1 Korintu 5:1 - MUKANDA USANDU WA ZAMBI 1975

¹ Chinafumana hakachi ka eswe ngwo, Upangala uliko hakachi kenu, upangala umwe kuushiko chipwe hakachi ka akwa mavungu, mutu akapwa ni pwo lia tato.

Mukanda Wa Zambi 1970

¹ Atu eswe kaanachambulula ngwo, utanji uli hakachi kenu, utanji ngwe uze keeshi kuulinga chibwe hakachi ka waze hi akwa Kristu ko. Mumu kaanambe ngwo, umuwika hakachi kenu kali ni pwo lia tato.

1 Korintu 5:1 Iomraidhean Croise

Ubutukilo 35:22

Kwapwile shimbu Izalele Watwamine mu chifuchi chize Rupene yaya, yapomba ni Mbila *konkubina ya tato, mba Izalele yachivwa. Mba ana ja Yakomba te kumi ni aali.

Ubutukilo 37:2

Chisemuko cha Yakomba, chino; José, te kali ni kumi lia miaka ni miaka shimbiali, walishile mapanga hamwe ni ayayo. Iye wapwile kanuke hamwe ni ana ja Mbila ni ana ja Zelupa, mapwo ja tato. José wahetesele lufuma wo mupi kuli tato.

Ubutukilo 49:4

Wafulukila ngwe meya, kuchi kukumba, mumu wakundamine ku muhela wa tatenu. Wauchishile, wakundamine ku muhela wami.

2 Samuel 16:22

Kashika o yálila mbalaka Absalome ha fulumba lia zuwo ni Absalome yanjila kuli *akonkubina ja tato kumeso ja A-Izalele eswe.

2 Samuel 20:3

David yaheta ku zuwo lienyi mu Yerusaleme, yanda e kumi lia mapwo *akonkubina jenyi waze te ahichikile kufunga zuwo, yaasela mu zuwo limwe lia kwafunga, yaaha kulia, alioze kanjilile kuli ayo. Chocho yaajililamo ndo tangwa lia kufwa cho utwamishi.

1 Sango Ja Mianangana 5:1

Ana ja Rupene mwana mutangu wa Izalele (iye te mutangu alioze se achishile muhela wa tato ahanyine wata wenyi kuli ana ja José, mwana Izalele. Kechi kujichika miya nikulita ni wata.

Jeremia 2:33

Wakutalikisa kanawa jila ye ya kufupa akwa zango lie? Chipwe yingulungulu ja mapwo lianalilongesa ndako jipi kuli yena.

Ezekiel 16:47

Hindu kulinga yuma yo ya lwaji kuchakuhetele, chipwe kwenda mu majila jo, ahoze ni shimbu likepe wika wapiha kuhiana ayo mu ndako je jeswe.

Ezekiel 22:10

Muli yena atu kakutukula atato; hakachi kenu malunga kakupikapika mapwo aze achili ku mazuwo.

Alevi 18:8

Kanda ufukula pwo lia tatenu mumu wapwa uselesele, wa tatenu.

Alevi 20:11

Lunga yoze hanapombo ni pwo lia tato hanafukula uselesele wa tato. Kashika akaashihe eswe ni aali. Manyinga jo akapwe hali ene.

Amose 2:7

Wano kakuliachila mitwe ya yiswale mu fufuta ya hashi; kakupiangula jila ya akwa lamba. Lunga ni tato kakupomba ni mwana-pwo umuwika chocho kanajilula jina liami lisandu.

Yilinga 15:20

alioze tutume mukanda kuli ayo akasúle ku luchisa wa mahamba, ni ku utanji, ni kuli tushitu a kuhonda, ni ku manyinga.

Yilinga 15:29

ngwetu, Nukasúle ku yuma yize hanayitambula ku mahamba, ni ku manyinga, ni kuli tushitu a kuhonda, ni ku utanji; nyi munulifunga ku yino yuma, munulinga kanawa. Twamenu kanawa.

1 Korintu 1:11

Mumu hanangulwezecho ha kutwala kuli yenu, mandumbu jami, kuli akwa zuwo lia Choe, ngwo, Kuchili kulihangujola hakachi kenu.

1 Korintu 5:11

alioze haliapwila ngunasoneka kuli yenu, ngwami, Kanda nuliendela nenyi, kachi umwe anamuvuluka ngwo, Ndumbu, mapwa chitanji, hanji mukwa kwivwa kuzo, hanji mukwa kukombelela mahamba, hanji mukwa kutukana, hanji mukwa kuzengewa, hanji mukwa Tufutu; hamwe ni umwe ngwe yono kanda nulia.

1 Korintu 6:13

Kulia ha jimo, ni jimo ha kulia: alioze Zambi kumakahwisa yeswe yiali. Alioze mujimba hi ha utanji ko, alioze hali Mwene, ni Mwene ha mujimba:

1 Korintu 6:18

Chinenu utanji. Milonga yize yeswe mutu mavulumuna yili haze lia mujimba; alioze yoze malinga utanji mavulumuna mujimba wenyi mwene.

1 Korintu 6:9

Hanji kunwanyingikine yihenge kechi kahinga wanangana wa Zambi. Kanda nulionga: chipwe mapangala, chipwe akwa kukombelela mahamba, chipwe yitanji, chipwe akwa luchisa, chipwe akwa utumwa,

2 Korintu 12:21

Kuchina cheka nawa muze mungwiza, Zambi yami mangulelesa kumeso jenu, mungunenganyana hali anji a kuli waze hanavulumuna kunyima, ngwe kalikonyekeneko ha luchisa ni utanji ni upangala uze alingile.

2 Korintu 2:5

Alioze kachi umwe hanevwisa chinyengo, hanevwisa chinyengo hi yami ko, alioze yenu eswe hamwe hakehe (hanga chichi kulemena kuhiana naye).

2 Korintu 7:12

Chocho chipwe nasonekene kuli yenu, chasonekene mumu hali yoze walingile chipi, chipwe mumu hali yoze amulingile chipi, alioze hanga kulipupwisa chetu hali yenu chikanulumbunuke kumeso ja Zambi.

Galashia 5:19

Achi, yitanga ya musunya yinasoloka, yenayo yino: ni utanji, ni luchisa, hi upangala,

Efesu 5:3

Alioze utanji, ni luchisa mweswe, chipwe kuzo, kanda ayivuluka hakachi kenu nichimwe, ngwe chinatela asandu;

Shimbi 22:30

Lunga kanda ambata pwo lia tato, kanda akafukula pwo lia tato.

Shimbi 27:20

Kashingiwa mutu yoze mapomba ni pwo lia tato, mumu te iye hafukula pwo lia tato. Atu eswe até ngwo, Amene.

Kolosu 3:5

Kashika shihenu yihanda yenu yize yili hano hashi; ni utanji, ni luchisa, ni kusasaminya, ni usolo upi, ni kuzo, yenayo kukombelela mahamba;

1 Tesalonika 4:7

Mumu Zambi hanatutambika hi mukulinga luchisa ko, alioze ku usandu.

Usolwelo 2:21

Namuhele shimbu, hanga alikonyeke; iye kasolo kulikonyeka ha utanji wenyi.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

1 Samuel 2:24

Hi chocho ko anami; mumu lufuma ngunevu hi mupema ko. Nwakuvulumwisa atu a Yehova.