1 Samuel 1:3 - MUKANDA USANDU WA ZAMBI 1975

³ Mwe lunga mwaka ha mwaka wakatukile ku chihunda chenyi nikuya mukuwayila Yehova-wa-Tujita nikumulambula yitapo ku Shilo kuze kwatwamine e ana aali a Eli, Hofni ni Finehase, asasendote ja Yehova.

Mukanda Wa Zambi 1970

³ Mwe Elkana te kakukatuka ku Rama mwaka ha mwaka ni kuwayila Mwene Zambi Mukwa Ndundo Jeswe ku limbo lia Shilo, ni kumulamba milambu. Kwenako te kwatwama ana ja Eli aali a malunga, Hofni ni Finehase mahako ja Mwene Zambi.

1 Samuel 1:3 Iomraidhean Croise

Miaso (Masamu) 78:60

Chocho wehukile tabernakulu ya Shilo; mbalaka yize asele hakachi ka atu.

Kutuhuka 23:14

Mwaka ha mwaka, yisuho yitatu, ukangulingile chiwanyino.

Kutuhuka 23:17

Malunga je eswe akasoloke kumeso ja Mwene Yehova mwaka ha mwaka, yisuho yitatu.

Kutuhuka 34:23

Mwaka ha mwaka, yisuho yitatu, malunga je eswe akasoloke kumeso ja Mwene Yehova, Zambi ya A-Izalele.

Luka 2:41

Yisemi jenyi apwile nikuyaya mwaka ha mwaka ku Yerusaleme ha chiwanyino cha Chizomboka.

Shimbi 16:16

Katatu ha mwaka, katatu ha mwaka, malunga jenu eswe akasoloke kumeso ja Yehova Zambi yenu kuze iye matongola; ku chiwanyino cha mbolo kuyishi futunwiso, ni ku chiwanyino cha masemana, ni ku chiwanyino cha yisakila. Kanda asoloka mokomoko kumeso ja Yehova.

Yoshua 18:1

Chikungulwila cheswe cha A-Izalele chakungulukile ku Shilo. Yamikako mbalaka ya chikungulwila. Chifuchi te chazeya kumeso jo.

Akwa Kuyula 18:31

Chocho ajikile kaponya wa kwola yoze Mika walingile shimbu lieswe zuwo lia Zambi liapwile ku Shilo.

Akwa Kuyula 21:19

Kashika yamba ngwo, Mwaka ha mwaka chiwanyino cha Yehova chiliko ku Shilo sali lia ku Norte lia Mbetele, alioze sali lia ku Chivumbuko lia tapalo lia kuchiza ku Mbetele ni kuya ku Shekeme, te ku Sule ya Lebona.

1 Samuel 1:21

Mwe lunga Elekana ni akwa zuwo lienyi eswe ayile kulambula kuli Yehova mulambu wa mwaka ha mwaka hamuwika ni chilakenyo chenyi.

1 Samuel 1:9

Mba muze halia, hanwa ku Shilo Hana wakatukile. Mwe sasendote Eli te kanatwama ha chitwamo ku chikuli cha chikolo cha tembele ya Yehova.

1 Samuel 14:3

Ni Ahija, mwana wa Ahitube, yayo ya Ikabode, mwana wa Finehase, mwana wa Eli sasendote ya Yehova mu Shilo iye kali ni efode. Chipwe atu kanyingikine ngwo, Jonatas haya.

1 Samuel 2:19

Chikwo nawa mwaka ha mwaka naye wamutongelele kachikuto nikumunehenako muze ayile hamwe ni mukwolunga mukulambula chitapo cha mwaka ha mwaka.

1 Samuel 2:34

Mba chino muchipwa chilayi kuli yena, chino muchipwa kuli ana je aali a malunga, hali Hofni ni Finehase ngwami, Tangwa limuwika makafwa eswe ni aali.

1 Samuel 3:13

Mumu hinamulweza, ngwami, Himungupatwila munyachi wenyi ndo ku miaka mumu ha uhenge uze iye wanyingikine, mumu te ana jenyi apwile nikushililika Zambi, alioze iye kaakanjishile.

1 Samuel 4:11

Ni mushete wa Zambi yautambula; ni ana aali a Eli, Hofni ni Finehase yafwa.

1 Samuel 4:4

Kashika atumine ku Shilo anehe mushete wa usendo wa Yehova-wa-Tujita yoze watwama hakachi ka akerupimi. Ana aali a Eli, Hofni ni Finehase apwileko hamwe ni mushete wa usendo wa Zambi.