1 Korintu 6:3 - MUKANDA USANDU WA ZAMBI 1975

³ Kunwanyingikine mutukapatwila angelo? Shinaho chikolo yuma ya kutwala ku mwono uno?

Mukanda Wa Zambi 1970

³ Hanji kunwanyingikine ngwenu, mutukabatwila tunganda a mwilu, nyi? Mba nyi chinabu chocho, kuchi kutwahashile kubatula milonga ya mwono uno?

1 Korintu 6:3 Iomraidhean Croise

Miaso (Masamu) 17:14

Ngulamwine kuli atu, yena Yehova, ni kwoko lie kuli atu a hano hashi, waze ali ni chihanda cho mu mwono uno. Wakukuchisa majimo jo ni yuma ye yipema ya kusweka. Hanayuku ni ana, kakuhichika upite wo kuli ana jo.

Daniel 7:22

ndo ku kwiza cha mwe Mukulu-wa-Matangwa, muze ahanyine chiyulo kuli asandu ja mwe Chitunda, mwaka hiwaheta muze asandu matambula wanangana.

Mateu 25:41

Hohene makamba nawa kuli waze ali ku chimeso ngwenyi, Katukenu kuli yami, yenu kunwashingiwa, nuye ku kahia ka mutolo kaze alulikile hali Ndiapu ni angelo jenyi.

Luka 21:34

Alioze keyelenu kuli yenwene kuchina hanji mbunge jenu mujilema ni upulutu, ni kuzengewa, ni yipikalo ya mwono uno, ni tangwa lize mulitulumuka hali yenu ngwe muheto susumuku hiliasoloka.

Luka 8:14

Yize yaholokelele hakachi ka mingonga, waze hanevu ni shimbu maya mu jila yo, makeketela ni yipikalo ni upite ni kuwaha cha mwono uno, keshi kwima mbuto ku ungunu.

A-ROMA 6:16

Kunwanyingikine, nyi? Yoze kuli iye munulitumbikila ndungo mukumwononokena, nuli ndungo ja yoze munumwononokena; chipwe ja shili ya kutwala ku kufwa, hanji ja kwononoka cha kutwala ku ululi?

1 Korintu 6:15

Kunwanyingikine mijimba yenu yinapu yihanda ya Kristu? Kevwe munguchiza yihanda ya Kristu nguyipwise yihanda ya chikoi, nyi? Ka, pundu!

1 Korintu 6:16

Kuma, kunwanyingikine nyi, yoze malinunga ni chikoi mapwa mujimba umuwika? Mumu kanambe ngwenyi, E aali kumakapwa musunya umuwika.

1 Korintu 6:19

Kuma, kunwanyingikine nyi, mujimba wenu unapu tembele ya Spiritu Musandu, yoze uli muli yenu, yoze nuli nenyi wa kuli Zambi? Hi nuli a yenwene ko;

1 Korintu 6:4

Kashika kachi munupwa ni yuma ya kupatula ha kutwala ku mwono uno, munwasela kupatula waze anapu amokomoko mu chikungulwila, nyi?

2 Timoteu 2:4

Swalale niumwe malilimba ni yuma ya mwono uno; hanga akapemene kuli yoze hanamusela ku uswalale.

2 Timoteu 4:10

mumu Ndima hanangwehuka, mumu kanafwila yuma ya mwakono, hanayi ku Tesalonika; Cresene hanayi ku Ngalashia, Titu hanayi ku Ndalamashia.

2 Petulu 2:4

Mumu kachi Zambi kavwilile keke angelo muze avulumwine, aiioze waanyashine mu Tartaru, waakunjikile ku malenge ja milima mukwafunga ndo ku upatwilo.

Yuda 1:6

Ni angelo waze kafungile chiyulo cho ene chitangu, aiioze ehukile chihela cho ene, hanaafungu mu makana ja mutolo kushi lia milima pwi ndo ku upatwilo wa lie tangwa linene.