1 Korintu 8:3 - MUKANDA USANDU WA ZAMBI 1975

³ alioze kachi umwe mazanga Zambi, iye kanamunyingika kuli Zambi.

Mukanda Wa Zambi 1970

³ Alioze yoze wakuzanga Zambi, Zambi neye kakumunyingika.

1 Korintu 8:3 Iomraidhean Croise

1 Yitanga Ya Mianangana 3:3

Solomone wazangile Yehova. Wendele mu yiyulo ya tato David. Chino wika washihile yitapo ha manangamo ni kwochelaho insensu.

Miaso (Masamu) 1:6

Mumu Yehova kananyingika jila ya mukwa ululi, alioze jila ya chingulungulu muyikatoka.

Miaso (Masamu) 17:3

Hiuneseka mbunge yami. Hiunahete kuli yami ha ufuku. Hiunangweseka hindu kwawanyine nichimwe. Hinalisela ngwami, Kanwa liami kulichi kuvulumuna.

Kutuhuka 33:12

Mose yamba kuli Yehova ngwenyi, Yena unambe kuli yami ngwe, Kandwisa wano atu, alioze kwangulwezele yoze mutuma ni yami. Hindu hiwamba ngwe, Ngunakunyingika ni jina lie, hiwawana nawa vumbi kumeso jami.

Kutuhuka 33:17

Yehova yamba kuli Mose ngwenyi, Mungulinga nawa chino hiwamba mumu hiwawana vumbi kumeso jami. Ngunakunyingika ku jina lie.

Jeremia 1:5

Shimbu kanda nguchikuwumba mu jimo nakunyingikine; shimbu kanda uchisemuka nakutumbikilile; nakuselele ukapwe profeta ku mavungu.

Amose 3:2

Hakachi ka minyachi yeswe ya hashi yenu wika hinanunyingika, kashika mungukanwaha kastigu mumu ha uhenge wenu weswe.

Nahume 1:7

Yehova iye mupema; ha tangwa lia lamba kapwa ngwe chihunda cha kukolesa; kananyingika waze akuswamina muli iye.

Mateu 7:23

Hohene mungukaakumbulula ngwami, Chanunyingikine nilimwe tangwa: katukenu kuli yami, yenu, nwakulinga uhulia.

Yoano 10:14

Mwe kafunga mupema yami, ngunanyingika waze niami, ni waze niami kanangunyingika,

Yoano 21:17

Yamba kuli iye chisuho chamuchitatu ngwenyi, Semone, mwana Yona, unangufwila, nyi? Petulu wevwile chinyengo mumu wambile kuli iye chisuho chamuchitatu ngwenyi, Unangufwila, nyi? Yamba kuli iye ngwenyi, Mwene, yena unanyingika yuma yeswe; yena unanyingika ngunakufwila. Yesu yamba kuli iye ngwenyi, Lisa mapanga jami.

A-ROMA 11:2

Zambi kambilileko atu jenyi, waze waanyingikine Shimbu-kanda. Shina kunwanyingikine chize chisoneko chinambe hali Eliya, nyi? Ngwe chize aliumbile kuli Zambi kulimika ni A-Izalele ngwenyi,

1 Korintu 13:12

Mumu haliapwila twakumona mu katalilo ngwe chijimbikilo; alioze ha tangwa lize meso ni meso; haliapwila ngunanyingika ha chihanda; alioze ha tangwa lize mungukanyingika liakulu, chizechene ngwe nawa hanangunyingika liakulu.

1 Korintu 2:9

Alioze nikulita ngwe chinasonewa ngwo, Yuma yize meso kayimwene, ni matwi kayivwile, kuyanjilile mu mbunge ya mutu, yuma yize hanalulika Zambi hali waze akumuzanga.

Galashia 4:9

Alioze haliapwila se nunanyingika Zambi, hanji Shinaho Zambi kananunyingika, ngwe kuchi nunatewulukila cheka nawa ku yikuma yamokomoko ya ulelu ni ya uswale, nukalitenge ndungo jayo nawa, nyi?

2 Timoteu 2:19

Hindu fundamentu yingunu ya Zambi kuyakola, yikwete Chijikilo chino ngwo, Mwene kananyingika ninyenyi; chikwo ngwo, Mweswe mavuloka jina lia Mwene akakatuke ku uhenge.

Tiangu (Jake) 1:12

Kawaha mutu yoze manyongonona mu cheseko; mumu muze hamusela Shindakenyo yipema, makatambula chipangula cha mwono, chize Mwene hanalakenya kuli waze akumuzanga.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?

1 Petulu 1:8

yoze chipwe kunwamumwene, hindu nwakumuzanga; chipwe haliapwila kunushi kumumona, hindu se nunamufuliela, nwakulikwiza ni uwahililo uze keshi kuhasa kuuhanjika, wa tò ni uhenya.

1 Yoano 4:19

Yetu twakuzanga, mumu iye waliangile kutuzanga.

1 Yoano 4:7

Akwetu a zango, tulizangenu umwe ni mukwo ni mukwo: mumu zango lia kuli Zambi; ni mweswe mukwa kuzanga kanasemewa kuli Zambi, kananyingika Zambi.

Usolwelo 2:13

Ngunanyingika kuze yena watwama, kuze ngunja ya Satana yili; ni yena wakulalaminya ku jina liami, kwalikalile Ufulielo wami, chipwe ha matangwa ja Andipa, chela chami wa jika, yoze amushihile hakachi kenu, kuze atwama Satana.

Usolwelo 2:19

Ngunanyingika yitanga ye, ni zango, ni Ufulielo, ni uvumbiko, ni kunyongonona, ni yitanga ye ya kusula yahiana yitangu.

Usolwelo 2:9

Ngunanyingika luyinda we, ni uswale we; (alioze yena uli pichi); ni kutuka cha waze akwamba ngwo, Yetu tuli A-Yunda, aiioze hi A-Yunda ko, aiioze kapwa sunangonga ya Satana.