1 Korintu 7:9 - MUKANDA USANDU WA ZAMBI 1975

⁹ Alioze kachi kahashile kusúla, kachi akambate, mumu chipema kumbata, hi kusasaminya ko.

Mukanda Wa Zambi 1970

⁹ Alioze, nyi kunwahashile kulihumikiza, limbatenu kwenu, mumu chinalite kumbata, hi chibema ko kubwa ni mbunge yinasasaminya ha kulinga utanji.

1 Korintu 7:9 Iomraidhean Croise

Yilinga 19:36

Yino yuma kashika se niumwe mahasa kulikalayo, Chanutamba kutuluka, kanda nulipupula.

1 Korintu 7:2

Alioze mumu ha utanji ngwami, Mutu ni mutu akapwe ni pwo lienyi mwene, ni pwo ni pwo akapwe ni lunga lienyi mwene.

1 Korintu 7:28

Alioze kachi mumbata kachi kwavulumwineko; kachi mwana-pwo yoze kanda amumbata, maya ulo kachi kavulumwineko. Hindu waze ngwe wano kumakapwa ni luyinda ha mwono uno: alioze keke ngunanuvwila.

1 Korintu 7:36

Alioze kachi umwe nushinginyeka ngwe kalingile kanawa ni mwanenyi wa *virgem, kachi mahiana kukula cha miaka yenyi, kachi chatamba kupwa, akalinge chize mapala, keshi kuvulumuna, akamumbate.

1 Korintu 7:39

Pwo makashiwa ni shimbi ha shimbu lize lieswe mukwo-lunga mapwa ni mwono, alioze kachi mukwo-lunga mafwa kachi makatusuka akaye ulo kuli mweswe mamuzanga; alioze muli mwe Mwene wika.

1 Tesalonika 4:4

Mweswe wa kuli yenu akanyingike kufunga sapa yenyi mwene ni usandu ni ulemu.

1 Timoteu 5:11

Alioze kanda usoneka twamishi a mapwo ni miaka yikepe: mumu muze masulumioka kuli Kristu mazanga kuya ulo;

1 Timoteu 5:14

Kashika ngunazange twamishi a mapwo ni miaka yikepe akaye ulo, akaseme ana, akayule yuma ya mu zuwo, kanda akahana unjililo kuli mukwa kulimika akatúke.