1 Samuel 10:20 - MUKANDA USANDU WA ZAMBI 1975

²⁰ Chocho Samuel yakundamisa minyachi yeswe ya Izalele mba munyachi wa Mbenjamine wasakukile.

Mukanda Wa Zambi 1970

²⁰ Chenacho Samuel akundamishine vungu heswe ha Aisraele, mba Mwene Zambi yatongola vungu ha Benjamine.

1 Samuel 10:20 Iomraidhean Croise

2 Samuel 3:19

Abenere yahanjika nawa ni A-Mbenjamine eswe, mba Abenere yaya ku Heprone akambulwile David yuma yize yeswe A-Izalele ni munyachi wa Mbenjamine anyongene kulinga.

Yona 1:7

O yamba umwe kuli mukwo ngwo, Tutahenu tunyingike yoze hatukokela chuma chino chipi. Chocho yataha, mba chaholokela hali Yona.

Shimbi 33:12

Ha kutwala kuli Mbenjamine yamba ngwenyi, Iye kamuzanga kuli Yehova, hakamwihi nenyi makatwama kawape. Makamufuka tangwa lieswe nganganga. Iye makatwama hakachi ka yipaya yenyi.

1 Samuel 10:19

Hindu tangwa lino lia musono hinwalituna Zambi yenu mukwa kunulamwina ku luyinda wenu mweswe ni lamba lienu lieswe, nikwamba kuli iye ngwenu, Hi chocho ko, alioze nutusele mwanangana kutuyula. Kashika solokenu kumeso ja Yehova nikulita ni minyachi yenu ni tununu twenu.

1 Samuel 10:21

Yakundamisa munyachi wa Mbenjamine nikulita ni majimo jo, mba jimo lia A-Matri liasakukile. Mba Saulu mwana wa Kishi wasakukile, alioze muze amufupile kamuwanyine.

1 Samuel 14:38

Saulu yamba ngwenyi, Kundamenu kuno, enu miata eswe nunyingike, numone kuze kwapwa mulonga musono.

1 Samuel 14:41

Kashika Saulu yamba kuli Yehova Zambi ya Izalele ngwenyi, Hana Shindakenyo yipema. Jonatas ni Saulu yahia. E atu yasamba.