1 Samuel 1:20 - MUKANDA USANDU WA ZAMBI 1975

²⁰ Chocho ha mwaka wacho wakile ufumba, yasema mwana wa lunga, yamuluka jina lienyi Samuel mumu, ngwenyi, Namwichile kuli Yehova.

Mukanda Wa Zambi 1970

²⁰ Chenacho Hana amichine ufumba, yasema mwana wa lunga. Yamuluka jina Samuel, mumu ngwenyi: “Namwichile kuli Mwene Zambi.”

1 Samuel 1:20 Iomraidhean Croise

Ubutukilo 16:11

Mungelo wa Yehova yamba kuli iye nawa ngwenyi, Tala ufumba uli nawo. Kumukasema mwana wa lunga, ukamuluke jina lienyi, Ishemali, mumu Yehova hapanjika ku luyinda we.

Ubutukilo 30:22

Mba Zambi yewuluka Rakele. Zambi yamupanjika, yamwaha kusema.

Ubutukilo 4:25

Mba Alama yalimona nawa ni mukwo-pwo yasema mwana wa lunga, yamuluka jina ngwenyi, Sete. Mumu yamba ngwenyi, Zambi hangusela munyachi ukwo kusalakana Abele, mumu Kene yamushiha.

Ubutukilo 5:29

Yamuluka jina ngwenyi, Noe, mumu ngwenyi, Yono kumakatuwahisa ha milimo yetu ni kukilikita cha moko jetu mumu ha mavu aze Zambi washingile.

1 Sango Ja Mianangana 4:10

Jabeze yatambika ha jina lia Zambi ya Izalele ngwenyi, Nguwahisenu pundu ni kutohesa njiza yami. Kwoko lie likapwe hamwe ni yami ungufunge ku yipi; kanda yinguvwisa chinyengo. Mba Zambi walingile chize wechile.

Miaso (Masamu) 120:1

Mu luyinda wami natetele kuli Yehova, iye wangukumbulwile.

Kutuhuka 2:10

Mwe mwana watatukile mba yamutwala kuli mwana wa Falau. Iye yamupwisa mwanenyi wa lunga. Yamuluka jina ngwo, Mose, mumu ngwenyi, Namuzambwile mu meya.

Kutuhuka 2:22

Iye wasemene mwana-lunga, yamuluka jina ngwenyi, Ngeshome, mumu te ngwenyi, Ami kunapwa njize mu chifuchi cha mbala.

Mateu 1:21

Kumakasema mwana-lunga, ukamuluke jina ngwe, Yesu; mumu iye kumakalamwina atu jenyi ku milonga yo.

Hebreu 11:32

Mba kuchi mungwamba nawa? Mumu mwaka muunguhwila, kachi mungwambulula ha kutwala kuli Ngideone, ni Mbarake, ni Samasone, ni Jefeta, ni David, ni Samuele, ni aprofeta: