1 Samuel 1:15 - MUKANDA USANDU WA ZAMBI 1975

¹⁵ Hana yakumbulula ngwenyi, Ka mwata. Nguli pwo wa chinyengo. Chanwine vinyu, chipwe kunwa chikwo chisasu, alioze hinazukwila mbunge yami kumeso ja Yehova.

Mukanda Wa Zambi 1970

¹⁵ Hana ngwenyi: “Ka mwata, chazengewele. Nguli mukwa chinyengo. Chanwine vinyu, alioze ngunakunjika mbunge yami kuli Mwene Zambi.

1 Samuel 1:15 Iomraidhean Croise

Jobe 30:16

Haliapwila mwono wami hiunamwangana muchima liami; matangwa a luyinda hanangukwata.

Miaso (Masamu) 143:6

Nakuzoza moko jami kuli yena. Mbunge yami yinakuvwila usona ngwe pwila mu chifuchi chumu chau.(Litulike.)

Miaso (Masamu) 42:4

Yuma yino nakuyiwuluka nikutehuna mbunge yami muchima liami, chize nayile ni mbunga nikwatetekela ku zuwo lia Zambi ni liji lia uwahililo ni uhaliso; te chendo cha atu analingi chiwanyino.

Miaso (Masamu) 62:8

Enu atu, fulielenu iye miaka yeswe. Zukwilenu mbunge jenu kumeso jenyi. Zambi iye uchinyino wetu.(Litulike.)

Miaso (Masamu) 62:9

Chamwenemwene atu aze keshi ulemu apwa amokomoko; atu alemu o apwa mahuza. Kwasa mu pezu mazunduka; eswe hamuwika anahuhuka; ni mwiku shinaho.

Yishima 14:10

Mbunge kuyinanyingika kusasaminya chayo yene; chilambala kechi kuhasa kunyingika kuwaha chamo.

Yishima 15:1

Kumbululo ha vumbi kuliakuchinda ufwatulo; ahoze liji lisasu kuliakusangumuna utenu.

Yishima 25:15

Ha kulihumikiza chinji kakukununa mukwa kuyula; limi liovu kuliakumakuna yifwaha.

Lungungu 2:19

Katuka, teta ha ufuku ha kuputuka tulayi! Zukula mbunge ye ngwe meya kumeso ja Mwene! Zundula moko je kuli iye ha mukunda wa ana je waze analezumuka ni zala ku songo lia tapalo lieswe.

1 Samuel 1:16

Kanda ungumona ngwe nguli mwana wamokomoko. Mumu ha kulumbama cha chinyengo chami nikungwihia hingunahanjika ndo haliapwila.

1 Samuel 7:6

O yakungulukila ku Mizepa. Yataha meya; yaazujila hashi kumeso ja Yehova nikulitwamina kulia tangwa lize, nikwambako ngwo, Hitwavulumuna Yehova. Samuel wayulile A-Izalele ku Mizepa.