1 Samuel 10:1 - MUKANDA USANDU WA ZAMBI 1975

¹ Mba Samuel yanda kasaji ka maji waazujilile ha mutwe wenyi; yamwaha mbeju; yamba ngwenyi, Te Yehova kakuwa yishile ukapwe kasongo ka chihinga chenyi, nyi?

Mukanda Wa Zambi 1970

¹ Hohene Samuel yanda kasaji ka maji a olive, yaazujila ha mutwe wa Saulu, yamushisa, yamba ngwenyi; “Mwene Zambi kanamuwayisa hanga ubwe mwanangana wa atu jenyi Aisraele. Muukaayula ni kwafunga kuli akwa kole jo. Chino che chilayi cha kutongola cha Mwene Zambi:

1 Samuel 10:1 Iomraidhean Croise

2 Samuel 1:14

David yamba kuli iye ngwenyi, Kuchi te kwevwile woma wa kwolola kwoko lie mukushiha yoze hanamuwayisa ni maji kuli Yehova?

2 Samuel 19:39

Atu eswe azaukile Yordau, ni mwanangana wazaukile. Mwanangana wambejele Bazilai, yamuwahisa, iye yahiluka kwenyi.

2 Samuel 20:19

Yami nguli wa kuli akwa sambukila, amwenemwene mu Izalele. Alioze ena unafupu kwonwona chihunda hamwe ni anaye mu Izalele. Kuchi te mupupa chihinga cha Yehova?

2 Samuel 5:2

Kunyima muze Saulu wapwile mwanangana wetu hindu yenu nwasongwelele A-Izalele ha kutuhuka ni ha kunjila, mba Yehova wanwambile ngwenyi, Yena muopwa kafunga ka atu jami A-Izalele. Yena muopwa mwanangana wa Izalele.

1 Yitanga Ya Mianangana 1:34

Ni sasendote Zadoke ni profeta Natane akamuwayishileko ni maji akapwe mwanangana wa Izalele. Humunenu chitavwi nukambe ngwenu, Vuiie! mwanangana Solomone!

1 Yitanga Ya Mianangana 19:18

Hindu munguhichika mu Izalele tununu shimbiali waze eswe makungunwa jo kahetamine kuli Mbale ni makanwa jo eswe kamuhele mbeju.

1 MIANANGANA 20:5

Hiluka nawa ukambe kuli Hezekia mukwa kuyula atu jami ngwe, Yehova kanambe, mwe Zambi ya kalamba ke David ngwenyi, Hinevwa kulemba che, hinamona masoji je, mungukuwuka. Ha tangwa liamuchitatu kumuoya ku zuwo iia Yehova.

1 MIANANGANA 9:1

Profeta Elisha yasanyika umwe mwana wa aprofeta, yamba kuli iye ngwenyi, Ulijichike muya, tambula kasaji kano ka maji mu kwoko uye ku Ramote-Ngiliate.

1 MIANANGANA 9:12

O ngwo, Mahuza! Utwambulwile pundu. Aye ngwenyi, Chinganji ni Chinganji angwamba ngwenyi, Yehova kanambe ngwenyi, Hinakuwayisa mwanangana wa Izalele.

Miaso (Masamu) 135:4

Mumu Yehova hanatongola Yakomba akapwe niwenyi. Hanatongola Izalele akapwe upite wa iye mwene wika.

Miaso (Masamu) 2:12

Mbejenu mwe Mwana, kuchina matenuka mba munukuwa mu jila, mumu utenu wenyi muusasaminya washi. Kawaha waze eswe akuswama muli iye. Samu lia David muze achinyine kumeso ja mwanenyi Absalome.

Miaso (Masamu) 78:71

Wamuchijile kuze afungile mapanga aze akwamwisa ana, akalise A-Yakomba atu jenyi, A-Izalele chihinga chenyi.

Kutuhuka 30:23

Ukasake tumbuto tupema twahiana twa lupembo mupema twa mira ya kututumuka makulakaji atano a shekele, ni twa kanela muyema chihanda cha hakachi cha pesu, te makulakaji aali a shekele ni makumi atano a shekele, ni twa kalamu muyema makulakaji aali a shekele ni makumi atano a shekele,

Jeremia 10:16

Yoze wapwa chihinga cha Yakomba kapwile ngwe ayo, mumu iye mwe mukwa kuwumba yuma yeswe. Mba Izalele lie vungu lia chihinga chenyi; jina lienyi Yehova-wa-Tujita.

Ezekiel 16:13

Chocho wapemene ni oru ni prata, ni mazalo je apwile a linyu lipema, ni seda, ni mahina a mbordado. Walile wunga wafufunuka, ni wuchi, ni maji; wapemene chikolo; walumukine mwanangana wa pwo.

Hosea 13:2

Ni haliapwila kanaliwezela uvulumunyi weka ni weka nikulilingila tuponya twa kuzuzulula, ni mahamba a kulinga ni utotombo ni prata yo. Yeswe, milimo ya yilangaji. Shihilenu yitapo kuli wano ngwo, Atu kakumbejala ana a ngombe!

Yilinga 13:21

Kulutwe lia chino echile mwanangana: Zambi waahele Saulu, mwana Kishi, lunga wa ku vungu lia Mbenjamine, ha shimbu lia makumi awana a miaka.

Shimbi 32:9

Mumu chihanda cha Yehova chapwa atu jenyi. Yakomba yapwa chihinga chenyi cha kutongola.

1 Tesalonika 5:26

Menekenu mandumbu eswe ni mbeju yisandu.

Hebreu 2:10

Mumu yoze, hali iye yuma yeswe kuyili, ni kuli iye yuma yeswe yakatuka, ha kuneha ana anji ku uhenya, chatamba kaputu ka ulamwino wo akamupwise mungunu ha kumona lamba.

Usolwelo 5:8

Mba muze te handa mukanda, akwa mwono awana ni makumi aali a makulwana ni makulwana awana afulamanyine kumeso ja mwe Mwana-panga, mweswe ni kalialia ni misenge ya oru ya tò ni insensu, yenayo yilemba ya asandu.

1 Samuel 12:3

Yami uno. Shindakenyenu ha kutwala kuli yami kumeso ja Yehova ni kumeso ja yono hanawayisa. Ngombe jaya natambula? Hanji chimbulu? ya mbongo, iya? Napinjisa iya? Kuli iya natambula chindo ngujike nacho meso jami? Ambenu nguchihilwise.

1 Samuel 13:14

Alioze haliapwila wanangana we kuuchi kulinduluka. Yehova halifupila mutu umwe malita ni mbunge yenyi. Yehova hamutongola akayule atu jenyi, mumu yena kwalingile chize Yehova wakwambile.

1 Samuel 15:1

Samuel yamba kuli Saulu ngwenyi, Yehova wangutumine kukuwayisa ni maji nikukupwisa mwanangana wa atu jenyi, A-Izalele. Kashika panjika kanawa liji lia Yehova.

1 Samuel 15:17

Samuel yamba ngwenyi, Chipwe yena mwene walimwene ngwe uli mukepe, hindu akupwishile mukwa lutwe wa minyachi ya Izalele. Yehova wakuwayishile mwanangana wa A-Izalele.

1 Samuel 16:1

Yehova yamba kuli Samuel ngwenyi, Ndo mwiji muka mukalishimwoka hali Saulu, se hinalitunaye, kechi kupwa mwanangana wa Izalele? Zalisa mbinga ye ni maji, yako, mungukutuma kuli Yese wa ku Mbeteleme, mumu hinalisela mwanangana hakachi ka anenyi a malunga.

1 Samuel 16:13

Samuel yanda mbinga ya maji yamuwayisa hakachi ka ayayo. Mba Spiritu ya Yehova yeza ni tachi hali David chize ku tangwa lize. Samuel yakatuka yaya ku Rama.

1 Samuel 2:10

Waze malitachika ni Yehova kumakamakwoka tuyipinji; malimika no nikukulunguza mwilu. Yehova makapatwila masongo a hashi. Makahana tachi kuli mwanangana wenyi; makazundula mbinga ya yoze hamuwayisa ni maji.

1 Samuel 24:6

Yamba kuli malunga jenyi ngwenyi, Yehova angukanjise kulinga chuma chino kuli mwata wami wa kuwayisa ni maji kuli Yehova, ngwolole kwoko liami kulimika nenyi, se Yehova hananuwayisa.

1 Samuel 26:11

Yehova angukanjise kusa kwoko liami lia kulimika ni yono Yehova hanamuwayisa ni maji. Alioze anda kunga lino lili ku mutwe wenyi, ni mulondo wa meya tuye.

1 Samuel 26:9

Alioze David yamba kuli Abishai ngwenyi, Kanda umwonwona, mumu iya mahasa kusamba nyi masa kwoko lienyi lia kulimika ni yoze Yehova hanamuwayisa?

1 Samuel 8:19

Hindu atu kasolo kupanjika ku liji lia Samuel. Yamba ngwo, Hi chocho ko. Tunazange mwanangana helu lietu,

1 Samuel 8:9

Kashika panjika ku liji lio, hindu muatoweza ni tachi nikwalweza chize mapwa mwe mwanangana yoze maayula.

1 Samuel 9:16

Hamene, ha ola yino, mungukutuma umwe lunga wa ku chifuchi cha Mbenjamine, ukamuwayise akapwe kasongo ka atu jami A-Izalele. Iye makalamwina atu jami ku moko ja A-Filistea, mumu hinatala atu jami se muteto wo hiwanguheta.

1 Samuel 9:27

Shimbu machipalika ku songo lia chihunda Samuel yamba kuli Saulu ngwenyi, Tuma ngamba ye apalike kulutwe, (iye yapalika kulutwe) alioze ena mana hano hene ngukwambulwile liji lia Zambi.