1 Samuel 10:19 - MUKANDA USANDU WA ZAMBI 1975

¹⁹ Hindu tangwa lino lia musono hinwalituna Zambi yenu mukwa kunulamwina ku luyinda wenu mweswe ni lamba lienu lieswe, nikwamba kuli iye ngwenu, Hi chocho ko, alioze nutusele mwanangana kutuyula. Kashika solokenu kumeso ja Yehova nikulita ni minyachi yenu ni tununu twenu.

Mukanda Wa Zambi 1970

¹⁹ Yami nguli Zambi yenu, nakunulamwina ku luyinda wenu mweswe ni ku lamba lienu heswe. Hindu musono hinwangulituna, hinwanguhula mwanangana. Nyi Chenacho, hilihumikizenu ku meso ja Mwene Zambi nikulita ni mavungu jenu ni maji mo jenu.’ ”

1 Samuel 10:19 Iomraidhean Croise

Yishima 16:33

Ngombo kakuyisakula mu kondo, alioze kuchimanununa muchipwa cha Yehova.

Mika 5:2

Alioze yena Mbeteleme Efrata, mukepe Wahiana hakachi ka minyachi ya Yunda, kuli yena kumukungutuhukila umwe yoze makapwa mukwa kuyula Izalele. Chikota chenyi cha ku miaka, kwe ku shakulu.

Kwalula 11:20

Alioze kakweji mweswe, ndo ye yifwo muyikatuhuka ku mazulu jenu. Kumuyikanusekela, se hinwalituna Yehova yoze watwama hakachi kenu, se hinwalila kumeso jenyi ngwenu, Yika te twakatukile ku Engitu?

Kwalula 17:2

Hanjika ni A-Izalele, utambule milumbu kuli ayo, mulumbu kuli munyachi wa kalamba, mulumbu kuli munyachi wa kalamba, kuli miata jo eswe nikulita ni minyachi ya tulamba two, kumi lia milumbu ni milumbu yiali. Usoneke jina lia mutu mweswe ha mulumbu wenyi.

Shimbi 17:14

Muze munukanjila mu chifuchi Yehova Zambi yenu ananwehecho, muze munuchizuka ni kutwamamo, hanji munwamba ngwenu, Mutulitongwela mwanangana wa yetu, ngwe akulinga mavungu eswe anatujingilika.

Yoshua 24:1

Mba Yoshua yakungulula minyachi yeswe ya Izalele ku Shekeme, yasanyika makulwana, ni akwa lutwe, ni akwa kuyula, ni yilolo a Izalele. O yalisolola kumeso ja Zambi.

Akwa Kuyula 8:23

Ngideone yaakumbulula ngwenyi, Ami chichi kupwa mukwa kunuyula, chipwe mwanami. Mukwa kunuyula Yehova.

1 Samuel 10:20

Chocho Samuel yakundamisa minyachi yeswe ya Izalele mba munyachi wa Mbenjamine wasakukile.

1 Samuel 12:12

Muze nwamwene Nahashi mwanangana wa A-Amone kaneza kulimika ni yenu nwambile kuli yami ngwenu, Ka, tunazange mwanangana atuyule, shimbu te Yehova Zambi yenu iye mwanangana wenu.

1 Samuel 14:23

Chocho Yehova yalamwina A-Izalele tangwa lize mba jita yiyipalika ku Mbete-Avene.

1 Samuel 14:38

Saulu yamba ngwenyi, Kundamenu kuno, enu miata eswe nunyingike, numone kuze kwapwa mulonga musono.

1 Samuel 3:21

Mba Yehova yasoloka kuli Samuel cheka nawa mu Shilo. Mumu Yehova walisolwele kuli Samuel mu Shilo ku liji lia Yehova.

1 Samuel 4:1

Mba liji lia Samuel liejile kuli A-Izalele eswe. A-Izalele atuhukile mukwasa jita ni A-Filistea, yasa chilombo cho hakamwihi ni Ebenezere. A-Filistea yasa chilombo cho ku Afeke.

1 Samuel 8:19

Hindu atu kasolo kupanjika ku liji lia Samuel. Yamba ngwo, Hi chocho ko. Tunazange mwanangana helu lietu,

1 Samuel 8:5

Yamba kuli iye ngwo, Uli mukulwana chikolo ni ana je kendele mu ndako je, kashika utusele mwanangana akatuyule ngwe mavungu akwo eswe.