1 Samuel 1:8 - MUKANDA USANDU WA ZAMBI 1975

⁸ Mba lunga lienyi Elekana wambile kuli iye ngwenyi, Hana, yika unalilila? Kuchi te kwalile? Kuchi te uli ni chinyengo mu mbunge? Te yami chahianyine kumi lia ana a malunga kuli yena nyi?

Mukanda Wa Zambi 1970

⁸ Mba lunga lienyi Elkana te kakumuhulahula ngwenyi: “Hana yika unalilila? Kuchi kuusolo kulia? Mumu yika uli ni chinyengo matangwa eswe? Yami chahianyine kumi lia ana a malunga, nyi?”

1 Samuel 1:8 Iomraidhean Croise

1 MIANANGANA 8:12

Hazaele yamba ngwenyi, Mwene wami, yika nunalilila? Aye yakumbulula ngwenyi, Mumu ngunanyingika yuma yipi yena mulinga kuli A-Izalele. Kumukocha kahia mbonge jo; akweze jo kumukashiha ni katana; kumukapalwola ana jo akemba; kumukahangula tufumba two.

Jobe 6:14

Chatamba mutu kupwa ni utu kuli sepa lienyi yoze kanalezumuka; nyi ka kanambila woma wa Mukwa-Ndundo-Jeswe.

Miaso (Masamu) 43:4

Mba munguheta ku chilumbilo cha Zambi; kuli Zambi iye uwahililo wami Wahiana. Yena Zambi, Zambi yami, mungukwalakana ni kalialia.

Izaya 54:1

Imba, ena mumba kwasemene! Putuka mwaso ni kulikwiza, ena kwafumbajalile! Mumu ana ja mukwa kuyindama mahiana ana ja mukwa ulo. Chocho kanambe Yehova.

Izaya 54:6

Mumu Yehova hanakusanyika ngwe pwo lia ulo yoze hamwehuka, kanevu kupiha mu Spiritu yenyi; ngwe umwe pwo lia ulo kanuke ha kumumbila. Chocho kanambe Zambi ye.

Yoano 20:13

O yamba kuli iye ngwo, Pwo, kuchi te unalili? Iye yamba kuli ayo ngwenyi, Mumu hachiza Mwene wami, Chanyingikine kuze hamusa.

Yoano 20:15

Yesu yamba kuli iye ngwenyi, Pwo, kuchi te unalili? Iya unafupu? Iye se kanashinginyeka ngwenyi, Yono njimi, yamba kuli iye ngwenyi, Mwene, kachi wamumbatanga kumwe, ngwambulwile kuze wamusanga, mungumutwala kweka.

1 Tesalonika 5:14

Alioze tunaliumbu kuli yenu, mandumbu, nukakanyamise yilumbuke, sangulwisenu akwa ulenda ku mbunge, kolesenu akwa kulela, lihumikizenu ni eswe.

Rute 4:15

Kumakapwa kuli yena mukwa kuhuzulula mwono kanda mukwa kukuhoka mu ushinakaji we, mumu yono wamusema, iye tembwa-mwané, kanakuzange, kuli yena kahiana chipwe shimbiali a ana a malunga.

1 Samuel 1:7

Chocho chapwile mwaka ha mwaka, jila yeswe ayile ku zuwo lia Yehova iye wamwihile. Kashika Hana walilile, kasolo kulia.