuno.

1 Samuel 30:7

David yamba kuli sasendote Abiatare mwana wa Ahimeleke ngwenyi, Ngunehene ye efode. Abiatare yaneha efode kuli David.

1 Samuel 30:8

David yahula Yehova ngwenyi, Ngukaule mbunga yino, nyi? Mungwawana, nyi? Yamukumbulula ngwenyi, Kaula, muawana pundu mba mutambula nawa yeswe.

1 Samuel 9:21

Saulu yakumbulula ngwenyi, Ami nguli Ka-Mbenjamine, wa umwe hakachi ka minyachi yikepe ya Izalele, ni jimo lia tata lie likepe hakachi ka majimo eswe a munyachi wa Mbenjamine. Kashika kuchi te unahanjika chocho ni yami?