1 Samuel 1:24 - MUKANDA USANDU WA ZAMBI 1975

²⁴ Mba muze hamusumuna wamutwalile, ni kuji a ngombe atatu, ni* efa yimuwika ya wunga, ni tuku yimuwika ya vinyu. Yamutwala ku zuwo lia Yehova ku Shilo, achili te mwana.

Mukanda Wa Zambi 1970

²⁴ Muze mwana hasumuka, naye yamutwala hamwe ni kuji a ngombe wa miaka yitatu, ni kilo kumi lia wunga, ni tuku yimuwika ya lambu ya vinyu. Yamutwala ku zuwo lia Mwene Zambi ku Shilo, te uchili mwana mukepe.

1 Samuel 1:24 Iomraidhean Croise

Ubutukilo 21:8

Mba mwana watatukile, yamusumuna. Apalahama yalinga chiteleka chinene ha tangwa lize asumwine Izake.

1 Yitanga Ya Mianangana 11:20

Mwanakwo wa Tapene yasema Ngenubate mwana wa lunga mba mwe Tapene yamusumwina mu zuwo lia Falau. Ngenubate wapwile mu zuwo lia Falau hakachi ka ana ja Falau.

Mateu 13:33

Waatelele chishima chikwo ngwenyi, Wanangana wa malilu kuunapu ngwe futunwiso, yize anjile pwo, aswekele mu njongo jitatu ja wunga, ndo wafutunukine weswe lukombo.

Shimbi 12:11

kuze Yehova Zambi yenu makatongola kusa jina lienyi, nukaheteseko yeswe ngunanwambeyo; milambu yenu ya kulumba, ni yitapo yenu, ni yihanda yenu ya ku kumi, ni milambu ya kuzundula ni moko jenu, ni yilakenyo yenu yeswe yilemu munulakenya kuli Yehova.

Shimbi 16:16

Katatu ha mwaka, katatu ha mwaka, malunga jenu eswe akasoloke kumeso ja Yehova Zambi yenu kuze iye matongola; ku chiwanyino cha mbolo kuyishi futunwiso, ni ku chiwanyino cha masemana, ni ku chiwanyino cha yisakila. Kanda asoloka mokomoko kumeso ja Yehova.

Yoshua 18:1

Chikungulwila cheswe cha A-Izalele chakungulukile ku Shilo. Yamikako mbalaka ya chikungulwila. Chifuchi te chazeya kumeso jo.