1 Samuel 1:23 - MUKANDA USANDU WA ZAMBI 1975

²³ Elekana yamba ngwenyi, Linga cheswacho chakupemena. Twama ndo hiwamusumuna. Chino wika, Yehova akakolese liji lienyi. Chocho mwe pwo Watwamine nikwamwisa mwanenyi ndo hamusumuna.

Mukanda Wa Zambi 1970

²³ Elkana ngwenyi: “Linga cheswacho chinakubemena. Twama ndoo muze mwana hasumuka. Mwene Zambi akakolese kama liji lienyi.” Mba Hana yatwama ni kwanwisa mwana.

1 Samuel 1:23 Iomraidhean Croise

2 Samuel 7:25

Kashika Yehova Zambi, liji lino hiwahanjika ha kutwala kuli kavumbi ke ni munyachi wenyi ulikolese likapwe lia mutolo ukalinge chino hiwamba.

1 Yitanga Ya Mianangana 3:21

Ha kuhinduka chimene ngukamwise mwanami, kumanyi hanafu. Alioze muze hinachizewula ha chimene ngwami, Hi mwanami ko, yoze nasemene.

Miaso (Masamu) 22:9

Alioze yena wanguchijile mu jimo. Wakolesele ufulielo wami shimbu te nguchili ku mele ja mama.

Izaya 44:26

kakukolesa liji lia kavumbi kenyi, kakulinga longeso lia mikeji jenyi; kakwamba ha kutwala ku Yerusaleme ngwenyi, Atu matwamamo; kakwamba ha kutwala ku yihunda ya Yunda ngwenyi, Kumuyikatungiwa; mungutungulula yize yapuzuka.

Kwalula 30:12

Alioze nyi mukwo-lunga hayijilula liakulu ha lie tangwa iye wayivwile, mba yeswayo yatuhukile ku kanwa lienyi ha kutwala ku yilakenyo yenyi, chipwe ha kutwala ku chijilika cha mbunge yenyi kuyichi kakola, ka; mukwo-lunga te ha nayijilula. Yehova kumakamukonekena.

Mateu 24:19

Alioze lamba kuli waze mapwa ni ufumba, ni waze mamwisa ana ha matangwa aze!

Luka 11:27

Shimbu machihanjika yino yuma, umwe pwo wa ku mbunga wakalumiokene, ngwenyi, Kuliawaha jimo lize liakusemene ni mele aze waamwine.

1 Samuel 1:17

Mba Eli yamukumbulula ngwenyi, Uye kanawa, mwe Zambi ya Izalele akwehe chize wamwita.

1 Samuel 14:36

Saulu yamba ngwenyi, Tukaulenu A-Filistea ha ufuku tukaapupe ndo ku kucha cha tangwa, kanda tuahichika chipwe mutu umuwika. O yamba ngwo, Lingenu cheswacho chanupemena. Sasendote yamba ngwenyi, Tukundamenu kuli Zambi.

1 Samuel 14:40

Yamba kuli A-Izalele eswe ngwenyi, Enu manenu sali limwe, ni yami ni mwanami Jonatas mutumana sali likwo. Atu yamba kuli Saulu ngwo, Lingenu chize chanupemena.