1 Samuel 1:10 - MUKANDA USANDU WA ZAMBI 1975

¹⁰ Mwe pwo te kanalifwichi nikulemba kuli Yehova nikulila chikolo.

1 Samuel 1:10 Iomraidhean Croise

Ubutukilo 30:1

Muze Rakele yamona kasemene ana kuli Yakomba yavwila ukwa yayo. Yamba kuli Yakomba ngwenyi, Ungwehe mwana, nyi ka, mungufwa.

Ubutukilo 50:10

Chocho yaheta ku chizungwilo cha Atate sali lize lia Yordau. Kwenako alilile mbimbi nikulishimwoka kuhiana. Walilile tato matangwa shimbiali.

2 Samuel 13:36

Muze hamba chocho ana a malunga a mwanangana yeza; yakalumioka nikulila mbimbi. Mba mwanangana nawa ni ngamba jenyi eswe yalila chikolo.

2 Samuel 17:8

Hushai yaweza ngwenyi, Nunanyingika tatenu ni malunga jenyi, eswe malunga a ndundo. Chikwo nawa wuli ali nawo ngwe ursu wa mu yambu yoze hamwiya ana jenyi. Ni tatenu iye kajita mukulu, kechi kupomba hamuwika ni e atu.

1 MIANANGANA 20:3

Ngunalembe, Yehova, iwuluka kama chize hinenda kumeso je ni umwenemwene ni mbunge yingunu, nikulinga chipema kumeso je. Mba Hezekia yalila chikolo.

Jobe 10:1

Mwono wami wangupihila; mungutuwa chikuma chami; munguhanjika ni usasu wa mbunge yami.

Jobe 7:11

Kashika chichi kuholesa kanwa liami; munguhanjika mu kupinda cha Spiritu yami, mungunenganyana ha kusasaminya cha mbunge yami.

Jobe 9:18

Keshi kungwecha ngukahwime; kakunguzalisa ni usasu.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Miaso (Masamu) 91:15

Kumakangusanyika mba mungumukumbulula. Mungupwa hamwe nenyi mu lamba; mungumupulula; mungumukolesa.

Yishima 14:10

Mbunge kuyinanyingika kusasaminya chayo yene; chilambala kechi kuhasa kunyingika kuwaha chamo.

Izaya 38:15

Alioze yika mungwamba? Mumu iye mwene hahanjika ni yami, iye mwene hachilinga. Tulo hanguchina mumu ha kusasaminya cha mbunge yami.

Izaya 54:6

Mumu Yehova hanakusanyika ngwe pwo lia ulo yoze hamwehuka, kanevu kupiha mu Spiritu yenyi; ngwe umwe pwo lia ulo kanuke ha kumumbila. Chocho kanambe Zambi ye.

Jeremia 13:17

Alioze nyi kunuchi kwivwa, mbunge yami ku tenga muyililila kulengumuka chenu. Meso jami kumakahia chikolo nikulila masoji, mumu mbunga ya mapanga a Yehova hanakwachika mu ufunge.

Jeremia 22:10

Kanda nulilila yoze hanafu chipwe kumutwila mikuma; alioze lilenu masoji asasu hali yoze unayi, mumu kechi kahiluka nawa kumona chifuchi asemukinyine.

Lungungu 3:15

Hanguzalisa ni usasu hangukuchisa ni musase.

Luka 22:44

Iye nikupinda, walembele ni mbunge yeswe kuhiana, ni matukuta jenyi apwile ngwe masoto anene a manyinga anasotwoka hashi.

Hebreu 5:7

Mwenawo ha matangwa ja musunya wenyi hashi, se walambwile yilemba ni kuliumba hamwe ni kuteta cha ngolo ni masoji kuli yoze te wahasa kumulamwina ku kufwa; apanjikile kuli iye mumu ha uwayilo wenyi.

Akwa Kuyula 21:2

Mba e atu yeza ku Mbetele, yatwamako nikulila mbimbi ndo ngoloshi kumeso ja Zambi ngwo,

Rute 1:20

Iye yamba kuli ayo ngwenyi, Kanda nunguvuluka ngwenu, Noemi, ambenu ngwenu, Mara, mumu mwe Mukwa-Ndundo-Jeswe hangulinga yuma yisasu chikolo.

1 Samuel 1:11

Yalakenya chilakenyo ngwenyi, Yehova-wa-Tujita nyi chamwenemwene mutala luyinda wa yami kavumbi ke, uka-ngwiwuluke, kanda unguvulama yami kavumbi ke alioze ukangwehe mwana wa lunga, mungumuhana kuli Yehova ha matangwa eswe a mwono wenyi, kechi kasa tewula ku mutwe wenyi.

1 Samuel 1:9

Mba muze halia, hanwa ku Shilo Hana wakatukile. Mwe sasendote Eli te kanatwama ha chitwamo ku chikuli cha chikolo cha tembele ya Yehova.