1 Korintu 7:5 - MUKANDA USANDU WA ZAMBI 1975

⁵ Kanda nulilaka umwe ni mukwo, shina muchipwa ha kulitesa ha shimbu limwe, hanga nulitumbikile ku kulemba, hanga nukapwe hamuwika cheka nawa, hanga Satana kechi kanweseka mumu ha ulelu wenu wa kuyula mijimba yenu.

Mukanda Wa Zambi 1970

⁵ Yena pwo chibwe lunga, kanda nuhandununa mihela, shina muze hinwalitesa kulemba kuli Zambi ha shimbu limwe likepe. Alioze kulutwe bwenu nawa hamuwika. Nyi ka, tangwa likwo kunuchi kuhasa kuliyula, munulimbuka mu yeseko ya Sakwonga.

1 Korintu 7:5 Iomraidhean Croise

Kutuhuka 19:15

Iye yamba kuli e atu ngwenyi, Lilulikenu tangwa liamuchitatu. Kanda nukundama kuli mapwo.

Joele 2:16

Kungululenu e atu; Selenu chikungulwila ku usandu; kungululenu makulwana; kungululenu ana, hamwe ni akwa kwamwa. Sandungi akatuke ku chipatulo chenyi, ni ndungi akatuke ku zuwo lienyi.

Mateu 19:11

Alioze wambile kuli ayo ngwenyi, Eswe kahashile kutambula liji lino, ndo waze aahelelio.

1 Tesalonika 3:5

Ha chikuma chino ni yami nawa se Chahashile kulihumikiza nawa, natumine hanga ngukanyingike Ufulielo wenu, kuchina hanji mukwa kuzeza hanweseka kulu, kukilikita chetu chikapwe chamokomoko.

Mateu 4:10

Hohene Yesu yamba kuli iye ngwenyi, Sosolokako Satana: mumu chinasonewa ngwo, Ukawayile Mwene Zambi ye, iye wika ukamulingile.

Zakaria 7:3

akahule asasendote a zuwo Iia Yehova-wa-Tujita ni aprofeta ngwenyi, Changutamba kulinyenga ni kulitwamina kulia ha kakweji wamuchitano chizechene ngwe nakulinga miaka yino yinji nyi ka?

Kutuhuka 21:10

Nyi mambata mukwo, kanda akakehesa kulia chenyi, chipwe mahina jenyi, chipwe ndako ya ulo wenyi.

1 Korintu 7:4

Pwo keshi chiyulo ha mujimba wenyi mwene, alioze mukwo-lunga: chizechene lunga keshi chiyulo ha mujimba wenyi mwene, alioze mukwo-pwo.

Mateu 17:21

Alioze mulali uno kuushi kutuhuka shina ha kulemba ni ha kulitwamina kulia.