1 Samuel 1:16 - MUKANDA USANDU WA ZAMBI 1975

¹⁶ Kanda ungumona ngwe nguli mwana wamokomoko. Mumu ha kulumbama cha chinyengo chami nikungwihia hingunahanjika ndo haliapwila.

Mukanda Wa Zambi 1970

¹⁶ Kanda ungunyonga ngwe nguli pwo wamokomoko. Ngunalembe mumu ha chinyengo chami.”

1 Samuel 1:16 Iomraidhean Croise

Miaso (Masamu) 55:2

Ungwivwe kama, ungukumbulule. Ngunapinji ni chikuma chami nikutwa mikuma.

Shimbi 13:13

Malunga amwe amokomoko hatuhuka mukachi kenu, hakondolola akwa limbo lio ngwo, Tatuyenu, tuvumbike tuzambi tweka, kunwatunyingikine,

Shimbi 13:14

Henaho nuhule, nuhengule, nusunge kanawa, kumanyi, nyi chamwenemwene, cha pundu ngwo, Ungulungulu upwa hoho anaulingi mukachi kenu,

1 Samuel 1:15

Hana yakumbulula ngwenyi, Ka mwata. Nguli pwo wa chinyengo. Chanwine vinyu, chipwe kunwa chikwo chisasu, alioze hinazukwila mbunge yami kumeso ja Yehova.

1 Samuel 1:17

Mba Eli yamukumbulula ngwenyi, Uye kanawa, mwe Zambi ya Izalele akwehe chize wamwita.

1 Samuel 10:27

Alioze amwe atu amokomoko yamba ngwo, Yono kuchi mahasa kutulamwina? Yamulelesa, kamunehenene mulambu, alioze iye kachisele mbunge.

1 Samuel 2:12

Ana ja Eli o apwile atu amokomoko. Kanyingikine Yehova.

1 Samuel 25:25

Mwene wami kanda nunyonga yono mukwa kupiya Nabale. Nikulita ni jina lienyi chocho apwa. Jina lienyi Nabale mba uhepuke kali nawo. Alioze yami kavumbi kenu chamwene akweze ja mwene wami aze nwatumanga.