1 Korintu 8:4 - MUKANDA USANDU WA ZAMBI 1975

⁴ Kashika ha kutwala ku kulia cha yuma yize hanayitambula yitapo ku mahamba, tunanyingika hamba hi chimwe ko hano hashi, ni Zambi mukwo wakuhi niumwe, shina umuwika.

Mukanda Wa Zambi 1970

⁴ Kashika, hakutwala ku yifwo yize mavungu akwo akulambula ku mahamba, tunanyingika ngwetu, hamba hi Chuma chamwenemwene ko. Zambi kali umuwika lume.

1 Korintu 8:4 Iomraidhean Croise

Miaso (Masamu) 86:10

Mumu yena uli munene; kuwakulinga yikomokeso. Yena wika uli Zambi.

Izaya 37:16

Yehova-wa-Tujita, Zambi ya Izalele, kuwatwama hali akerupimi, ena uli Zambi, yena wika, wa mawanangana eswe a hashi. Uli Tangi ya mwilu ni hashi.

Izaya 37:20

Kashika Yehova Zambi yetu, utulamwine yena ku moko jenyi, hanga mawanangana eswe a hashi akanyingike, yena ukawe uli Yehova.

Izaya 41:24

Kumanyi nuli amokomoko, kunwalingile nichimwe, ni yoze manutongola iye mukwa kuzelwokesa.

Izaya 44:24

Yehova, Mukwa-Kukukula, yoze wakuwumbile chize mu jimo, kanambe ngwenyi, Yami nguli Yehova, Tangi ya yuma yeswe, mukwa kuzazulula malilu ukawami, mukwa kuzazulula hashi—te iya napwile nenyi?

Izaya 44:6

Yehova, Mwanangana wa Izalele, Mukwa-Kukula, Yehova-wa-Tujita kanambe ngwenyi, Yami mutangu ni yami kasula-songo; kukushi zambi niumwe shina yami mwene.

Izaya 45:14

Yehova kanambe ngwenyi, Upite wa Engitu ni yuma ya kutalika ya A-Etiopia, ni A-Shipa, malunga anene, muyikeza kuli yenu, muyikapwa niyenu. Makanukaula. Makeza mu malenge nikuhetamina hashi kuli yenu. Kumakalemba kuli yenu ngwo, Zambi kakutwama ni yenu wika, ni kukushi mukwo, niumwe zambi shina iye mwene.

Izaya 45:5

Yami nguli Yehova, mba kukushi mukwo, kukushi Zambi mukwo shina yami mwene. Chipwe kwangunyingikine ngunakuse muya,

Jeremia 10:10

Alioze Yehova iye Zambi wamwenemwene, iye Zambi ya mwono ni mwanangana wa mutolo. Ha kutenuka chenyi hashi hakunyika. Ha ufwatulo wenyi mavungu kahashile kujikiza.

Jeremia 10:14

Mutu mweswe kapwa chelo, keshi mana; fuli-oru mweswe mamukolesa sonyi ku mahamba jenyi. Mumu tuponya twenyi a kwonga, mwiku wakuhi muli ayo.

Marku 12:29

Yesu wamukumbulwile ngwenyi, Lie liji litangu ngwo, Ivwenu, yenu A-Izalele; Mwene Zambi yetu iye umuwika:

Yilinga 14:15

Malunga, kuchi te nunalingi yino yuma? Yetu tuli atu chimuwika ngwe yenu, tunanwambulwila sango lipema, ngwetu, Chanutamba kwehuka yuma yino ya kuseka, nukatewulukile kuli Zambi ya mwono, yoze watangile lilu ni hashi ni kalunga-lwiji, ni yuma yize yeswe yilimo:

Yilinga 15:20

alioze tutume mukanda kuli ayo akasúle ku luchisa wa mahamba, ni ku utanji, ni kuli tushitu a kuhonda, ni ku manyinga.

Yilinga 19:26

Mba nunamono, nunevu ngwe hi ku Efwesu wika ko, alioze ndusu mu Eshia mweswe, chikepe chinasala, yono Paulu hanakununa nikukondolola mbunga yinene ngwenyi, Hi mazambi ko aze akutengewa ku moko ja atu.

1 Korintu 8:1

Achi, ha kutwala ku yuma yize hanayilamtula yitapo ku mahamba: tunanyingika yetu eswe yinyingi tuli nayo. Yinyingi kuyakufuza, alioze zango kuliakukolesa.

1 Korintu 8:10

Mumu kachi umwe makumona, yena uli ni yinyingi, unatwama nikulia mu tembele ya hamba, mbunge yenyi, kachi mapwa mulelu, muyalumuka kulia yuma yize hanayitambula ku mahamba, nyi?

1 Korintu 8:11

Mumu ku yinyingi ye yoze mulelu malumbuka, ndumbu yoze Kristu wamufwilile.

Galashia 4:8

Alioze ha miaka yize se kunwanyingikine Zambi, nwapwile mu undungo kuli waze ku chisemewa hi mazambi ko.

Efesu 4:6

Zambi umuwika, Tato ya eswe, yoze uli helu lia eswe, ni kuli eswe, ni muli yetu eswe.

Shimbi 3:24

Mwene Yehova, hinwaputuka kulweza unene wenu, ni kwoko lienu lia tachi kuli yami kavumbi kenu; mumu kazambi kaka, hanji mwilu, hanji hashi kanahase kulinga nikulita ni yitanga yenu, nikulita ni yilinga yenu ya ngolo?

Shimbi 32:39

Haliapwila talenu. Ngwami, Yami, yami mwene nguliko. Kukushi niumwe zambi hamwe ni yami. Nakushiha mba nakuhana mwono, nakulemeka mba nakuwuka. Kukushi niumwe mahasa kupulula mutu ku kwoko liami.

Shimbi 4:35

Anulwezelecho yenu, hanga nunyingike ngwenu, Yehova iye Zambi. Wakuhi weka shina iye wika.

Shimbi 4:39

Kashika, nyingikenu musono, nuchipachikile mu mbunge jenu, ngwami, Yehova iye Zambi mwilu ni hashi. Wakuhi weka niumwe.

Shimbi 6:4

Enu A-Izalele, ivwenu, Yehova Zambi yetu iye Yehova umuwika.

1 Timoteu 1:17

Haliapwila kuli Mwanangana wa mutolo, keshi kuhasa kupola, keshi kumoneka, mwe Zambi umuwika, ulemu ni uhenya ukapwe ndo ku miaka yeswe ya mutolo. Amene.

1 Timoteu 2:5

Mumu kwali Zambi umuwika, ni chitakanyishi umuwika hakachi ka Zambi ni atu, iye mwe mutu Kristu Yesu,

Yuda 1:25

Kuli Zambi umuwika, Chilamwina chetu, mu jina lia Yesu Kristu Mwene wetu, uhenya, ni ulamba, ni ndundo, ni yiyulo, yikapwe kushi ku miaka ya mutolo, ni haliapwila, ni ndo ku miaka ya mutolo. Amene.