1 Korintu 5:3 - MUKANDA USANDU WA ZAMBI 1975

³ Mumu yami chamwenemwene se chishiko mu mujimba, alioze nguli hamwe ni yenu mu Spiritu, chizechene ngwe hamwe ni yenu hingunamupatwila kulu, yoze hanalingi chuma chino.

Mukanda Wa Zambi 1970

^3-4 Alioze yami, chibwe nguli kusuku ni yenu mu mujimba, mu manyonga nguli hamwe ni yenu. Mu jina lia Mwene Yesu hinamubatwila kulu, ngwe kwenako nguli, mutu yoze unakalinga chibi chino. Muze munulikungulula, ni yami mungubwa ko mu manyonga jami, ndundo ja Mwene wetu Yesu Kristu mujibwa ko hakachi ketu,

1 Korintu 5:3 Iomraidhean Croise

1 Korintu 5:12

Mumu chika nguli nacho ha kupatwila waze ali haze? Yenu kunushi kupatwila waze ali muchima, nyi?

2 Korintu 10:1

Achi, yami mwene Paulu, ngunaliumbu kuli yenu ku kushimbika ni ku umbovu wa Kristu, yami kumeso jenu nguli mukwa kulikehesa hakachi kenu, alioze muze chishiko ngunahamuka kuli yenu.

2 Korintu 10:11

Umwe ngwe yono ashinginyeke chino, cheswacho tuli ni liji lia mu mikanda muze kutushiko, chizechene nawa twapwa ni yilinga muze mutupwa hamwe ni yenu.

2 Korintu 13:2

Nambile Shimbu-kanda, ngunambe shimbu kanda ngwiza, chizechene ngwe muze napwile hamwe ni yenu chisuho chamuchiali, chocho haliapwila, se chishiko, kuli waze hanavulumuna kunyima, ni kuli akwo eswe ngwami, Kachi mungwiza cheka nawa, kachi chichi kanuvwila keke;

Kolosu 2:5

Mumu chipwe chishiko mu musunya, hindu kunguli hamwe ni yenu mu Spiritu, nikuwahilila ha kumona kululika chenu, ni kujikiza cha Ufulielo wenu muli Kristu.

1 Tesalonika 2:17

Alioze yetu, mandumbu, se tunahandunuka kuli yenu ha shimbu likepe mu mujimba, hi mu mbunge ko, twalipupwishile kuhiana kumona meso jenu ni usona wunji;